बुधवारी सकाळी तेहरानच्या विमानतळावर युक्रेनच्या विमानाचा अपघात झाला, या अपघातात 176 लोकांचा मृत्यू झाला होता. मात्र इराणने चुकून या विमानावर हल्ला केल्या असल्याचा अमेरिकेचा विश्वास आहे. याबाबत बोलण्यास पेंटॅगॉनने नकार दिला आहे.

The US believes that the Ukraine airliner that crashed and killed 176 people was accidentally brought down by Iran. The Pentagon declined to comment: Reuters

— ANI (@ANI) January 9, 2020

आज, गुरुवारी मानव संसाधन विकास मंत्रालयाकडून जेएनयूचे कुलगुरू एम. जगदीश कुमार यांना हटवण्यास नकार दिला गेला आहे. मंत्रालयाने सांगितले की, कुलगुरूंना काढून टाकणे हा तोडगा नाही. कॅम्पसमध्ये उपस्थित प्रश्न सोडविणे यावर सरकारचे लक्ष आहे. मंत्रालयाच्या अधिकाऱ्यांनी सांगितले की, विद्यार्थी आणि प्रशासनाच्या बैठकीत निश्चित करण्यात आलेल्या 'फॉर्म्युला' लागू करणे आवश्यक आहे. कुलगुरूंसह विद्यापीठाच्या अधिकाऱ्यांना शुक्रवारी मंत्रालयात बोलावण्यात आले असून त्यावेळी विद्यार्थ्यांच्या दाव्यांविषयी चर्चा केली जाईल.

महाराष्ट्र केसरी किताब जिंकल्यानंतर हर्षवर्धन सदगीरवर शुभेच्छांचा वर्षाव झाला, कौतुक झाले. मात्र ठरलेल्या बक्षिसाची रक्कम मिळाली नसल्याची माहिती काका पवार यांनी दिली होती. स्पर्धेच्या आयोजकांनी ‘महाराष्ट्र केसरी’ विजेत्याला दीड लाख रुपयांचे, तर उपविजेत्याला 75 हजार रुपयांचे बक्षीस जाहीर केले होते. मात्र हा किताब जिंकल्यावर हर्षवर्धन सदगीर याला फक्त 20 हजार रुपये देण्यात आले अशी खंतही त्यांनी बोलून दाखवली. ही गोष्ट शरद पवार यांना समजताच त्यांनी हर्षवर्धन सदगीरला 12 लाखांचा धनादेश त्यांनी दिला आहे.

यंदाच्या अखिल भारतीय मराठी साहित्य संमेलनाबाबत एक धार्मिक वाद उफाळून आला आहे. साहित्य साम्मेलांच्या अध्यक्षपदी फादर फ्रान्सिस दिब्रिटो यांची निवड झाली आहे. मात्र त्यांना ब्राह्मण महासंघाने विरोध दर्शविला आहे. त्यामुळे ब्राह्मण महासंघाने ज्येष्ठ साहित्यिक ना.धो. महानोर यांना साहित्य संमेलनाच्या उद्घाटनाला उपस्थित राहू नये, असा इशारा दिला आहे. याबाबत एक पत्र ब्राह्मण महासंघाने ना.धो. महानोर यांना लिहिले आहे. साहित्य संमेलनाच्या ठिकाणी 150 ख्रिस्त धर्मगुरू उपस्थित राहणार आहेत, याच गोष्टीला ब्राह्मण महासंघाचा विरोध आहे. 

पुणे येथील श्री छत्रपती क्रीडा संकूल येथे पार पडलेल्या महाराष्ट्र कुस्ती स्पर्धेत अंतिम विजेता मल्ल हर्षवर्धन सदगीर याला 12 लाख रुपयांचे इनाम देण्यात आले आहे.

विम्याचे हाप्ते, सेवा आणि इतर मागण्यांसाठी डोंबिवली शहरात ज्येष्ठ नागरिकांनी आदोल नकेले. यात सेवानिवृत्त कर्मचारी, महिला आणि नागरिकांचा मोठ्या प्रमाणावर समावेश होता.

