Tokyo Paralympics 2020: 2 वर्षांचा असताना पोलिओने ग्रासले, शरद कुमारच्या अडखळणाऱ्या पावलांना मिळाला आईचा आधार
टोकियो पॅरालिम्पिक खेळांमध्ये मुझफ्फरपूर, बिहारच्या शरद कुमारने कांस्यपदक जिंकले. तो 2 वर्षांचा असताना त्याच्या डाव्या पायाला पोलिओ सारख्या दुर्धर आजाराने ग्रासले होते. अशा स्थितीत शरदने पोलिओ प्रभावित डाव्या पायाला आपल्या शरीराचा सर्वात मजबूत भाग बनवले. शरदला आपल्या पायावर उभे करण्यासाठी त्याच्या पालकांनी केलेल्या मेहनतीचे फळ आज त्यांना मिळाले आहे.
Tokyo Paralympics 2020: भारताच्या पॅरा खेळाडूंनी टोकियो पॅरालिम्पिक (Tokyo Paralympics) खेळांमध्ये कमालच केली आहे. मरियप्पन थंगावेलुने T42 श्रेणीच्या उंच उडी (High-Jump) स्पर्धेच्या अंतिम सामन्यात रौप्य पदक जिंकले, तर मुझफ्फरपूर, बिहारच्या शरद कुमारने (Sharad Kumar) कांस्यपदक जिंकले. मरियप्पनने पुरुषांच्या उंच उडी टी 63 मध्ये 1.86 मीटर आणि शरदने 1.83 मीटर उडी मारली. यासह, टोकियो पॅरालिम्पिकमध्ये भारताच्या पदकांची संख्या 10 वर पोहोचली आहे. टेनिस स्टार रॉजर फेडरर कडून शेवटपर्यंत लढण्याची कला शिकून आणि खेळाच्या मैदानावर कधीही हार न मानता शरदने टोकियो पॅरालिम्पिकच्या उंच उडी टी-63 स्पर्धेत कांस्यपदक जिंकून आपले स्वप्न पूर्ण केले. (Tokyo Paralympics 2020: मरियप्पन थंगावेलूला उंच उडीत रौप्य पदक, शरद कुमारने पटकावले कांस्यपदक)
तो 2 वर्षांचा असताना त्याच्या डाव्या पायाला पोलिओ सारख्या दुर्धर आजाराने ग्रासले होते. अशा स्थितीत शरदने पोलिओ प्रभावित डाव्या पायाला आपल्या शरीराचा सर्वात मजबूत भाग बनवले आणि बिहारसह देशवासियांना टोकियो पॅरालिम्पिक खेळामध्ये उंच उडी मारून कांस्य पदक जिंकून सर्वात मोठी भेट दिली. तसेच शरद हा 2 वेळचा आशियाई पॅरा गेम्सचा सुवर्णपदक विजेता आहे. मंगळवारी, उंच उडीच्या टी -63 स्पर्धेत कांस्यपदक विजेता शरदच्या निवासस्थानी उत्सवाचे वातावरण आहे. वडील सुरेंद्र कुमार, आई कुमकुम कुमारी आणि भाऊ सलाज कुमार यांना शरदच्या कर्तृत्वाचा अभिमान आहे. शरदला आपल्या पायावर उभे करण्यासाठी त्यांनी केलेल्या मेहनतीचे फळ आज त्यांना मिळाले आहे. मुझफ्फरपूरच्या मोतीपूरचा रहिवासी शरद गुडघ्याच्या समस्येमुळे पॅरालिम्पिक टी 42 उंच उडीच्या अंतिम फेरीतून बाहेर पडण्याच्या मार्गावर होते पण भारतात परत आपल्या कुटुंबाला फोन करून आणि आणि इव्हेंटच्या आदल्या रात्री भगवद्गीता वाचल्यामुळे त्याला मदत मिळाली.
It’s 🥉 for Sharad!!@sharad_kumar01 makes it to the podium by clinching 🥉 in Men’s High Jump T63 Final with the Season Best jump of 1.83m
Spectacular display of hard work & commitment by Sharad in his 2nd #Paralympics
🇮🇳 is proud of you!#Praise4Para#Cheer4India pic.twitter.com/3HpDdKhabW
— SAI Media (@Media_SAI) August 31, 2021
स्पर्धेच्या काही तास आधी शरदने त्याच्या आईला त्याच्या पायाला झालेल्या दुखापतीबद्दल सांगितले. तो फोनवरच रडू लागला आणि स्पर्धा करू शकत नसल्याबद्दल बोलला. हे ऐकल्यावर आई म्हणाली की “जेव्हा तुला 18 महिन्यांचा असताना पोलिओ झाला तेव्हा मी हरले नाही, त्यामुळे आता ही देशाची बाब आहे. तू कसा माघार घेशील? उत्कट हो आणि पुढे जा.” माजी जागतिक नंबर एक शरदला 2016 रिओ पॅरालिम्पिक खेळात सहाव्या स्थानावर समाधान मानावे लागले होते. यानंतर त्याला प्रशिक्षणासाठी त्याला युक्रेनला पाठवण्यात आले, जे त्याच्या कारकिर्दीचे टर्निंग पॉईंट ठरले. यानंतर शरदने 2018 च्या जकार्ता पॅरा एशियाडमध्ये सुवर्ण उडी घेतली. कुमार, भारतीय क्रीडा प्राधिकरणाचे प्रशिक्षक, यांनी पॅरालिम्पिकच्या तयारीसाठी 2017 पासून युक्रेनमध्ये तीन वर्षे प्रशिक्षण घेतले होते.
(The above story first appeared on LatestLY on Aug 31, 2021 10:18 PM IST. For more news and updates on politics, world, sports, entertainment and lifestyle, log on to our website latestly.com).
