IND vs AUS 2020-21: विराट कोहलीला जाणवतेय 'या' गोष्टीची कमतरता, ज्याचे एमएस धोनी आणि सौरव गांगुली होते धनी
भारतीय संघ सध्या ऑस्ट्रेलिया दौर्यावर आहे. सामन्यादरम्यान कर्णधार विराट कोहलीने इतर कोणत्याही गोलंदाजाचा प्रयत्न केला नाही. पहिल्या दोन सामन्यात कर्णधार विराट कोहलीला पार्ट-टाइम गोलंदाजाची मोठी कमतरता जाणवली. लक्षात घेण्यासारखे म्हणजे एक वेळ असा होता की टीम पार्ट-टाइम गोलंदाजांनी परिपूर्ण होता.
IND vs AUS 2020-21: इंडियन प्रीमियर लीग 2020 यशस्वीरीत्या पार पाडल्यानंतर भारतीय संघ सध्या ऑस्ट्रेलियाच्या दौर्यावर (India Tour of Australia) आहे. संघाला येथे वनडे, टी-20 आणि कसोटी मालिका खेळायची आहेत. 27 नोव्हेंबरपासून एकदिवसीय मालिका सुरू झाली आहे. दोन्ही संघांमधील पहिला एकदिवसीय सामना सिडनी क्रिकेट मैदानावर (Sydney Cricket Ground) खेळला गेला. या सामन्यात यजमान संघाने पहिले फलंदाजी करत निर्धारित ओव्हरमध्ये सहा गडी गमावून 374 धावा केल्या. तर, लक्ष्याचा पाठलाग करताना भारतीय संघ (Indian Team) निर्धारित ओव्हरमध्ये आठ विकेट गमावून केवळ 308 धावाच करू शकला. सिडनी वनडे दरम्यान मोहम्मद शमी, नवदीप सैनी, जसप्रीत बुमराह, रवींद्र जडेजा आणि युजवेंद्र चहल यांनी भारतीय संघासाठी गोलंदाजी केली. पण एकही फलंदाज ऑस्ट्रेलियाच्या धावगातील वेसण घालू शकला नाही. चहल संघाचा सर्वात महागडा फिरकीपटू ठरला. (IND vs AUS 2nd ODI: स्टिव्ह स्मिथचे झंझावाती शतक, मार्नस लाबूशेन-ग्लेन मॅक्सवेलच्या फटकेबाजीने टीम इंडियाला 390 धावांचे विशाल आव्हान)
सामन्यादरम्यान कर्णधार विराट कोहलीने (Virat Kohli) इतर कोणत्याही गोलंदाजाचा प्रयत्न केला नाही. तथापि, अष्टपैलू हार्दिक पांड्याच्या रूपात संघाकडे पर्याय उपस्थित होता. आजच्या सामन्यात देखील ऑस्ट्रेलियन फलंदाजांनी भारतीय गोलंदाजांची चांगलीच धुलाई केली आणि 389 धावा चोपल्या. पहिल्या दोन सामन्यात कर्णधार विराट कोहलीला पार्ट-टाइम गोलंदाजाची मोठी कमतरता जाणवली. लक्षात घेण्यासारखे म्हणजे एक वेळ असा होता की टीम पार्ट-टाइम गोलंदाजांनी परिपूर्ण होता. सौरव गांगुलीच्या नेतृत्वात संघात सचिन तेंडुलकर, वीरेंद्र सेहवाग आणि युवराज सिंहसारखे बरेच खेळाडू होते, तर धोनीही या प्रकरणात खूप श्रीमंत होता. धोनीच्या नेतृत्वात संघात सेहवाग, सचिन, युवराज आणि सुरेश रैना असे पार्ट-टाइम गोलंदाज होते.
ऑस्ट्रेलियन दौऱ्यावर भारतीय संघ पहिला सामना गमावल्याने 1-0 च्या पिछाडीवर आहे आणि मालिकेतील आव्हान कायम ठेवण्यासाठी त्यांना विजय मिळवणे गरजेचे आहे. आजच्या सामन्यात पराभव झाल्यास ऑस्ट्रेलियन भूमीवर मालिका जिंकण्याचे त्यांचे स्वप्न भंग होईल.
(The above story first appeared on LatestLY on Nov 29, 2020 01:37 PM IST. For more news and updates on politics, world, sports, entertainment and lifestyle, log on to our website latestly.com).