जिल्हा परिषद निवडणुकीत भारजपचा मोठा पराभव झाला नाही. उलट आगोदरपेक्षा आमच्या जागा वाढल्या आहेत. नागपूरमध्येही आमचे संख्याबळ 21 वरुन केवळ 15 इतके कमी झाले इतकेच. पण आजही राज्यात भारतीय जनता पक्षच सर्वात मोठा पक्ष असल्याचे विधानसभेतील विरोधी पक्षनेते देवेंद्र फडणवीस यांनी म्हटले आहे. जिल्हा परिषद निवडणुकीत झालेल्या पराभवाच्या पार्श्वभूमिवर भाजपची चिंतन बैठक मुंबई येथे पार पडली. या बैठकीनंतर फडणवीस प्रसारमाध्यमांशी बोलत होते.

उद्यापसून सुरु होत असलेल्या अखिल भारतीय साहित्य संमेलनाला जाऊ नका, अशी धमकी अज्ञाताकडून ज्येष्ठ कवी ना. धो. महानोर यांना मिळाली आहे. ना धो महानोर हे यंदा उस्मानाबाद येथे पार पडत असलेल्या 93 व्या अखिल भारतीय साहित्यस संमेलनाचे उद्घाटक आहेत.

वाहतूक विभागातील  पोलीस उपमहानिरीक्षक निशिकांत मोरे (DIG Nishikant More) यांना पदावरुन निलंबीत करण्यात आले आहे. अल्पवयीन तरुणीचा विनयभंग आणि तिच्यासोबत अश्लील वर्तन केल्याचा मोरे यांच्यावर आरोप आहे. आजच्या दिवसात या प्रकरणात  मोरे यांना बसलेला हा दुसरा झटका आहे. निशिकांत मोरे यांनी पनवेल कोर्याकडे संबंधीत प्रकरणात अटकपूर्व जामीन मिळावा यासाठी अर्ज केला होता. मात्र, पनवेल कर्टाने त्यांचा जामीन अर्ज आज (9 जानेवारी 2019) फेटाळून लावला. त्यामुळे मोरे यांची अटक आता अटळ ठरली आहे.

राज्याच्या गृहविभागाने निशिकांत मोरे अल्पवयीन तरुणी विनयभंग प्रकरणाची गंभीर दखल घेत मुख्यमंत्र्यांच्या वाहन ताफ्यातील चालक दिनकर साळवे याला निलंबीत केले आहे. निशिंकात मोरे प्रकरणात साळवी याने पीडितेच्या कुटुंबाला धमकी दिल्याचा आरोप आहे.

अल्पवयीन तरुणीचा विनयभंग आणि तिच्यासोबत अश्लिल वर्तन केल्याचा आरोप असलेल्या डीआयजी निशिकांत मोरे यांचा जामीन अर्ज पनवेल कोर्टाने फेटाळला आहे. डीआयजी निशिकांत मोरे यांच्यावरील जामीन अर्जावर युक्तीवाद पूर्ण झाल्यावर कोर्ट काय निर्णय देते याकडे लक्ष लागले होते. या प्रकरणाचा तपास करण्यासाठी डीआयजी मोरे यांना अटक करणे आवश्यक असल्याची मागणी तपास अधिकाऱ्यांनी केली होती.

रखडलेली मेगाभरती प्रक्रिया आम्ही करणार, असं आश्वासन ठाकरे सरकारमधील ग्रामविकास मंत्री हसन मुश्रीफ यांनी दिलं आहे. मुश्रीफ लोकमत सरपंच अवार्ड कार्यक्रमात एका सरपंच महिलेच्या प्रश्नावर उत्तर देताना बोलत होते. माजी मुख्यमंत्री देवेंद्र फडणवीस यांनी राज्यात 72 हजार पदांची मेगा भरती करण्याची घोषणा केली होती. परंतु, महापरीक्षा पोर्टल संदर्भातील गोंधळामुळे ही भरती प्रक्रिया रखडली होती.  

विद्यार्थ्यांना विद्यापीठामध्येचं शांततेच्या मार्गाने आंदोलन करण्याचे शिक्षण देण्याची गरज असल्याचं मत राज्यपाल भगतसिंह कोश्यारी यांनी व्यक्त केलं आहे. सार्वजनिक संपत्तीचे नुकसान टाळण्यासाठी अशा प्रकारच्या शिक्षणाची आवश्यकता असल्याचंही कोश्यारी यांनी म्हटलं आहे. ते पुण्यातील एमआयटी वल्पड पीस युनिव्हर्सिटी, विश्वशांती केंद्र यांच्यातर्फे आयोजित करण्यात आलेल्या राज्यस्तरीय पुरस्कार वितरण कार्यक्रमात बोलत होते. 

