QuickLY
Socially
आशिया चषकात (Asia Cup 2023) भारत विरुद्ध पाकिस्तान (IND vs PAK) सामना पुन्हा एकदा पाहायला मिळणार आहे, हे जवळपास निश्चित झाले आहे आणि सोमवारी अधिकृतपणे याची पुष्टी केली जाईल. भारताने नेपाळला हरवले किंवा पावसामुळे सामना रद्द झाला तरीही भारत आणि पाकिस्तान यांच्यातील सामन्याची तारीख आणि ठिकाण निश्चित होईल. भारत आशिया चषकाच्या अ गटात पाकिस्तान आणि नेपाळसोबत आहे. पहिल्या सामन्यात नेपाळचा पराभव करून पाकिस्तानने 2 गुणांची कमाई केली. टीम इंडियासोबतचा दुसरा सामना रद्द झाल्यानंतर त्याचे 3 गुण झाले आणि सुपर 4 मध्ये पोहोचणारा पहिला संघ ठरला.
टीम इंडियाचा गटातील पहिला सामना पाकिस्तानविरुद्ध होता जो पावसामुळे अनिर्णित राहिला. भारताला 1 गुण मिळाला पण सुपर 4 मध्ये त्यांचा प्रवेश अद्याप अधिकृतपणे निश्चित झालेला नाही. भारताचा सामना सोमवारी नेपाळशी होणार असून भारताने नेपाळला पराभूत केल्यास सुपर 4 मध्ये प्रवेश करेल. (हे देखील वाचा: Kohli Pak Fan Sand Art: जबरा फॅन! पाकिस्तानी चाहत्याने वाळूवर साकारली किंग कोहलीची प्रतिमा, Video व्हायरल)
नेपाळला सुपर 4 मध्ये जाण्यासाठी मोठ्या चमत्काराची गरज आहे, त्याला भारताला कोणत्याही किंमतीत हरवायचे आहे कारण रद्द झाल्यास देखील भारत सुपर 4 मध्ये जाईल. रद्द झाल्यास नेपाळलाही 1 आणि भारतालाही 1 गुण मिळतील, पण जर भारताकडे आधीच 1 गुण असेल तर त्याला 2 गुण मिळतील. 6 सप्टेंबरपासून सुपर 4 सामने सुरू होत आहेत. अ गटातून पात्र ठरलेले दोन्ही संघ 10 सप्टेंबरला आमनेसामने येतील. हा सामना भारत विरुद्ध पाकिस्तान असा होण्याची शक्यता आहे, सोमवारी त्याची अधिकृत पुष्टी होण्याची प्रतीक्षा आहे.
