Fatal 'Parrot Fever' Outbreak: प्राणघातक 'पॅरोट फिव्हर'मुळे युरोपात 5 जणांचा मृत्यू; WHO ने व्यक्त केली चिंता, जाणून घ्या काय आहे Psittacosis आजार, त्याची लक्षणे व इतर माहिती
Representative Image (Photo Credit- Pixabay)

Fatal 'Parrot Fever' Outbreak: कोरोना विषाणूचा कहर अद्याप पूर्णपणे कमी झालेला नाही, त्यात जगभरात इतर विविध विषाणू आणि दुर्मिळ आजारांची पुष्टी होत आहे. अलीकडेच युरोपमधून सिटाकोसिस (Psittacosis) म्हणजेच पॅरोट फिव्हर (Parrot Fever) नावाचा एक नवीन रोग उदयास येत आहे. असे सांगितले जात आहे की हा आजार खूपच जीवघेणा आहे आणि यामुळे आतापर्यंत युरोपमध्ये 5 लोकांचा मृत्यू झाला आहे. यूएस सेंटर फॉर डिसीज कंट्रोल अँड प्रिव्हेन्शननुसार, या जीवाणूची लागण झालेल्या पक्ष्यांच्या संपर्कात आल्याने हा आजार वाढत आहे.अहवालानुसार, 2023 मध्येही काही लोकांना या आजाराची लागण झाली होती, मात्र आता या आजारामुळे रुग्णांनाही आपला जीव गमवावा लागला आहे.

सिटाकोसिस हा श्वासोच्छवासाचा संसर्ग आहे जो Chlamydophila Psittaci या जीवाणूमुळे होतो, जो सामान्यतः पक्ष्यांमध्ये आढळतो. याचा मानवी संसर्ग सामान्यत: संक्रमित पक्ष्यांच्या संपर्कामुळे होतो. बहुतेक वेळा हे संक्रमण पाळीव पक्षी, कुक्कुटपालन, पशुवैद्य अशा क्षेत्रात काम करणाऱ्या व्यक्तींमध्ये दिसून येते. ऑस्ट्रिया, डेन्मार्क, जर्मनी, स्वीडन आणि नेदरलँड्ससह अनेक देशांनी या आजाराच्या प्रकरणांमध्ये वाढ नोंदवली आहे. विशेषत: नोव्हेंबर-डिसेंबर 2023 पासून सिटाकोसिसच्या प्रकरणांमध्ये वाढ दिसून आली.

हा श्वासोच्छवासाद्वारे पसरणारा संसर्ग आहे. जेव्हा हे पक्षी श्वास घेतात किंवा शौचास करतात तेव्हा त्यातून बॅक्टेरिया बाहेर पडतात. या पक्ष्यांच्या संपर्कात मानव आल्यास त्यांनाही हा संसर्ग होऊ शकतो. याचा संसर्ग झाल्यास, तुम्हाला ताप, स्नायू दुखणे, डोकेदुखी, कोरडा खोकला आणि थंडी वाजून येणे अशी लक्षणे दिसू शकतात.

वर्ल्ड हेल्थ ऑर्गनायझेशन (WHO) नेही यावर चिंता व्यक्त केली असून लोकांना खबरदारी घेण्याचा सल्ला दिला आहे. डब्ल्यूएचओच्या मते, 27 फेब्रुवारीपर्यंत डेन्मार्कमध्ये या आजाराच्या 23 प्रकरणांची पुष्टी झाली आहे. डब्ल्यूएचओ पशुपालकांना स्वच्छतेची काळजी घेण्याचा आणि डॉक्टरांनी सतर्क राहण्याचा सल्ला दिला आहे. (हेही वाचा: Covid-19 Vaccine: काय सांगता? पठ्ठ्याने तब्बल 200 वेळा घेतली कोरोनाची लस; शास्त्रज्ञांनाही बसला धक्का, संशोधन सुरु)

लक्षणे आणि उपचार-

सिटाकोसिसच्या लक्षणांमध्ये ताप, थंडी वाजून येणे, डोकेदुखी, स्नायू दुखणे आणि कोरडा खोकला यांचा समावेश होतो. सामान्यत: बॅक्टेरियाच्या संपर्कात आल्यानंतर 5 ते 14 दिवसांच्या आत ही लक्षणे विकसित होतो. त्यावर त्वरित प्रतिजैविक उपचार प्रभावी आहेत आणि त्यामुळे पुढे न्यूमोनियासारखे आजार टाळले जाऊ शकतात. योग्य प्रतिजैविक उपचार घेतल्यास, सिटाकोसिसने क्वचितच मृत्यू होतो (100 पैकी 1 पेक्षा कमी). काही प्रकरणांमुळे न्यूमोनिया आणि हॉस्पिटलायझेशन झाले असले तरी, डब्ल्यूएचओने या आजाराच्या मानव-ते-मानवी संक्रमणाची कमी शक्यता हायलाइट केली आहे. संस्था सध्या याच्या उद्रेकाचे निरीक्षण करत आहे.