महाविकास आघाडी सरकार शेतकऱ्यांसाठी फायदेशीर नाही, असं मत वंचित बहुजन पक्षाचे प्रमुख प्रकाश आंबेडकर यांनी व्यक्त केलं आहे. या सरकारला शेतकऱ्यांबद्दल कोणतीही आस्था नाही. हे सरकार शेतकऱ्यांच्या नावावर उद्योजकांची मदत करत आहेत. ऊसतोड कामगारांच्या नावाखाली सरकार साखर कारखान्यांना मदत करत आहे, असा दावाही प्रकाश आंबेडर यांनी एबीपी माझावर प्रतिक्रिया देताना केला आहे. 

राज्याचे मुख्यमंत्री आणि शिवसेना पक्षप्रमुख उद्धव ठाकरे हे आज औरंगाबाद जिल्हा दौऱ्यावर आहेत. एका कार्यक्रमासाठी ते औरंगाबाद येथे आले आहेत. दरम्यान, कार्यक्रमानंतर उद्धव ठाकरे यांनी शिवसेना पदाधिकाऱ्यांची बैठक घेतली. या बैठकीस शिवसेना आमदार तानाजी सावंत अनुपस्थित होते. नुकत्याच झालेल्या जिल्हा परिषद निवडणुकीत सावंत यांन पक्षविरोधी काम केले होते.

2019 हे वर्ष सन 1901 पासूनचे आत्तापर्यंतचे सातवे सर्वाधिक उष्ण वर्ष ठरले आहे. यंदा नागरिकांनी अनुभवलेल्या टोकाच्या हवामानामुळे 1 हजार 600 हून जास्त बळी गेले आहेत. जागतिक तापमानवाढीच्या पार्श्वभूमीवर ही माहिती चिंता निर्माण करणारी आहे. आयएमडीकडून यासंदर्भात चिंता वाढवणारी आकडेवारी प्रसिद्ध करण्यात आली आहे. 

नाशिकमध्ये महावितरण विभागाचा भोंगळ कारभार उघड झाला आहे. नाशिकच्या सिडको परिसरातील 300 पेक्षा जास्त घरातील विद्युत उपकरणं एकाचवेळी जळून खाक झाली आहेत. अचानक विजेचा दाब वाढल्याने घरातील टीव्ही, फ्रिज, सेट ऑप बॉक्स, मिक्सरसह अनेक उपकरणे जळाली आहेत. या घटनेच्या आवाजामुळे घरातील लोकांचा थरकाप उडाला. विजेच्या सर्व उपकरणांचे नुकसान होऊन त्यातून धूर निघू लागला. त्यामुळे संतप्त नागरिकांनी सिडको विभागाच्या महावितरण कार्यालयाकडे धाव घेतली. 

महाविकास आघाडी सरकारमध्ये सामाजिक न्याय मंत्री पदाची जबाबदारी घेतल्यानंतर आज धनंजय मुंडे पहिल्यांदाच भगवान गडावर गेले. यावेळी त्यांनी उतणार नाही, मातणार नाही घेतलेला वसा टाकणार नाही, असा शब्द जनतेला दिला आहे. तसेच कोणत्याही गडावरून यापुढे राजकारण होणार नाही, असं आश्वासन मुंडे यांनी यावेळी दिलं आहे. 

शिवाजीराव भोसले सहकारी बँकेच्या रेकॉर्डमध्ये बनावट नोंदी करून त्या खऱ्या असल्याचे भासवून तब्बल 71 कोटी 78 लाखांचे गैरव्यवहार केल्याप्रकरणी राष्ट्रवादी काँग्रेस पक्षाचे माजी आमदार अनिल भोसले यांच्यासह 11 जणांविरुद्ध गुन्हा दाखल करण्यात आला आहे. हा गुन्हा शिवाजीनगर पोलिस ठाण्यात दाखल करण्यात आला आहे. 

