भूकंपाच्या ढिगाऱ्याखाली दबलेल्या लोकांना शोधणार 'झुरळं'; 'या' देशातील तंत्रज्ञानाचा करण्यात येणार वापर

म्यानमार (Myanmar) मध्ये 7.7 तीव्रतेचा धोकादायक भूकंप (Earthquake) झाला. या भूकंपामुळे देशभरात प्रचंड विध्वंस झाला. भूकंपानंतर म्यानमारमध्ये मदत आणि बचावकार्य सतत सुरू आहे. आता सायबोर्ग झुरळे (Cockroaches) देखील भूकंप मदत कार्यात सहभागी होणार आहेत. हे सायबोर्ग झुरळे ढिगाऱ्याखाली दबलेल्या लोकांना शोधण्यात बचाव पथकांना मदत करतील. भूकंपानंतर एक आठवडा उलटूनही म्यानमारमध्ये मदत आणि बचाव कार्य सुरूच आहे.

भूकंपात बेपत्ता झालेल्या लोकांचा शोध घेण्याचे प्रयत्न सुरू आहेत. भूकंपानंतर मदतकार्य सुलभ करण्यासाठी सिंगापूरने एक विशेष प्रकारचे तंत्रज्ञान विकसित केले आहे. सिंगापूरच्या होम टीम सायन्स अँड टेक्नॉलॉजीने नानयांग टेक्नॉलॉजिकल युनिव्हर्सिटी आणि क्लास इंजिनिअरिंग अँड सोल्युशन्ससोबत भागीदारी करून अनोखी झुरळं तयार केली आहेत. हे झुरळं मदत आणि बचाव कार्यात भाग घेतील. (हेही वाचा -Tonga Island Earthquake: म्यानमार-थायलंडनंतर टोंगा बेटावर 7.0 तीव्रतेचा भूकंप; त्सुनामीचा इशारा जारी)

शास्त्रज्ञांनी तयार केलेले हे झुरळे सामान्य झुरळे नाहीत. हे पूर्णपणे रोबोटिक झुरळे आहेत जे कॅमेरे आणि इन्फ्रारेड सेन्सरने सुसज्ज असतील. हे रोबोटिक झुरळे ढिगाऱ्याखाली दबलेल्या लोकांना शोधण्यात बचाव पथकांना मदत करतील. शास्त्रज्ञांनी 10 रोबोटिक हायब्रिड्स तयार केले आहेत. (हेही वाचा -Nepal Earthquake: म्यानमार-थायलंडनंतर आता नेपाळला भूकंपाचा धक्का; 5.0 रिश्टर स्केल होती भूकंपाची तीव्रता)

अशा रोबोटिक कीटकांचा वापर सामान्यतः अशा ठिकाणी केला जातो जिथे आपत्तीनंतर बचाव पथक पोहोचू शकत नाही. सायबोर्ग झुरळे ढिगाऱ्यांमधील लहान आणि अरुंद जागेत प्रवेश करू शकतात. त्यांच्यावर बसवलेल्या कॅमेरे आणि सेन्सरच्या मदतीने, अडकलेल्या लोकांबद्दल माहिती मिळवता येते. सिंगापूरने विकसित केलेले हे सायबोर्ग झुरळे नैपिडॉ आणि मंडाले या आपत्तीग्रस्त भागात मदत आणि बचाव कार्यात वापरले जातील. शास्त्रज्ञांचे म्हणणे आहे की हे सायबोर्ग कीटक 2026 पासून वापरण्यात येणार होते, परंतु आता परिस्थिती लक्षात घेता, ते वेळेपूर्वी वापरात आणले जात आहेत.

(The above story first appeared on LatestLY on Apr 06, 2025 04:12 PM IST. For more news and updates on politics, world, sports, entertainment and lifestyle, log on to our website latestly.com).