विमान | संग्रहीत आणि प्रतिकात्मक प्रतिमा

कोरोना विषाणूच्या (Corona Virus) लसीचे (Vaccine) दोन्ही डोस घेतलेल्या पाहुण्यांसाठी अमेरिकेने (America) आपले दरवाजे उघडले आहेत. व्हाईट हाऊसने (White House) शुक्रवारी जाहीर केले की 8 नोव्हेंबरपासून पूर्णपणे लसीकरण केलेले अभ्यागत देशात येऊ शकतात. तीन दिवसांपूर्वी अमेरिकन माध्यमांमध्ये असे वृत्त आले होते की ज्या परदेशी पर्यटकांनी अमेरिकेच्या अन्न व औषध प्रशासनाने किंवा जागतिक आरोग्य संघटनेने (WHO) मान्यताप्राप्त लसीचे दोन्ही डोस घेतले आहेत. त्यांना नोव्हेंबरपासून अमेरिकेत येण्याची परवानगी आहे. सेंटर फॉर डिसीज कंट्रोल अँड प्रिवेंशन (CDC) च्या हवाल्याने प्रसारमाध्यमांनी ही बातमी दिली आहे. कोरोना विषाणूच्या साथीच्या प्रारंभी अमेरिकेने वर्ष 2020 मध्ये सर्व पर्यटकांसाठी आपल्या सीमा बंद केल्या. त्यावेळी अमेरिकेच्या बाजूने युरोप, भारत, ब्राझील आणि चीनमधून येणाऱ्या लोकांचा प्रवेश बंद करण्यात आला होता.

अमेरिकेने आता सुमारे 19 महिन्यांनंतर हे धोरण बदलले आहे. नवीन सिस्टीम अंतर्गत ज्या लोकांना लसीकरण केले गेले आहे आणि अमेरिकेत विमानात चढण्यापूर्वी 72 तास आधी कोविड निगेटिव्ह आले आहेत. त्यांना विमानात चढण्याची परवानगी दिली जाईल. लसीकरण न झालेल्या परदेशी पर्यटकांना प्रवेश दिला जाणार नाही. त्याच वेळी ज्या अमेरिकन लोकांना लस मिळत नाही त्यांना नकारात्मक कोविड 19 चाचणीची आवश्यकता असेल. हेही वाचा Fatemeh Imam Bargah Mosque Bomb Blast: अफगाणिस्तानच्या कंधारमध्ये मशिदीत बॉम्ब स्फोट, 7 लोकांचा मृत्यू तर 13 जण जखमी

8 नोव्हेंबरपासून अमेरिकेत हवाई प्रवासाचे नियमही बदलतील. कॅनडा आणि मेक्सिकोची जमीन सीमा खुली करण्याची घोषणा आधीच करण्यात आली आहे.  अॅस्ट्राझेन्का, ज्याला डब्ल्यूएचओकडून मान्यता मिळाली आहे आणि चीनच्या शिनोफार्म ग्रुप आणि सिनोव्हेक बायोटेक लिमिटेडने तयार केलेल्या लस, ज्यांना अमेरिकेने मान्यता दिली नाही, या लसींचे डोस घेणारे लोक अमेरिकेतही जाऊ शकतील.

अध्यक्ष जो बिडेन यांच्या प्रशासनाने 20 सप्टेंबर रोजी प्रथमच या हालचालीची घोषणा केली. पण नवीन व्यवस्था कधी प्रभावी होईल हे सांगण्यात आले नाही. कोरोना व्हायरस साथीच्या काळात ज्या विमान कंपन्यांवर बंदी घालण्यात आली होती. त्यांनी या निर्णयाचे कौतुक केले आहे. अमेरिका आणि युरोप दरम्यान उडणारी ट्रान्स अटलांटिक उड्डाणे ही एकमेव कंपन्या आहेत ज्यांना सर्वात जास्त फायदा झाला आहे.