Uber Sexual Assault: उबरवर 550 महिलांनी दाखल केला लैंगिक अत्याचाराचा खटला; 2020 मध्ये समोर आल्या 998 घटना
खटल्यात दावा करण्यात आला आहे की, उबरने ही बाब जाणीवपूर्वक लपवली की उबर चालक किमान 2014 पासून नियमितपणे महिलांचा लैंगिक छळ करत आहेत आणि दुसऱ्या बाजूला उबर हे आपण वाहतुकीचे सुरक्षित साधन असल्याचे प्रतिनिधित्व करते.
अमेरिकेमध्ये (US) सुमारे 550 महिला प्रवाशांनी राइड-हेलिंग प्लॅटफॉर्म उबर (Uber) वर खटला दाखल केला आहे. यामध्ये आरोप केला आहे की, उबर चालकांनी त्यांच्यावर अत्याचार केले, ज्यात अपहरण, बलात्कार आणि शारीरिक हल्ला यांचा समावेश आहे. सॅन फ्रान्सिस्को काउंटी सुपीरियर कोर्टात दाखल केलेल्या तक्रारीत नुकसान भरपाई आणि ज्युरी ट्रायलची मागणी केली आहे. TechCrunch ने बुधवारी उशिरा दिलेल्या वृत्तानुसार, महिलांनी त्यांच्या तक्रारीत म्हटले आहे की, उबर चालकांकडून त्यांचे अपहरण झाले, त्यांच्यावर लैंगिक अत्याचार करण्यात आले तसेच त्यांचा पाठलाग व मारहाण असे प्रकारही घडले.
या महिलांचे प्रतिनिधित्व करणारे स्लेटर शुलमनचे संस्थापक भागीदार अॅडम स्लेटर म्हणाले, ‘उबरचे संपूर्ण बिझनेस मॉडेल लोकांना सुरक्षित राइड घरी देण्यावर आधारित आहे, परंतु रायडरची सुरक्षा ही कंपनीची चिंता कधीच नव्हती. त्यांचे लक्ष त्यांच्या प्रवाशांच्या सुरक्षिततेच्या खर्चावर होती.’ स्लेटर म्हणाले, ‘जरी कंपनीने अलिकडच्या वर्षांत लैंगिक छळाच्या संकटाची कबुली दिली असली तरी, त्याचा वास्तविक प्रतिसाद मंद आणि अपुरा आहे, ज्याचे गंभीर परिणाम आहेत.’
खटल्यात दावा करण्यात आला आहे की, उबरने ही बाब जाणीवपूर्वक लपवली की उबर चालक किमान 2014 पासून नियमितपणे महिलांचा लैंगिक छळ करत आहेत आणि दुसऱ्या बाजूला उबर हे आपण वाहतुकीचे सुरक्षित साधन असल्याचे प्रतिनिधित्व करते. या खटल्यात उबरवर ड्रायव्हर्सची योग्य पार्श्वभूमी तपासल्याशिवाय किंवा रायडर्सना पुरेशी सुरक्षा पुरवल्याशिवाय असे लैंगिक अत्याचार करणाऱ्या लोकांना महिलांना लक्ष्य करणे आणि त्यांच्यावर अत्याचार करण्यासाठी व्यासपीठ दिल्याचा आरोप आहे.
उबरच्या नवीनतम यूएस सुरक्षा अहवालानुसार, फक्त 2020 मध्ये 998 लैंगिक अत्याचाराच्या घटना घडल्या, ज्यात 141 बलात्काराच्या घटनांचा समावेश आहे. 2019 आणि 2020 दरम्यान, उबरकडे लैंगिक छळाच्या पाच सर्वात गंभीर श्रेणींचे 3,824 अहवाल प्राप्त झाले. उबरच्या पहिल्या सुरक्षा अहवालात 2017 ते 2018 पर्यंतच्या घटनांचा तपशील देण्यात आला असून, लैंगिक छळाचे जवळपास 6,000 अहवाल आढळले आहेत. (हेही वाचा: Uttar Pradesh Shocker: उत्तर प्रदेशमध्ये 6 वर्षीय मुलीवर बलात्कार, टीव्ही पाहण्याचे आमिष दाखवून आरोपीचे कृत्य; बुलंदशहर येथील घटना)
दरम्यान, उबरच्या अंतर्गत कागदपत्रांमधून अनेक गोष्टी समोर आल्या आहेत. ज्याद्वारे दिसून आले आहे की, कंपनीने कथितरित्या कायदे तोडले आणि जागतिक स्तरावर विस्तार करण्याच्या प्रयत्नात सरकार (भारतासह) गुप्तपणे लॉबिंग केले. The Guardian च्या मते उबरने ने पंतप्रधान, राष्ट्रपती, अब्जाधीश, मीडिया बॅरन्स यांचे समर्थन मिळविण्याचा प्रयत्न केला.
(The above story first appeared on LatestLY on Jul 14, 2022 04:17 PM IST. For more news and updates on politics, world, sports, entertainment and lifestyle, log on to our website latestly.com).
