Kamlesh Awasthi Death: सुप्रसिद्ध गायक कमलेश अवस्थी यांचे राहत्या घरी निधन, संगीतविश्वात पसरली शोककळा
कमलेश यांनी 'गोपीचंद जासूस' चित्रपटात राज कपूरसाठी आवाज दिला होता आणि 'प्यासा सावन'मधील 'तेरा साथ है तो..' हे हिट गाणेही गायले होते. 'नसीब' चित्रपटातील 'जिंदगी इम्तिहान लेती है..' हे गाणेही कमलेश अवस्थी यांनी गायले होते.
Kamlesh Awasthi Death: गायक कमलेश अवस्थी यांचे 28 मार्च रोजी अहमदाबाद येथील राहत्या घरी निधन (Kamlesh Awasthi Death) झाले आहे. महिनाभर ते कोमात होते आणि आज त्यांनी अखेरचा श्वास घेतला आणि जगाचा कायमचा निरोप घेतला. कमलेश यांनी 'गोपीचंद जासूस' चित्रपटात राज कपूरसाठी आवाज दिला होता आणि 'प्यासा सावन'मधील 'तेरा साथ है तो..' हे हिट गाणेही गायले होते. 'नसीब' चित्रपटातील 'जिंदगी इम्तिहान लेती है..' हे गाणेही कमलेश अवस्थी यांनी गायले होते. गायकाच्या निधनाने संगीतविश्वात शोककळा पसरली आहे. (हे देखील वाचा: Sai Tamhankar Bollywood Projects : सई ताम्हणकरचा हिंदी चित्रपटसृष्टीत दबदबा वाढला; पुढचे सलग तीन प्रोजेक्ट हिंदीतलेच)
Play back singer Kamlesh Awasthi passed away. His voice was very simlier to Mukesh. He sings in films like Gopichand Jasoos (Choti se gilasia main..) and Naseeb (Zindagi Imtihan leti hai) etc. Rest in Peace#KamleshAwasthi#RestInPeace pic.twitter.com/q2xaa76ISb
— Anuj Alankar (@Anujalankar9) March 28, 2024
डॉ.कमलेश अवस्थी यांची कारकीर्द
डॉ. कमलेश अवस्थी यांचा जन्म 1945 साली सावरकुंडला येथे झाला. त्यांनी एम.एस्सी, पीएच.डी.चे शिक्षण भावनगर विद्यापीठातून पूर्ण केले. कलागुरू भरभाई पांड्या यांच्या मार्गदर्शनाखाली भावनगर सप्तकला येथे त्यांनी संगीत कारकिर्दीला सुरुवात केली. संगीत क्षेत्रात त्यांनी आपला पहिला म्युझिक अल्बम 'ट्रिब्युट टू मुकेश' रिलीज केला.
डॉ.कमलेश अवस्थी यांचे सदाबहार कार्य
डॉ.कमलेश अवस्थी आठ हिंदी चित्रपट आणि अनेक गुजराती चित्रपटात गाणी गाऊन लोकांमध्ये लोकप्रिय झाले. राज कपूर यांच्या 'गोपीचंद जासूस' या शेवटच्या चित्रपटात त्यांनी पार्श्वगायक म्हणून गायन केले होते. त्यावेळी त्यांनी आदर व्यक्त करत देशाला मुकेश परत मिळाल्याचे म्हटले होते. त्यानंतर त्यांना व्हॉईस ऑफ मुकेश म्हणूनही ओळखले जाऊ लागले. मुकेश यांनी अनेक गुजराती गाण्यांना आवाज दिला होता आणि संगीताच्या स्टेज शोमध्ये ते मोठे नाव होते.
(The above story first appeared on LatestLY on Mar 28, 2024 11:25 PM IST. For more news and updates on politics, world, sports, entertainment and lifestyle, log on to our website latestly.com).
