UN Remark On India Per Capita Income Rise: मोदी सरकारच्या विकासाला संयुक्त राष्ट्रांनीही दिली मान्यता; भारतातील दरडोई उत्पन्न वाढीसह लैंगिक असमानता निर्देशांकात सुधारणा
अहवालात असेही म्हटले आहे की, भारताने लिंग असमानता निर्देशांक 0.437 सह लिंग असमानता कमी करण्यात प्रगती दर्शविली आहे, जी जागतिक सरासरीपेक्षा चांगली आहे. यावरून मोदी सरकारच्या बेटी बचाओ मोहिमेला जागतिक स्तरावरही यश मिळवून देण्यात यश आले आहे.
UN Remark On India Per Capita Income Rise: मोदी सरकार (Modi Government) च्या 10 वर्षांच्या कार्यकाळात भारताने जी प्रगती साधली आहे. त्याला आता संयुक्त राष्ट्रांनी (UN) मान्यता दिली आहे. यूएनने आपल्या एका अहवालात भारतीय लोकांच्या राहणीमानात कमालीची सुधारणा झाल्याचे मान्य केले आहे. यूएनच्या अहवालानुसार, भारतातील आयुर्मान वाढल्याने दरडोई उत्पन्नातही (Per Capita Income) लक्षणीय वाढ झाली आहे. भारताच्या या प्रगतीचे संयुक्त राष्ट्राने कौतुक केले आहे. एवढेच नाही तर, अहवालात असेही म्हटले आहे की, भारताने लिंग असमानता निर्देशांक 0.437 सह लिंग असमानता कमी करण्यात प्रगती दर्शविली आहे, जी जागतिक सरासरीपेक्षा चांगली आहे. यावरून मोदी सरकारच्या बेटी बचाओ मोहिमेला जागतिक स्तरावरही यश मिळवून देण्यात यश आले आहे.
सन 2022 नुसार, भारतातील सरासरी आयुर्मान 62.2 होते जे आता 67.7 पर्यंत वाढले आहे. यासह, सकल राष्ट्रीय उत्पन्न (GNI, दरडोई) $ 6951 (रु. 5.76 लाख) पर्यंत वाढले आहे. म्हणजेच गेल्या 12 महिन्यांतील ही 6.3 टक्क्यांची जबरदस्त वाढ आहे. याशिवाय, अहवालात शालेय शिक्षणाच्या अपेक्षित वर्षांमध्ये (दरडोई 12.6 पर्यंत) वाढ दर्शविली आहे. (हेही वाचा - India's Retail Inflation in February: फेब्रुवारीमध्ये किरकोळ महागाई 5.09 टक्क्यांवर; गेल्या चार महिन्यांतील नीचांकी पातळी)
संयुक्त राष्ट्रांच्या अहवालानुसार, भारताच्या आयुर्मानात नेत्रदीपक वाढ झाली आहे. 2022 मध्ये देशाचा एचडीआय स्कोअर 0.644 होता. परंतु UN च्या 2023/24 अहवालात भारत आता 193 पैकी 134 व्या क्रमांकावर आहे. उल्लेखनीय म्हणजे, 2022 साठी भारताच्या एचडीआय स्कोअरमध्ये 2023-24 मध्ये ही वाढ झाली आहे. भारताचा 1990 एचडीआय 0.434 होता, परिणामी 2022 च्या स्कोअरमध्ये 48.4 टक्के सकारात्मक बदल झाला.
लैंगिक असमानता अहवालात सुधारणा -
अहवालात असेही म्हटले आहे की, भारताने लैंगिक असमानता निर्देशांक किंवा GII 0.437 वर "लिंग असमानता कमी करण्यात प्रगती" दर्शविली आहे, जी जागतिक सरासरीपेक्षा चांगली आहे.
(The above story first appeared on LatestLY on Mar 14, 2024 08:22 PM IST. For more news and updates on politics, world, sports, entertainment and lifestyle, log on to our website latestly.com).
