भीम आर्मीच्या चंद्रशेखर आझाद यांनी आरक्षण संदर्भात सर्वोच्च न्यायालयाच्या निर्णयाचा विरोध करण्यासाठी उद्या म्हणजेच 23 फेब्रुवारी रोजी भारत बंद ची हाक दिली आहे. राज्य सरकारी नोकरीत जातीय आरक्षण देणे तसेच नोकरीमध्ये बढतीच्या वेळी आरक्षणाचे फायदे देणे रद्द करण्याचा निर्णय सर्वोच्च न्यायालयाने दिल्यांनतर आझाद यांच्याकडून देशव्यापी बंदाची हाक देण्यात आली आहे

पंतप्रधान नरेंद्र मोदी उद्या 23  फेब्रुवारी रोजी सकाळी 11 वाजता मन की बात मधून देशवासीयांशी संवाद साधणार आहेत.

Prime Minister Narendra Modi will address the nation through his '#MannKiBaat' programme at 11 am tomorrow. pic.twitter.com/9Eoal2HoNc

— ANI (@ANI) February 22, 2020

मुख्यमंत्री उद्धव ठाकरे याने आज अमेरिकेचे राष्ट्राध्यक्ष डोनाल्ड ट्रम्प यांच्या भारत दौऱ्यावर भाष्य करत ट्रम्प आल्याने भारताला महासत्ता बनण्यात कितपत मदत होणार आहे असा सवाल केला आहे. देशाच्या प्रगती साठी पैशाच्या गुंतवणुकीसोबतच मनुष्यबळ देखील महत्वाचे आहे असेही ठाकरे यांनी म्हंटले आहे.

Chief Minister of Maharashtra Uddhav Thackeray in Mumbai: US President Donald Trump is coming to India in a few days, but how is that going to make us a superpower? Along with capital investment, we need human resource as well. pic.twitter.com/UmfBWz0xxd

— ANI (@ANI) February 22, 2020

नुकताच प्रदर्शित झालेला बायको देता का बायको चित्रपटाचे अभिनेता आणि दिग्दर्शक यांना बीड जिल्ह्यातील आशा टॉकीज परिसरात बेदम मारहाण केल्याची घटना घडली आहे. मारहाणीचे कारण अस्पष्ट असून स्थानिक पोलीस याप्रकणी अधिक तपास करत आहे. 

अकोला जिल्ह्यात वंचिन बहुजन आघाडीला मोठा धक्का लागला असून एकाच वेळी 47 सदस्यांनी राजीनामा दिल्याने पक्षाची चिंता वाढली आहे. माजी आमदार हरिदास भदे, बळीराम सिरस्कारांचाही यात समावेश असल्याची माहिती समोर आली आहे. 

एमआयएमचे नेते वारिस पठाण यांनी  15 कोटी 100 कोटींवर भारी आहे, असे विधान केले होते. यांच्या विधानामुळे राजकीय वातावरण तापलेले होते. यातच वारिस पठाण यांनी पत्रकार परिषद घेऊन आपले शब्द मागे घेतो असे ते म्हणाले आहेत. तसेच माझे वक्तव्य हिंदू विरोधी नाही, मी सर्व धर्माचा आधार करतो, असेही ते म्हणाले आहेत. 

बळीराजाच्या न थांबणाऱ्या आत्महत्या, सध्याची राज्यामधील अराजकतेकडे जाणारी अस्थिर राजकीय परिस्थिती आणि बेराजगारीने त्रासलेल्या युवा वर्गाची व्दिधा मनस्थिती, अशा अनेक बाबींचा विचारांमुळे आमचा दरवर्षी साजरा होत असलेला 24 फेब्रुवारी 2020 रोजीचा वाढदिवस साजरा करु नका, असे उदयनराजे भोसले यांनी आपल्या कार्यकर्त्यांना सांगितले आहे. 

पिंपरी चिंचवड येथे एका भरघाव क्रेनने रस्त्यावरून जाणाऱ्या एका जेष्ठ नागरिकाला उडवल्याची धक्कादायक माहिती समोर आली आहे. यात जेष्ठ नागरिकांचा मत्यू झाला असून क्रेन चालकाला पोलिसांनी ताब्यात घेतले आहे. सदर घटना सीसीटीव्ही कॅमेऱ्यात कैद झाली असून याप्रकरणी स्थानिक पोलीस अधिक चौकशी करत आहेत. 