माजी मुख्यमंत्री देवेंद्र फडणवीस यांनी मनसे प्रमुख राज ठाकरे यांच्यासोबतच्या भेटीचं वृत्त नाकारलं आहे. ते लोकमत दैनिकाच्या 'सरपंच ऑफ दि इअर' कार्यक्रमात फडणवीस बोलत होते. यावेळी फडणवीस यांना राज ठाकरेंसोबत बैठक झाली का? असं विचारलं असता फडणवीस यांनी सांगितले की, आमच्या भेटी अनेक वेळा झाल्या आहेत. मनसे आणि भाजपा एकत्र येण्याचं कोणतीही चिन्ह नाही. त्यांच्या आणि आमच्या विचारात अतंर आहे. जोपर्यंत विचार आणि कार्यपद्धतीत अंतर आहे, तोपर्यंत आम्ही एकत्र येऊ शकत नाही. मनसेचे विचार आणि कार्यपद्धती बदलल्यास भविष्यात एकत्र येण्याचा विचार करु शकतो, असा दावाही फडणवीस यांनी केला आहे. 

Siachen War Memorial  येथे आज (9जानेवारी)  लष्करप्रमुख मुकुंद नरवणे यांनी आपली श्रद्धांजली अर्पण केली आहे.

Chief of the Army Staff, General Manoj Mukund Naravane, pays tribute at Siachen War Memorial. pic.twitter.com/9ZoAtSoolX

— ANI (@ANI) January 9, 2020

राज्याला रडण्याची नव्हे लढण्याची परंपरा आहे, असं वक्तव्य मुख्यमंत्री उद्धव ठाकरे यांनी औरंगाबादमध्ये केले आहे. शेतकऱ्यांना फक्त कर्जमुक्त नव्हे तर चिंतामुक्त करण्याचं उद्दिष्ट आमच्या महाविकास आघाडी सरकारने डोळ्यापुढे ठेवलं आहे, असंही ठाकरे यांनी यावेळी सांगितलं. तसचं मुख्यमंत्र्यांनी मराठवाड्यासाठी विविध योजनांची घोषणा केली. कृषी आणि उद्योग खात्याच्या माध्यमातून शेतकऱ्यांची मदत करणार असल्याची ग्वाहीही यावेळी मुख्यमंत्री ठाकरे यांनी दिली आहे. 

गँगस्टर एजाज लकडावाला याला अटक करण्यात आली आहे. मुंबई पोलिसांनी ही  कारवाई केली आहे. न्यायालयाकडून लकडावालाला 21 जानेवारीपर्यंत पोलीस कोठडी सुनावली आहे. (वाचा - दाऊद इब्राहिम याचा एकेकाळचा हस्तक कुख्यात एजाज लकडावाला याला पटना येथून अटक; मुंबई पोलिसांची मोठी कारवाई )

Gangster Ejaz Lakdawala arrested from Patna by Mumbai Police's anti extortion cell, remanded to police custody till January 21 by Court pic.twitter.com/t0TSCHu9gw

— ANI (@ANI) January 9, 2020

निर्भया सामूहिक बलात्कार प्रकणातील एक दोषी विनय कुमार याने सर्वोच्च न्यायालयात पुनर्विचार याचिका दाखल केली आहे. निर्भया बलात्कार प्रकरणात आरोपी कुमार याला ठोठावण्यात आलेली शिक्षा रद्द करण्यात यावी, अशी मागणी या याचिकेत करण्यात आली आहे. या प्रकरणातील 4 आरोपींना 22 जानेवारी रोजी फाशी देण्यात यावी, असा आदेश सर्वोच्च न्यायालयाने दोन दिवसांपूर्वी दिला होता.  (हेही वाचा - निर्भया सामूहिक बलात्कार प्रकरण: फाशी रद्द करण्याच्या मागणीसाठी दोषी विनय कुमार सर्वोच्च न्यायालयात)

2012 Delhi gangrape and murder case: One of the convicts, Vinay Kumar Sharma has filed a curative petition before the Supreme Court. A Delhi Court had issued a death warrant against all four convicts on January 7 and they are scheduled to be executed on January 22 at 7 am pic.twitter.com/Sb2fGXRDId

— ANI (@ANI) January 9, 2020

अॅसिड हल्ला पीडित लक्ष्मी अग्रवालच्या वकिलाची छपाक चित्रपट प्रदर्शनाला आडकाठी घातली आहे. चित्रपटात क्रेडिट न दिल्यामुळे लक्ष्मी अग्रवाल यांच्या वकिल अपर्णा भट्ट यांनी न्यायालयात चित्रपट प्रदर्शन थांबवण्याची मागणी केली आहे. या सिनेमात अर्पणा यांना क्रेडिट देण्यात आलेले नाही. त्यामुळे अर्पणा भट्ट यांनी दिल्लीतील पटियाला हाउस कोर्टात याचिका दाखल केली आहे.   

