Malala Yousafzai’s Marriage: नोबेल पारितोषिक विजेती 'मलाला युसुफझाई'ने बर्मिंगहॅममध्ये बांधली लग्नगाठ

नोबेल पारितोषिक विजेती मलाला युसुफझाईने (Malala Yousafzai) बर्मिंगहॅममध्ये एका छोट्या समारंभात लग्नगाठ बांधली. मलालाने असेर नावाच्या तरुणाशी लग्न केले आहे. ही बातमी शेअर करताना मलालाने लिहिले आहे की, 'आजचा दिवस माझ्या आयुष्यातील एक मौल्यवान दिवस आहे. आसेर आणि मी आयुष्यभर भागीदार होण्यासाठी गाठ बांधली. आम्ही बर्मिंगहॅम येथे आमच्या कुटुंबियांसोबत एक छोटा निक्का समारंभ साजरा केला. आम्हाला तुमच्या प्रार्थनांची गरज आहे. 'मलाला युसुफझाई, 24, मुलींच्या शिक्षणासाठी झटणारी एक पाकिस्तानी कार्यकर्ता आणि इतिहासातील सर्वात तरुण नोबेल शांतता पुरस्कार विजेती आहे. (हे ही वाचा पाकिस्तानी वृत्तवाहिन्यांना इमरान खान यांच्या सरकारने दिले आदेश, बातमीपूर्वी दाखवावा देशाचा नकाशा.)

Today marks a precious day in my life.

Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.

📸: @malinfezehai pic.twitter.com/SNRgm3ufWP

— Malala (@Malala) November 9, 2021

मलालाचा नवरा असर मलिक पाकिस्तान क्रिकेट बोर्डात (PCB) जनरल मनजर आहे.  तो मे 2020 मध्ये येथे रुजू झाला. यापूर्वी तो पाकिस्तान सुपर लीगसाठी काम करायचा. मलिक यांनी 2012 मध्ये लाहोर युनिव्हर्सिटी ऑफ मॅनेजमेंट सायन्सेसमधून अर्थशास्त्र आणि राज्यशास्त्रात बॅचलरची पदवी घेतली आहे.

तालिबान्यांनी गोळ्या झाडल्या

पाकिस्तानच्या स्वात खोऱ्यात मुलींच्या शिक्षणाला पाठिंबा देणाऱ्या मलालाला २०१२ मध्ये तालिबान्यांनी शाळेतून परतत असताना गोळ्या घातल्या होत्या. त्यावेळी मलाला फक्त 15 वर्षांची होती. मलालावर ब्रिटनमध्ये उपचार करण्यात आले आणि तिचा जीव मात्र वाचला. यानंतर मलालाने ऑक्सफर्ड विद्यापीठातून शिक्षण पूर्ण केले. मलाला केवळ 17 वर्षांची होती जेव्हा तिला 2014 मध्ये मुलांच्या हक्कांसाठी काम करणाऱ्या भारताच्या कैलाश सत्यार्थी यांच्यासोबत संयुक्तपणे नोबेल शांतता पुरस्कार मिळाला होता. हा पुरस्कार मिळवणारी ती सर्वात तरुण विजेती होती.

अनेक पुरस्कारांनी सन्मानित 

2013 मध्ये मलालाला युरोपियन युनियनचा प्रतिष्ठित शाखरोव मानवाधिकार पुरस्कारही मिळाला होता. याशिवाय त्यांना अनेक पुरस्कारांनीही सन्मानित करण्यात आले आहे. मलाला युसुफझाईचा जन्म 12 जुलै 1997 रोजी पाकिस्तानच्या पख्तूनख्वा राज्यातील स्वात जिल्ह्यात झाला. त्याच्या जन्माच्या वेळी, कुटुंबाकडे रुग्णालयात जाण्यासाठी पुरेसे पैसे देखील नव्हते आणि शेजाऱ्यांच्या मदतीने युसूफझाईचा जन्म झाला. वयाच्या 11 व्या वर्षी त्यांनी गुल मकई या नावाने डायरी लिहायला सुरुवात केली.

(The above story first appeared on LatestLY on Nov 10, 2021 09:20 AM IST. For more news and updates on politics, world, sports, entertainment and lifestyle, log on to our website latestly.com).