महाराष्ट्राचे मुख्यमंत्री उद्धव ठाकरे आणि राष्ट्रवादीचे सर्वेसर्वा शरद पवार यांच्यात वर्षा बंगलावर आज बैठक झाली. ही बैठक संपली असून यात कोणत्या विषयावर चर्चा झाली हे सध्या गुलदस्त्यात आहे. तसेच सीएए आणि एनपीआर आणि एल्गार परिषदच्या मुद्यावरून चर्चा झाली, अशीही शक्यता व्यक्त केली जात आहे. या बैठकीत उपमुख्यमंत्री अजित पवार आणि शिवसेना खासदार संजय राऊतदेखील उपस्थित होते. मात्र, या बैठकीत काँग्रेसचा एकही नेता उपस्थित नसल्याची माहिती समोर आली होती. 

पंतप्रधान नरेंद्र मोदी यांच्या दिल्ली भेटीनंतर आज 'वर्षा' बंगल्यावर मुख्यमंत्री उद्धव ठाकरे, उपमुख्यमंत्री अजित पवार, शिवसेना खासदार संजय राऊत यांची महत्वाची बैठक होणार आहे. या बैठकीत राष्ट्रवादी काँग्रेस अध्यक्ष शरद पवार हे देखील उपस्थित राहणार आहे. 

राष्ट्रवादीचे नेते आणि अल्पसंख्याक मंत्री नवाब मलिक (Nawab Malik) यांचा सोशल मीडियावर  व्हायरल झालेल्या व्हिडिओने संपूर्ण देशात खळबळ उडाली. एका कार्यक्रमात अन्य नेत्यांसोबत छत्रपती शिवाजी महाराजांचा जयघोष न करणा-या नवाब मलिक यांच्यावर टीका करत छत्रपती 'शिवाजी महाराजांचा जय जयकार करायला कमीपणा वाटतो का?' असा सवाल  मनसे नेते अमेय खोपकर  यांनी केला होता. यावर पडदा टाकत आपण तेव्हाही बोललो होतो आणि आताही बोलतो 'छत्रपती शिवाजी महाराज की जय' असे सांगत नवाब मलिका यांनी ट्विटरच्या माध्यमातून एक व्हिडिओ शेअर केला आहे.

तेव्हाही बोललो आणि आजही बोलतोय
"छत्रपती शिवाजी महाराज की जय" - @nawabmalikncp pic.twitter.com/OiOmRgc3n7

— NCP Mumbai (@MumbaiNCP) February 22, 2020

नेपाळ देशाचे उद्योग व वाणिज्य मंत्री लेखराज भट्टा यांनी कृष्णकुंजवर मनसे अध्यक्ष राज ठाकरे यांची भेट घेतली

नेपाळ देशाचे उद्योग व वाणिज्य मंत्री श्री. लेखराज भट्टा ह्यांनी कृष्णकुंजवर मनसे अध्यक्ष @RajThackeray ह्यांची सदिच्छा भेट घेतली. pic.twitter.com/VhlZr49rGM

— MNS Adhikrut (@mnsadhikrut) February 22, 2020

माजी मुख्यमंत्री देवेंद्र फडणवीस यांच्या भाग्यात फार काळ विरोधीपक्ष नेतेपद नाही. तसेच त्यांना फार काळ माजी मुख्यमंत्री म्हणून बोलावं लागणार नाही,’ असं राष्ट्रीय स्वयंसेवक संघाचे सरकार्यवाह भय्याजी जोशी यांनी म्हटलं आहे. भय्याजी जोशी यांच्या या वक्तव्यानंतर देवेंद्र फडणवीस दिल्लीतील राजकारणात जाणार का? या चर्चेला राजकीय वर्तुळात उधाण आलं आहे. 

अमेरिकेचे राष्ट्राध्यक्ष डोनाल्ड ट्रम्प 24 आणि 25 फेब्रुवारी रोजी भारत दौऱ्यावर येणार आहेत. दरम्यान, आज ट्रम्प कोलोरॅडो येथील एका कार्यक्रमात भारत भेटीदरम्यान भारतासोबत कोणताही व्यापार करार केला जाणार नाही. मागील काही वर्षांपासून भारताने चढे आयात कर लावले आहेत. त्यामुळे अमेरिकेला व्यापारात मोठा फटका बसला आहे. ट्रम्प यांच्या या वक्तव्यामुळे मोदी सरकारला मोठा धक्का बसला आहे.

येत्या 7 मार्च मुख्यमंत्री उद्धव ठाकरे अयोध्येत जाणार असून या संदर्भातील माहिती शिवसेना खासदार संजय राऊत यांनी दिली आहे. 'चलो अयोध्या' असे सांगत  असंख्य शिवसैनिकांसह मुख्यमंत्री उद्धव ठाकरे अयोध्येत जाणार असल्याचे राऊतांनी यात म्हटले आहे.