महाराष्ट्र राज्याच्या सामाजिक न्याय व विशेष साहाय्य मंत्री पदाचा पदभार स्वीकारताच धनंजय मुंडे आज अहमदनगर व बीड जिल्हा दौऱ्यावर येत आहेत. आज धनंजय मुंडे भगवानगडावर संत भगवानबाबा यांच्या समाधीचे दर्शन घेण्यासाठी जाणार आहेत. 2014 मध्ये भगवानगड येथे झालेल्या राजकीय घडामोडीनंतर धनंजय मुंडे यांना गडावर येण्यास मज्जाव करण्यात आला होता. परंतु, काही दिवसांपूर्वी गडाचे महंत डॉ. नामदेव शास्त्री यांनी मुंबई येथे धनंजय मुंडे यांच्या निवासस्थानी भेट घेऊन मंत्री झाल्यावर भगवानगडावर दर्शनासाठी या, असं निमंत्रित दिलं होतं.  

नागपूर, नाशिक, मालेगाव महानगरपालिकांमध्ये पोटनिवडणुकीसाठी आज मतदान होत आहे. नागपूरमध्ये एका जागेसाठी तर नाशिकमध्ये 2 जागांसाठी मतदान होत आहे. तसेच मालेगावमध्ये एका जागेसाठी आज मतदानाची प्रक्रिया पार पडत आहे. या तिनही जिल्ह्यातील पोटनिवडणुकीचा निकाल उद्या (10 जानेवारी) लागणार आहे.  नागपूर महापालिकेच्या प्रभाग 12(ड)मधील पोटनिवडणुकीसाठी आज मतदान होत आहे. विधानसभा निवडणुकीत भाजपला पराभवाचा धक्का बसल्याने महापालिकेतील सत्ताधारी भाजप व काँग्रेस यांनी ही निवडणूक प्रतिष्ठेची केली आहे. दोन्ही पक्षाच्या नेत्यांनी हा प्रभाग आपल्यापक्षाकडे राहावा, यासाठी मोर्चेबांधणी केली होती.

राष्ट्रीय स्वयंसेवक संघ विचाराच्या कुलगुरुंच्या नियुक्त्या रद्द करा, अशी मागणी काँग्रेसचे नेते आणि माजी आमदार आशिष देशमुख यांनी मुख्यमंत्री उद्धव ठाकरे यांच्याकडे केली आहे. दिल्लीमधील जवाहरलाल नेहरु विद्यापीठात राष्ट्रीय स्वयंसेवक संघाच्या विचारांचे कुलगुरु आहेत. त्यामुळे तेथे काय झालं हे सर्वांनी पाहिलं आहे. आता हीच स्थिती राज्यात निर्माण होऊ नये यासाठी मुख्यमंत्री उद्धव ठाकरे यांची भेट घेणार असल्याचेही आशिष देशमुख यांनी एबीपी माझाला प्रतिक्रिया देताना सांगितलं आहे.

आजपासून मुंबई गेट वे ते दिल्लीतील राजघाटपर्यंत 'गांधी शांतता यात्रे'ला सुरुवात झाली आहे. काँग्रेस ज्येष्ठ नेते यशवंत सिन्हा यांच्या नेतृत्वाखाली या यात्रेचे आयोजन करण्यात आले आहे. मुंबई गेट वे ते दिल्लीतील राजघाटपर्यंत या यात्रेचा प्रवास असणार आहे. विशेष म्हणजे या यात्रेसाठी राष्ट्रवादी काँग्रेस प्रमुख शरद पवार आणि वंचित बहुजन पक्षाचे प्रमुख प्रकाश आंबेडकर एकत्र आले आहेत. या यात्रेत काँग्रेस तसेच राष्ट्रवादी काँग्रेस, विद्यार्थी आणि सामान्य नागरिकांचा सहभाग असणार आहे. देशात लादण्यात आलेल्या कायद्याला विरोध करण्यासाठी ही यात्रा काढण्यात आली आहे.

