विराट कोहली (Photo Credit: PTI)

Nick Compton Slams Virat Kohli: इंग्लंडचा (England) माजी क्रिकेटपटू निक कॉम्प्टनने (Nick Compton) भारतीय कर्णधार विराट कोहलीच्या (Virat Kohli) मैदानावरील आक्रमक वर्तनावर टीका केली आहे. भारत आणि इंग्लंड यांच्यातील लॉर्ड्स कसोटी (Lords Test) दरम्यान, खेळाडू मैदानावर लढताना दिसले. जसप्रीत बुमराह आणि जेम्स अँडरसन यांच्यात बाऊन्सरवरून वाद झाला. कोहली विरोधी खेळाडूंना त्यांच्यात स्वरात उत्तर देण्यात मागे हटत नाही. मात्र, इंग्लंडचा माजी क्रिकेटपटू निक कॉम्प्टनला भारताचा कर्णधार ‘सर्वात वाईट बोलणारा व्यक्ती’ वाटतो. भारत आणि इंग्लंड यांच्यातील लॉर्ड्स कसोटी हा असाच एक प्रसंग होता जिथे कोहलीएक अँडरसन, बटलर इत्यादींसह अनेक शाब्दिक चकमक झाली. (IND vs ENG 2nd Test Day 4: भर मैदानात James Anderson याच्याशी भिडला Virat Kohli, इंग्लिश गोलंदाजावर टाकले शाब्दिक ‘बाउन्सर’)

कॉम्प्टनने कोहलीची तुलना केन विल्यमसन, जो रूट तसेच सचिन तेंडुलकर सारख्या खेळाडूंशी केली आहे. कॉम्प्टनने म्हटले की, "कोहली सर्वात घाणेरडे तोंडाचा व्यक्ती आहे का? 2012 मध्ये मला मिळालेले गैरवर्तन मी कधीच विसरणार नाही जेव्हा शपथ घेताना मला आश्चर्य वाटले की त्याने स्वतःच एक गंभीर गैरव्यवहार केला. रूट, तेंडुलकर, विल्यमसन किती ग्राऊंडेड आहे यावर प्रकाश टाकते.” बुमराह आणि मोहम्मद शमी फलंदाजी करताना इंग्लिश खेळाडूंनी नंतर बुमराहविरुद्ध स्लेजिंग करण्याचा प्रयत्न केला. दोन्ही फलंदाजांनी नवव्या विकेटसाठी 89 धावांची भागीदारी केली. भारत आणि इंग्लंड यांच्यातील दुसऱ्या कसोटी सामन्याच्या पाचव्या दिवशी कोहली आणि इंग्लंडचा वेगवान गोलंदाज जेम्स अँडरसन यांच्यात काही शाब्दिक वाद पाहायला मिळाला. मात्र, भारतीय कर्णधाराने नंतर अँडरसनशीही हस्तांदोलन करून वाद मैदानात संपवला.

निक कॉम्पटन ट्विट (Photo Credit: Twitter)

कॉम्पटनने 2012 ते 2016 या कालावधीत इंग्लंडसाठी 16 कसोटी सामन्यांमध्ये 775 धावा केल्या आहेत. त्याकाळात क्रिकेट हा सौम्यतेचा खेळ मानला जात असायचा जिथे कधी-कधी मैदानावर खेळाडूंमध्ये शाब्दिक आमनासामना व्हायचा. दुसरीकडे, लॉर्ड्स कसोटी 151 धावांनी गमावल्यानंतर, इंग्लंड कर्णधारा जो रूटनेही कबूल केले की भारतीय क्रिकेट संघाला स्लेजिंग करणे यजमान संघाची रणनीतिक चूक होती. मात्र, रूटने मैदानावरील घटनांवरून कोहली किंवा अन्य भारतीय क्रिकेटपटूसोबत कोणत्याही प्रकारचे वाईट भाव नसल्याचे स्वीकारले. दरम्यान, भारत आणि इंग्लंड यांच्यातील तिसरी कसोटी 25 ऑगस्टपासून हेडिंग्ले येथे खेळली जाईल.