Tibet Earthquake: तिबेटमध्ये 5.7 रिस्टर स्केलचा भूकंप, मोठ्या प्रमाणावर नुकसान
तिबेटमध्ये भूपृष्टापासून 10 किमी खोल अंतरावर 5.7 रिस्टर स्केल इतका भूकंप झाला. ज्यामुळे स्थानिकांना मोठ्या नुकसानीस सामोरे जावे लागले. अधिक माहितीची प्रतिक्षा आहे.
5.7 Magnitude Earthquake: राष्ट्रीय भूकंपशास्त्र केंद्र (NCS) ने दिलेल्या माहितीनुसार, सोमवारी (12 मे) पहाटे तिबेटमध्ये 5.7 रिश्टर स्केलचा शक्तिशाली भूकंप झाला. हा भूकंप भूपृष्ठावरुन खाली फक्त 10किलोमीटर खोलीवर झाला, ज्यामुळे आफ्टरशॉक आणि संभाव्य पृष्ठभागाचे नुकसान होण्याची शक्यता वाढली. NCS ने सोशल मीडिया प्लॅटफॉर्म X (पूर्वीचे ट्विटर) वर या भूकंपाबाबत माहिती देत पुष्टी केली आहे. धक्कादायक म्हणजे या प्रदेशात हा भूकंप 8 मे रोजी 3.7 तीव्रतेचा भूकंप नोंदवल्यानंतर फक्त चार दिवसांनी त्याच ठिकाणी भूकंपाची पुनर्घटना घडली आहे. यापूर्वी झालेल्या घटनेची खोली देखील 10 किलोमीटर इतकी उथळ होती.
भूकंपाचा तपशील:
| दिनांक | तीव्रता | वेळ (IST) | खोली | अक्षांश | रेखांश | स्थान |
| 12 मे 2025 | 5.7 | 02:41:24 सकाळी | 10 किमी | 29.02 N | 87.48 E | तिबेट |
| 8 मे 2025 | 3.7 | 08:18:41 संध्याकाळी | 10 किमी | 29.20 N | 87.02 E | तिबेट |
उथळ भूकंप अधिक धोकादायक का असतात?
उथळ भूकंप हे अधिक घातक मानले जातात कारण त्यांचा ऊर्जा विस्फोट पृथ्वीच्या पृष्ठभागाच्या खूप जवळ होतो. त्यामुळे जमिनीला तीव्र हादरे बसतात, आणि घरांची व इतर संरचनांची हानी होण्याची शक्यता वाढते. यामुळे जीवितहानीचाही धोका अधिक असतो.
भूकंपाबाबत अधिकृत पुष्टी
EQ of M: 5.7, On: 12/05/2025 02:41:24 IST, Lat: 29.02 N, Long: 87.48 E, Depth: 10 Km, Location: Tibet.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/nCeJ434PGR
— National Center for Seismology (@NCS_Earthquake) May 11, 2025
तिबेटमध्ये भूकंप का वारंवार होतात?
तिबेट हा एक भूकंपीयदृष्ट्या सक्रिय भाग आहे कारण येथे भारतीय टेक्टॉनिक प्लेट युरेशियन प्लेटवर धडकत असते. या टक्करांमुळे तिबेट आणि हिमालयात भूगर्भीय बदल घडत राहतात. या टक्करांमुळे हिमालयातील शिखरांची उंचीही बदलू शकते, असे अल जझीरा च्या अहवालात नमूद केले आहे.
टेक्सास विद्यापीठातील भूगर्भशास्त्रज्ञ डॉ. मॅरिएन कार्प्लस म्हणाल्या: पृथ्वीची प्रणाली खूप क्लिष्ट आहे, त्यामुळे भूकंपांची अचूक भविष्यवाणी करणे शक्य नाही. मात्र, संशोधनाद्वारे आपल्याला भूकंपांची कारणे आणि त्याचा परिणाम समजून घेता येतो.
तसेच, त्यांनी असेही सांगितले की, भूकंपविषयक जनजागृती, मजबूत बांधकामाची यंत्रणा आणि आधीपासूनच असलेल्या इमारतींचे मजबुतीकरण हे उपाय जीवित आणि मालमत्तेची हानी कमी करण्यासाठी उपयुक्त ठरू शकतात.
नागरिकांनी काय खबरदारी घ्यावी?
तिबेटसारख्या भूकंपीय दृष्ट्या संवेदनशील भागात राहणाऱ्या नागरिकांनी अधिकृत संस्थांकडून मिळणाऱ्या सूचनांकडे लक्ष द्यावे. आपत्कालीन तयारी आणि सतर्कता हे नैसर्गिक आपत्तीच्या परिणामांना कमी करण्यासाठी अत्यंत आवश्यक आहेत.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