Mumbai: NCP Chief Sharad Pawar,former Union Minister Yashwant Sinha,Vanchit Bahujan Aghadi's Prakash Ambedkar and other leaders at Gateway of India during 'Gandhi Shanti Yatra', a protest against #CitizenshipAmendmentAct and #NationalRegisterofCitizens pic.twitter.com/gDG6otbWxf

— ANI (@ANI) January 9, 2020

अमेरिका-इराणमधील संघर्ष दिवसेंदिवस चिघळत चालला आहे. याचा परिणाम पेट्रोल-डिझेलच्या किंमतीवर झाला आहे. गुरुवारी देशात पेट्रोल आणि डिझेलच्या किंमतीत वाढ झाली आहे. मुंबईत पेट्रोलचा दर प्रति लिटर 81 रुपये 40 पैसे झाला आहे. तसेच  डिझेलसाठी प्रति लिटर 72.79 रुपये मोजावे लागत आहेत. कच्या तेलाच्या किंमती वाढल्याने पेट्रोल-डिझेलचा भडका उडाला आहे. (हेही वाचा - US-Iran Tensions: पेट्रोल, डिझेलचे भाव भडकले; जाणून घ्या मुंबई शहरातील आजचा दर काय?)

सुरतमध्ये सिलिंडर भरलेल्या ट्रकला भीषण आग लागल्याची घटना घडली आहे. या अपघातात स्कूल बससह रिक्षा जळून खाक झाली आहे. स्कूल बसला आग लागल्यानंतर बसचालकाने प्रसंगावधान राखत सर्व विद्यार्थ्यांना बसमधून खाली उतरवले. त्यामुळे मोठी जीवितहानी टळली आहे. गुरुवारी सकाळी साडेसहा वाजता ही घटना घडली. 

मध्य रेल्वेची कसारा-कल्याण दरम्यानची वाहतूक ठप्प झाली आहे. रुळाला तडे गेल्याने टिटवाळा- खडवली स्थानका दरम्यान लोकल वाहतूक रखडली आहे. त्यामुळे  मध्य रेल्वेच्या लोकल गाड्यांचा खोळंबा झाला आहे. सकाळी कामानिमित्त बाहेर पडलेल्या चाकरमान्यांना यामुळे मनस्ताप सहन करावा लागत आहे. (हेही वाचा - मध्य रेल्वे विस्कळीत! टिटवाळा- खडवली दरम्यान रेल्वे रुळाला तडा)

राजधानी दिल्लीत मध्यरात्री पटपडगंजमध्ये आग लागल्याची घटना घडली आहे. पटपडगंजच्या औद्योगिक क्षेत्रात ही आग लागली असून या आगीत एकाचा मृत्यू झाला आहे. अद्याप आगीवर नियंत्रण मिळवण्यात अग्निशमन दलाला यश आलेले नाही. दरम्यान, घटनास्थळी अग्निशमन दलाच्या 35 गाड्या दाखल झाल्या आहेत.

Delhi: Fire broke out at a paper printing press in Patparganj Industrial Area today, one person dead. 35 fire tenders are present at the spot. pic.twitter.com/7syFT5yF7V

— ANI (@ANI) January 9, 2020

मुख्यमंत्री पदाचा पदभार स्वीकारल्यानंतर उद्धव ठाकरे पहिल्यांदाच औरंगाबाद दौऱ्यावर आले आहेत. औरंगाबादमध्ये येत्या काही दिवसांत महानगरपालिका निवडणुका होणार आहेत. त्यामुळे पुढील रणनीती आखण्यासाठी मुख्यमंत्री उद्धव ठाकरे यांचा हा दौरा महत्त्वाचा ठरणार आहे.  

आज (8 जानेवारी) मुंबई महापालिकेच्या मानखुर्द प्रभाग क्रमांक 141 मध्ये आज पोटनिवडणूक होत आहे. या निवडणुकीसाठी शिवसेना, भाजप, काँग्रेस, समाजवादी पक्ष या प्रमुख पक्षांच्या उमेदवारांसह 18 उमेदवार निवडणूक रिंगणात आहे. या पोटनिवडणुकीची मतमोजणी 10 जानेवारीला होणार आहे.