चलो अयोध्या ..
7 मार्च
मुख्यमंत्री ऊदधव ठाकरे
असंख्य शिवसैनिकांसह अयोध्येत जाणार!
* दुपारी श्रीराम दर्शन
* संध्याकाळी शरयू आरती
ऐतिहासिक सोहोळ्यात सामील व्हा!!

— Sanjay Raut (@rautsanjay61) February 22, 2020

नव्याने स्थापन झालेल्या महाविकासआघाडीवर विरोधी पक्षाकडून टीका होत असताना राष्ट्रवादी काँग्रेस अध्यक्ष शरद पवार यांनी "ठाकरे सरकारचा रिमोट माझ्या हातात नाही", असे एका खाजगी वृत्तवाहिनीला दिलेल्या मुलाखतीत म्हणाले. नव्या राज्य सरकारच सर्व व्यवस्थित चालू असून हे सरकार 5 वर्षे टिकून राहिल असेही ते यावेळी म्हणाले.  

एआयएमआयएम (AIMIM) पक्षाचे नेते वारिस पठाण (Waris Pathan) यांनी  काही दिवसांपूर्वी'100 कोटी जणांवर आम्ही 15 कोटी महागात पडणार' असल्याचे वादग्रस्त विधान केले होते. या विधानाचा सर्वच स्तरातून रोष व्यक्त केला जात असून वारिस पठाणांवर लवकरात लवकर योग्य ती कारवाई करणार असल्याचे गृहमंत्री अनिल देशमुख यांनी प्रसारमाध्यमांशी बोलताना सांगितले आहे. तसेच महाविकासआघाडीचे सरकार हे 5 वर्ष टिकणार असून भाजपाने जास्त स्वप्न पाहू नयेत असेही ते पुढे म्हणाले.

नेटफ्लिक्स इंडियाने ग्राहकांना जोरदार झटका दिला असून त्यांची मोफत सेवा बंद केली आहे. आता पर्यंत फ्री मध्ये मिळणारी पहिल्या महिन्याची नेटफ्लिक्सची सेवा बंद करण्यात येणार आहे. यासाठी आता युजर्संना पैसे मोजावे लागणार आहेत. पहिल्या महिन्यात मिळणारे फ्री सब्सक्रिप्शन बंद करण्यात येणार असून युजर्संना पहिल्या महिन्यापासून आता पैसे मोजावे लागतील.

मुंबईच्या मध्य, पश्चिम आणि हार्बर या तिन्ही रेल्वे मार्गावर उद्या म्हणजेच 23 फेब्रुवारीला मेगाब्लॉक ठेवण्यात आला आहे. यासंबंधीची माहिती मध्य रेल्वेने दिली आहे. या तीनही मार्गावर रेल्वे रुळांच्या दुरुस्तीचे कम हाती घेण्यात आल्या कारणाने हा मेगाब्लॉक ठेवण्यात आला आहे.  यामुळे रविवारी तिन्ही मार्गावरील लोकल फेऱ्या सुमारे 20 मिनिटे विलंबाने धावणार आहेत.

CAA वर सविस्तर बोलत असताना काँग्रेस नेते मनीष तिवारी यांनी मुख्यमंत्री उद्धव ठाकरे यांना 2003 च्या CAA कायद्याचा नीट अभ्यास करावा असा सल्ला दिला आहे. आपल्या देशात नागरिकत्व हे धर्माआधारित नाही असेही ते ट्विटमधून म्हणाले आहे. NPR सुद्धा NRC वर आधारित आहे असंही ते म्हणाले आहेत.

CM Maharashtra @UddhavThackarey requires a briefing on Citizenship Amendment Rules -2003 to understand how NPR is basis of NRC. Once you do NPR you can not stop NRC.On CAA-needs to be reacquainted with design of Indian Constitution that religion can not be basis of Citizenship.

— Manish Tewari (@ManishTewari) February 22, 2020

सुप्रसिद्ध गायक मीका सिंह याची महिला कर्मचारी सौम्या खान हिने 2 फेब्रुवारीला झोपेच्या गोळ्या घेऊन अंधेरीत आपल्या राहत्या घरी आत्महत्या केल्याची घटना समोर आली होती. या प्रकरणी मुंबई पोलिसांनी गुन्हा दाखल केला असून पोलीस अधिक तपास करत आहे.

