8th Wonder of the World: इटलीच्या Pompeii ला मागे टाकत कंबोडियातील Angkor Wat Temple बनले जगातील 8 वे आश्चर्य; जाणून घ्या काय आहे खास
पर्यटक केवळ मंदिराचे सौंदर्य आणि इतिहास जाणून घेण्यासाठी येथे येतात असे नाही, तर येथून सूर्योदय आणि सूर्यास्त पाहण्याचा अनुभवही विलक्षण आहे. सनातन धर्माचे लोक हे पवित्र तीर्थक्षेत्र मानतात.
कंबोडियाचे अंगकोर वाट मंदिर (Angkor Wat Temple) हे इटलीच्या पॉम्पेईला (Pompeii) मागे टाकत जगातील आठवे आश्चर्य बनले आहे. अनेक माध्यमांनी याबाबत अहवाल दिले आहेत. हे 800 वर्षे जुने मंदिर राजा सूर्यवर्मन II याने बांधले होते. अंगकोर वाट हे मूळ हिंदू देव विष्णूला समर्पित होते, परंतु नंतर ते बौद्ध मंदिरात बदलण्यात आले. हे जगातील सर्वात मोठे मंदिर आहे, जे सुमारे 500 एकर क्षेत्रात पसरलेले आहे. अंगकोर वाट हे युनेस्कोच्या जागतिक वारसा स्थळांच्या यादीत समाविष्ट केलेले जगातील सर्वात मोठे हिंदू मंदिर आहे. या मंदिराच्या भिंतींवर विविध हिंदू धर्मग्रंथांमध्ये उल्लेख केलेल्या विविध घटनांचे तपशीलवार चित्रण आहे.
मंदिराचे हिंदू धर्मातून बौद्ध धर्मात झालेले संक्रमण त्याच्या भिंतींवरील गुंतागुंतीच्या कोरीव कामांमध्ये स्पष्टपणे दिसते, ज्यात हिंदू पौराणिक कथा तसेच बौद्ध धर्मातील कथांचे चित्रण आहे. अंगकोर वाट मंदिराला त्याच्या भव्य वास्तुकलेमुळे जगातील 8 वे आश्चर्य म्हटले जाते. हे मंदिर चारही बाजूंनी अतिशय मजबूत सीमा भिंतीने वेढलेले आहे. मंदिराच्या मध्यवर्ती संकुलात 5 कमळाच्या आकाराचे घुमट आहेत, जे मेरू पर्वताचे प्रतिनिधित्व करतात. मंदिराच्या भिंतींची सजावट खूपच गुंतागुंतीची आहे, ज्यामध्ये ख्मेर शास्त्रीय शैलीचा प्रभाव दिसून येतो.
त्याच्या वास्तू वैभवाव्यतिरिक्त, अंगकोर वाटचे सांस्कृतिक आणि आध्यात्मिक महत्त्व देखील आहे. बौद्ध भिक्खू आणि भक्तांना आकर्षित करणारे हे मंदिर एक धार्मिक स्थळ आहे. प्राचीन काळी या मंदिराचे नाव 'यशोधरपूर' होते. सूर्यवर्मन द्वितीय याने ख्मेर शास्त्रीय शैलीचा प्रभाव असलेल्या या विष्णू मंदिराच्या बांधकामाला सुरुवात केली, परंतु ते पूर्ण करू शकले नाहीत. त्यांचे पुतणे आणि उत्तराधिकारी धरनींद्रवर्मन यांच्या कारकिर्दीत मंदिराचे काम पूर्ण झाले. इजिप्त आणि मेक्सिकोच्या स्टेप पिरॅमिड्सप्रमाणे, ते पायऱ्यांवर चढते. त्याचे मूळ शिखर अंदाजे 64 मीटर उंच आहे. याशिवाय, इतर सर्व आठ शिखरे 54 मीटर उंच आहेत. (हेही वाचा: Malaysia Visa Free Entry: मलेशियाकडून भारतीय पर्यटकांसाठी खुशखबर; आता 1 डिसेंबर पासून करू शकणार व्हिसा-मुक्त प्रवेश, जाणून घ्या सविस्तर)
पर्यटक केवळ मंदिराचे सौंदर्य आणि इतिहास जाणून घेण्यासाठी येथे येतात असे नाही, तर येथून सूर्योदय आणि सूर्यास्त पाहण्याचा अनुभवही विलक्षण आहे. सनातन धर्माचे लोक हे पवित्र तीर्थक्षेत्र मानतात. दरम्यान, जगातील नवीन 7 आश्चर्यांमध्ये गिझा पिरॅमिड्स, ग्रेट वॉल ऑफ चायना, पेट्रा, कोलोझियम, चिचेन इत्झा, माचू पिचू, ताजमहाल, क्राइस्ट द रिडीमर यांचा समावेश आहे.
(The above story first appeared on LatestLY on Nov 29, 2023 08:40 PM IST. For more news and updates on politics, world, sports, entertainment and lifestyle, log on to our website latestly.com).
