Human Milk: मानवी दुधाची विक्री किंवा त्यावर प्रक्रिया करण्यास बंदी; उल्लंघन केल्यास होणार कारवाई- FSSAI
सार्वजनिक आरोग्य सुविधांमधील स्तनपान व्यवस्थापन केंद्राच्या (LMC) राष्ट्रीय मार्गदर्शक तत्त्वांनुसार, दात्याचे मानवी दूध कोणत्याही व्यावसायिक कारणासाठी वापरले जाऊ शकत नाही.
Human Milk: भारतीय अन्न सुरक्षा आणि मानक प्राधिकरणने (FSSAI) मानवी दुधाबाबत एक महत्वपूर्ण आदेश जारी केला आहे. प्राधिकरणने एफएसएस कायदा (FSS Act) 2006 अंतर्गत मानवी दुधावर प्रक्रिया करणे किंवा त्याची विक्री करण्यास परवानगी नाकारली आहे. मानवी दूध आणि त्याच्या उत्पादनांच्या व्यापारीकरणाशी संबंधित सर्व क्रियाकलाप थांबवण्याचा सल्ला प्राधिकरणने दिला आहे. यासह राज्य परवाना प्राधिकरणांना मानवी दुधाचा व्यवसाय करण्याचा परवाना देण्यापासून परावृत्त करण्याचे निर्देश दिले आहेत. प्राधिकरणने चेतावणी दिली आहे की, या आदेशाचे उल्लंघन झाल्यास, अन्न सुरक्षा आणि मानक कायदा, 2006 आणि त्याच्याशी संबंधित नियमांनुसार दंडात्मक कारवाई होऊ शकते.
सार्वजनिक आरोग्य सुविधांमधील स्तनपान व्यवस्थापन केंद्राच्या (LMC) राष्ट्रीय मार्गदर्शक तत्त्वांनुसार, दात्याचे मानवी दूध कोणत्याही व्यावसायिक कारणासाठी वापरले जाऊ शकत नाही. सर्व विहित प्रक्रियांचे पालन करून हे दुध सर्वसमावेशक स्तनपान व्यवस्थापन केंद्रांसह सुसज्ज आरोग्य सुविधांमध्ये फक्त नवजात किंवा अर्भकांनाच प्रदान केले जावे. गेल्या दशकभरात, अनेक कंपन्या उदयास आल्या आहेत, ज्या मार्केटिंग आणि विक्रीच्या उद्देशाने मानवी दुधावर पावडर स्वरूपात प्रक्रिया करतात, अशा कंपन्यांचा या कृत्यांवर चाप बसवण्यासाठी प्राधिकरणने हा निर्णय घेतला आहे. (हेही वाचा: Life Expectancy Dropped By 2 Years: कोविड-19 मुळे लोकांचे सरासरी वय जवळपास 2 वर्षांनी कमी झाले; WHO च्या अहवालात धक्कादायक खुलासा)
पहा पोस्ट-
Food Safety and Standards Authority of India (FSSAI) denies permission for the processing or selling of human milk under the FSS Act, 2006 and advises that all activities related to the commercialization of human milk and its products should be stopped. pic.twitter.com/dTtEOvQ7KM
— ANI (@ANI) May 25, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 25, 2024 11:33 PM IST. For more news and updates on politics, world, sports, entertainment and lifestyle, log on to our website latestly.com).
