Raksha Bandhan (फोटो सौजन्य - File Image)

Raksha Bandhan 2024: रक्षाबंधन (Raksha Bandhan 2024) हा एक पवित्र सण आहे जो भावा-बहिणीच्या नात्यातील प्रेम आणि विश्वासाचे बंध अधिक दृढ करतो. या दिवशी बहिणी आपल्या भावांच्या मनगटावर राखी बांधतात आणि त्यांच्या दीर्घायुष्यासाठी आणि आनंदी आयुष्यासाठी प्रार्थना करतात. तसेच भाऊ त्यांच्या बहिणींचे रक्षण करण्याचे वचन देतात. परंतु या शुभ प्रसंगी काही चुका टाळल्या पाहिजेत, कारण त्या केवळ या सणाच्या पावित्र्यावरच परिणाम करू शकत नाहीत तर भाऊ-बहिणीच्या नात्यात तणावही आणू शकतात. चला जाणून घेऊया रक्षाबंधनाच्या दिवशी कोणत्या चुका टाळाव्यात.

यंदा राखी बांधण्यासाठी सर्वात शुभ मुहूर्त 19 ऑगस्ट रोजी दुपारी 1:46 ते 4:19 पर्यंत असेल. या दरम्यान तुम्हाला राखी बांधण्यासाठी 2 तास 33 मिनिटे वेळ मिळेल. याशिवाय, तुम्ही संध्याकाळी प्रदोष कालच्या वेळी राखी बांधू शकता, जे संध्याकाळी 6:56 ते रात्री 9:07 पर्यंत असेल. (हेही वाचा - Raksha Bandhan 2024 Muhurt And Timing: रक्षाबंधनाच्या दिवशी 'इतके' तास असेल भद्रा कालावधी; 'या' शुभ मुहूर्तावर बांधू शकता राखी)

रक्षाबंधनाच्या दिवशी चुकूनही 'या' गोष्टी करू नका -

राखी बांधण्यासाठी चुकीची वेळ निवडू नका -

रक्षाबंधन हा सण शुभ मुहूर्तावर साजरा करावा. राखी बांधण्यासाठी शुभ मुहूर्ताची काळजी घेणे अत्यंत आवश्यक आहे. चुकीच्या वेळी राखी बांधणे अशुभ मानले जाते, ज्यामुळे सणाच्या सकारात्मक ऊर्जेवर परिणाम होतो. त्यामुळे पंचांग पाहूनच राखी बांधण्याची वेळ निश्चित करा आणि त्यानुसार पूजा करा. (हेही वाचा -Rangoli Designs For Raksha Bandhan 2024: रक्षाबंधनाच्या दिवशी घरासमोर, अंगणात, पाटाभोवती काढा 'या' सोप्या आणि आकर्षक रांगोळी डिझाईन्स (Watch Video))

रिकाम्या पोटी पूजा करू नका -

रक्षाबंधन पूजेला महत्त्व आहे आणि ती योग्य प्रकारे करणे महत्त्वाचे आहे. बरेच लोक घाईघाईने काहीही न खाता-पिता देवाची पूजा करू लागतात, जे चुकीचे आहे. रिकाम्या पोटी पूजा करणे शुभ मानले जात नाही. त्यामुळे रक्षाबंधन पूजेपूर्वी हलका आहार घ्यावा जेणेकरून पूजेदरम्यान ऊर्जा आणि एकाग्रता टिकून राहते. (हेही वाचा - Mehndi Designs For Raksha Bandhan 2024: रक्षाबंधनासाठी हातावर काढा 'या' साध्या, सोप्या आणि काही मिनिटांमध्ये हटके लूक देणाऱ्या मेहंदी डिझाईन्स, पहा व्हिडिओ)

राखी बांधताना तोंड पूर्वेकडे करा -

रक्षाबंधनाच्या वेळी बहिणी भावाच्या मनगटावर राखी बांधतात तेव्हा तुम्ही पूर्वाभिमुख असल्याची खात्री करा. पूर्व दिशा शुभ मानली जाते आणि या दिशेची पूजा केल्याने सकारात्मक ऊर्जा मिळते. पश्चिम किंवा दक्षिणेकडे तोंड करून पूजा करणे टाळा, कारण त्याचे नकारात्मक परिणाम होऊ शकतात.

राखी बांधताना मीठाचे सेवन करणे -

राखी बांधताना किंवा रक्षाबंधनाच्या पूजेच्या वेळी मीठाचे सेवन करू नये. पूजेच्या वेळी मीठाचे सेवन अशुभ मानले जाते. त्यामुळे राखी बांधण्यापूर्वी आणि पूजेच्या वेळी मिठाचे सेवन टाळावे.

नातेवाईक आणि मित्रांकडे दुर्लक्ष करणे -

रक्षाबंधन हा केवळ भाऊ-बहिणीचा सण नसून, कुटुंब आणि नातेवाइकांशी नाते जोडण्याची संधीही आहे. या दिवशी आपल्या नातेवाईक आणि मित्रांकडे दुर्लक्ष करू नका. त्यांना भेटा, त्यांच्या तब्येतीची विचारपूस करा आणि या सणाचा आनंद त्यांच्यासोबत शेअर करा. असे केल्याने तुमचे नाते आणखी घट्ट होईल. रक्षाबंधनाचा हा पवित्र सण उत्साहात साजरा करा. वरील छोट्या चुका टाळून तुम्ही तुमचा सण आणखी खास बनवू शकता. भाऊ-बहिणीचे नाते अधिक दृढ करण्यासाठी सर्व अशुभ गोष्टी टाळा आणि आनंदाने शुभ मुहूर्तावर रक्षाबंधनाचा सण साजरा करा.