Mumbai: Police have registered a case and have begun an investigation in connection with the alleged suicide of Singer Mika Singh’s staff member Saumya Khan on February 2.

— ANI (@ANI) February 22, 2020

 प्रहार जनशक्तीचे माजी जिल्हाध्यक्ष तुषार पुंडकर यांच्यावर झालेल्या  गोळीबारात उपचारादरम्यान त्यांचा मृत्यू झाला आहे.. शुक्रवारी रात्री दोन अज्ञात इसमांनी दुचाकीस्वारावरून येऊन रस्त्यावर उभे असलेल्या तुषार पुंडकर यांच्यावर गोळ्या झाडल्या आणि तेथून फरार झाले. त्यावर तातडीने त्यांना रुग्णालयात दाखल करण्यात आले होते. मात्र अतिरक्तस्त्राव झाल्याने त्यांचा उपचारादरम्यान आज सकाळी मृत्यू झाला. 

दिल्लीतील निर्भया सामूहिक बलात्कार प्रकरणातील 4 आरोपींना येत्या 3 मार्चला फाशी होणार आहे. त्यामुळे त्यांनी मृत्यूपूर्वी आपापल्या कुटूंबियांना भेटून घ्यावे या संदर्भाचे पत्र त्यांना तिहार तुरुंगाकडून देण्यात आले आहे. यात मुकेश आणि पवन हे आपल्या कुटूंबियांना भेटले असून अक्षय आणि विनय यांच्या भेटीबाबत त्यांना विचारणा करण्यात येत आहे.

Tihar Jail Official: Have written to all four Nirbhaya case convicts in connection with their last meeting with families. Mukesh and Pawan were told that they had already met their families before February 1 death warrant. Akshay& Vinay have now been asked when they want to meet

— ANI (@ANI) February 22, 2020

पंतप्रधान नरेंद्र मोदी यांची शुक्रवारी दिल्लीत भेट घेतल्यानंतर मुख्यमंत्री उद्धव ठाकरे आज राष्ट्रवादी काँग्रेसचे अध्यक्ष शरद पवार यांच्यासोबत दिवंगत काँग्रेस नेते, माजी मुख्यमंत्री बॅ.ए.आर.अंतुले यांच्या एका पुस्तक प्रकाशन कार्यक्रमाच्या निमित्ताने एकत्र येत आहेत. मुख्यमंत्र्यांनी शुक्रवारी दिल्लीत जाऊन पंतप्रधानसह काँग्रेस अध्यक्षा सोनिया गांधी यांची देखील भेट घेतली होती.

जम्मू -काश्मीरमधील अनंतनाग येथे लष्कर ए तोयबाच्या दोन दहशतवाद्यांचा खात्मा झाला. यावेळी झालेल्या कारवाईत घटनास्थळावरून मोठ्याप्रमाणवर शस्त्रसाठा देखील हस्तगत करण्यात आला. जम्मू-काश्मीरमधील बिजबेहरा येथील संगम भागात ही चकमक झाली. ज्यामध्ये दोन्ही बाजुंनी मोठ्याप्रमाणावर गोळीबार झाला, जवानांनी दिलेल्या चोख प्रत्युत्तरात लष्कर ए तोयबाच्या दोन दहशतवाद्यांचा खात्मा झाला.

#UPDATE Jammu & Kashmir Police: Two Lashkar-e-Taiba (LeT) terrorists have been killed in the operation. Arms and ammunition recovered. https://t.co/GGIEJZBumy

— ANI (@ANI) February 21, 2020

पुण्यातील स्वामी विवेकानंद येथील इंडस्ट्रियल परिसरात गोडाऊनला आग लागल्याची घटना समोर आली आहे. ही घटना हडपसर येथील सातव परिसरात घडली आहे. अग्निशमन दलाच्या 4 गाड्या घटनास्थळी दाखल झाल्या असून आग विझविण्याचे प्रयत्न सुरु आहेत. आगीबाबत अन्य कोणतीही अधिकृत माहिती अजून मिळालेली नाही. 

लासलगाव जळीतकांडातील पीडित महिलेची मृत्यूशी झुंज अखेर संपली. मुंबईतील मसिना रुग्णालयात शुक्रवारी रात्री एक वाजता उपचारादरम्यान पीडितेचा मृत्यू झाला असल्याची माहिती रुग्णालय प्रशासनाकडून देण्यात आली आहे. अंगावर पेट्रोल टाकून काडी पेटविताना झालेल्या झटापटीत ही पीडिता गंभीररीत्या भाजल्या गेली होती.