'सासरी पत्नीला पतीच्या अटींवर राहण्यासाठी खाजगी मालमत्ता किंवा बंदी कामगारासारखे वागवले जाऊ शकत नाही'- Chhattisgarh HC

छत्तीसगड उच्च न्यायालयाने अलीकडेच एक महत्वाचे निरीक्षण नोंदवले की, सासरच्या घरात पतीने लादलेल्या अटींमध्ये राहण्यासाठी पत्नीला आपली मालमत्ता किंवा एक बंदी कामगार म्हणून वागवले जाऊ शकत नाही. कोर्टाने पुढे म्हटले की, जर पतीने पत्नीने कोणत्याही कारणाशिवाय, त्याच्या सहवास सोडून इतर ठिकाणी राहावे अशी अपेक्षा केली आणि पत्नीने त्याच्या मागणीला विरोध केला तर तो पत्नीद्वारे क्रूरपणा ठरणार नाही. न्यायमूर्ती गौतम भादुरी आणि न्यायमूर्ती दीपक कुमार तिवारी यांच्या खंडपीठाने असे नमूद केले की, पतीने पत्नीला सोबत ठेवणे ही पत्नीची नैसर्गिक आणि रास्त मागणी आहे. यासह, खंडपीठाने हिंदू विवाह कायदा, 1955 च्या कलम 13 नुसार पतीने दाखल केलेल्या अर्जास परवानगी देणारा कौटुंबिक न्यायालयाने दिलेल्या निर्णय आणि डिक्रीविरुद्ध पत्नीने दाखल केलेल्या अपीलला परवानगी दिली.

अहवालानुसार, मे 2008 मध्ये या दोघांचे लग्न झाले आणि महिलेने जुलै 2009 मध्ये एका मुलीला जन्म दिला. पत्नीने आपल्यासोबत त्याच्या बारदुली या गावी राहावे, अशी पतीची इच्छा होती, परंतु पत्नीने तो प्रस्ताव स्वीकारला नाही. त्यानंतर पतीने क्रूरतेच्या कारणास्तव घटस्फोट मागितला आणि त्याला कौटुंबिक न्यायालयाने परवानगी दिली. दुसरीकडे, अपिलात पत्नीचा असा युक्तिवाद होता की, ती नेहमी पतीच्या सहवासात राहण्यास इच्छुक होती, परंतु पतीला कधीही तिला स्वतःसोबत ठेवायचे नव्हते आणि तिने बारदुली गावात वेगळे राहावे अशी त्याची इच्छा होती. (हेही वाचा: Live in Relationships are Time Pass: 'लिव्ह-इन रिलेशनशिप हे टाइमपास, तात्पुरते आणि नाजूक असतात'; Allahabad HC ने फेटाळली जोडप्याची संरक्षण मागणीची याचिका)

"...if the husband expects the wife to stay at a place other than his company without any sufficient cause it cannot be stated that because of resistance by the wife to stay apart-it would be cruelty by wife" : #ChhattisgarhHighCourt #Cruelty

— Live Law (@LiveLawIndia) October 25, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Oct 25, 2023 04:46 PM IST. For more news and updates on politics, world, sports, entertainment and lifestyle, log on to our website latestly.com).