Diwali 2022 Calendar: 23 ऑक्टोबरपासून सुरू होत आहे दिवाळीचा सण; धनत्रयोदशीपासून भाऊबीजपर्यंतच्या सणाच्या तारीखा आणि मुहूर्त जाणून घ्या
Diwali 2022 Calendar (PC - File Image)

Diwali 2022 Calendar: हिंदू धर्मातील प्रमुख सणांपैकी एक असलेला दिवाळीचा सण मोठ्या थाटामाटात साजरा केला जातो. असं म्हटलं जातं की, या दिवशी देवी लक्ष्मी आपल्या भक्तांना भेट देते आणि त्यांना सुख आणि समृद्धीचा आशीर्वाद देते. त्याच वेळी, दिवाळी साजरी करण्यामागील कथा भगवान श्री रामाशी संबंधित आहे. लंकापती रावणाचा वध करून आणि 14 वर्षांचा वनवास घालवून भगवान श्रीराम अयोध्येत परतले. त्यांच्या आगमनाच्या आनंदात अयोध्यावासीयांनी तुपाचे दिवे लावून संपूर्ण अयोध्या उजळून टाकली. तेव्हापासून दरवर्षी कार्तिक महिन्यातील अमावास्येला दिवाळी हा सण साजरा केला जातो. हा पाच दिवस चालणारा उत्सव धनत्रयोदशीपासून सुरू होतो आणि भाऊबीजेने संपतो. त्यामुळे धनत्रयोदशीपासून भाऊबीजपर्यंतच्या सणाच्या तारीखा आणि मुहूर्त जाणून घेऊयात...

धनतेरस 2022 कधी आहे?

दिवाळीच्या 5 दिवस आधी धनत्रयोदशीचा सण साजरा केला जातो. यासोबतच याला धन्वंतरी जयंती असेही म्हणतात. या दिवशी भगवान कुबेरासोबत धन्वंतरीची पूजा केली जाते. धनत्रयोदशीच्या दिवशी सोने-चांदी आणि इतर वस्तू खरेदी करणे शुभ मानले जाते. (हेही वाचा - Navaratri 2022: नवरात्रीच्या 9 दिवसांत देवीच्या 'या' मंदिरात महिलांना जाण्यास बंदी; जाणून घ्या काय आहे मान्यता)

  • धनतेरस प्रारंभ - 22 ऑक्टोबर 2022 रोजी संध्याकाळी 6.02 पासून
  • धनतेरस समाप्ती - 23 ऑक्टोबर 2022 संध्याकाळी 6.03 पर्यंत
  • पूजेसाठी शुभ वेळ - रविवार, 23 ऑक्टोबर 2022 संध्याकाळी 5:44 ते 6.05 पर्यंत

नरक चतुर्दशी 2022 तारीख आणि शुभ मुहूर्त -

धनत्रयोदशीनंतर नरक चतुर्दशीचा सण साजरा केला जातो. यंदा नरक चतुर्दशी आणि दिवाळी एकाच दिवशी साजरी होत आहे. असे मानले जाते की कार्तिक महिन्यातील चतुर्दशी तिथीला भगवान श्रीकृष्णाने नरकासुरचा वध करून 16 हजार मुलींना मुक्त केले होते. त्यामुळे दरवर्षी हा दिवस नरक चतुर्दशी म्हणून साजरा केला जातो. नरक चतुर्दशीच्या दिवशी रात्रीच्या वेळी नाली, शौचालय, मुख्य दरवाजा इत्यादी ठिकाणी तेलाचे दिवे लावले जातात.

  • नरक चतुर्दशी प्रारंभ - 23 ऑक्टोबर 2022 रोजी संध्याकाळी 06.03 वाजता
  • नरक चतुर्दशी समाप्ती - 24 ऑक्टोबर 2022 संध्याकाळी 05:07 पर्यंत

दिवाळी 2022 तारीख आणि शुभ मुहूर्त -

दिवाळी हा सण कार्तिक महिन्यातील अमावास्येला साजरा केला जातो. आनंद आणि समृद्धीचे प्रतीक असलेल्या दिवाळीच्या या सणात माता लक्ष्मीसोबत गणेशाची पूजा केली जाते. यासोबतच संपूर्ण घर दिव्यांनी सजवले जाते.

  • कृष्ण पक्षाची चतुर्दशी तारीख- 23 ऑक्टोबर 24 रोजी संध्याकाळी 6:04 पासून सुरू होऊन 5:28 पर्यंत
  • कृष्ण पक्षातील अमावस्या - 24 ऑक्टोबर रोजी संध्याकाळी 5:28 पासून सुरू होऊन 25 ऑक्टोबर रोजी संध्याकाळी 4:18 पर्यंत
  • लक्ष्मी पूजन मुहूर्त - 24 ऑक्टोबर संध्याकाळी 06.53 ते 08.16 पर्यंत
  • अभिजीत मुहूर्त - 24 ऑक्टोबर सकाळी 11:19 ते दुपारी 12:05 पर्यंत

    अमृत ​​काल मुहूर्त - 24 ऑक्टोबर सकाळी 08.40 ते 10.16 पर्यंत

  • विजय मुहूर्त - 24 ऑक्टोबर, दुपारी 01:36 ते दुपारी 02:21
  • संधिप्रकाश मुहूर्त - 24 ऑक्टोबर संध्याकाळी 05:12 ते 05:36 पर्यंत

गोवर्धन पूजा 2022 तारीख आणि शुभ मुहूर्त -

दिवाळीच्या दुसऱ्याच दिवशी गोवर्धन पूजा केली जाते. याला अन्नकूट या नावानेही ओळखले जाते. गोवर्धन पूजा गोवर्धन पर्वत आणि भगवान कृष्ण यांना समर्पित आहे. या दिवशी शेण टाकून गोवर्धन पर्वताचा आकार दिला जातो. यासोबत त्यांना हरभरा डाळ आणि तांदूळ अर्पण केला जातो.

  • गोवर्धन पूजा प्रारंभ - 25 ऑक्टोबर 2022 दुपारी 4:18 वाजता
  • गोवर्धन पूजा समाप्ती - 26 ऑक्टोबर 2022 दुपारी 02:42 पर्यंत
  • गोवर्धन पूजा मुहूर्त - 26 ऑक्टोबर रोजी सकाळी 06.33 ते 26.08.48 पर्यंत

भाऊबीज 2022 तारीख आणि शुभ मुहूर्त -

गोवर्धन पूजेच्या दुसऱ्या दिवशी भाऊबीजेचा सण साजरा केला जातो. मात्र यावेळी गोवर्धन पूजा आणि भाऊबीज हा सण एकाच वेळी साजरा केला जात आहे. भाऊबीजच्या दिवशी, बहिणी आपल्या भावांना दीर्घायुष्य आणि उत्तम आरोग्यासाठी तिलक लावतात. भाऊबीजला यम द्वितीया असेही म्हणतात.

भाऊबीज पुजा मुहूर्त - 26 ऑक्टोबर दुपारी 01.18 ते दुपारी 03.33 पर्यंत

कार्तिक शुक्ल द्वितीया समाप्ती - 27 ऑक्टोबर 2022 दुपारी 12:45 पर्यंत.

अशा प्रकारे तुम्ही वरील सणाच्या तारखा आणि त्यांचे शुभ मुहूर्त पाहू शकता. या सणाच्या दिवशी तुम्ही शुभ मुहूर्तावर पूजाविधी करू शकता.