Russia-Ukraine War: युक्रेनमध्ये सैन्य पाठविण्यास अमेरिकेचा नकार, जागतिक युद्ध टाळण्यासाठी निर्णय घेतल्याचे दिले कारण

रशिया आणि युक्रेनमध्ये सुरू असलेल्या युद्धाला (Russia-Ukraine War) दोन आठवडे उलटून गेले असून अजूनही हे युद्ध संपण्याची चिन्हे दिसत नाहीत. दरम्यान, व्हाईट हाऊसचे (White House) प्रेस सेक्रेटरी जेन साकी यांनी गुरुवारी सांगितले की, रशियाविरुद्ध युद्ध लढण्यासाठी युक्रेनमध्ये सैन्य पाठवण्याचा अमेरिकेचा कोणताही विचार नाही. तसेच जागतिक युद्ध कसे थांबवायचे यावर आमचे मूल्यांकन आधारित असल्याचे सांगितले. अमेरिकेच्या उपराष्ट्रपती कमला हॅरिस (Kamla Harris) यांनी युक्रेनवरील आक्रमण आणि प्रसूती रुग्णालयासह नागरिकांवर बॉम्बस्फोट केल्याबद्दल रशियाविरुद्ध आंतरराष्ट्रीय युद्ध गुन्ह्यांची चौकशी करण्याची मागणी केली.

नॉर्थ अटलांटिक ट्रीटी ऑर्गनायझेशन (नाटो) च्या पूर्वेकडील सहयोगींना पाठिंबा देण्यासाठी वॉर्सामध्ये असलेल्या हॅरिसने बुधवारी प्रसूती रुग्णालयावर बॉम्बस्फोट आणि रक्ताने माखलेल्या गर्भवती महिलांच्या दृश्यांवर संताप व्यक्त केला. निश्चितपणे चौकशी झाली पाहिजे आणि ती आपण सर्वांनी पाहिली पाहिजे, असे ते म्हणाले. हॅरिसच्या शेजारी उभे असलेले पोलंडचे अध्यक्ष आंद्रेज डुडा म्हणाले की युक्रेनमध्ये रशियन लोक युद्ध गुन्हे करत आहेत हे आम्हाला स्पष्ट झाले आहे.

Tweet

The United States has no intention of sending our military troops to Ukraine to fight a war against Russia... Our assessment is based on is how to prevent a world war: White House Press Secretary Jen Psaki pic.twitter.com/oGszAdGlIS

— ANI (@ANI) March 10, 2022

दुसरीकडे युक्रेनचे राष्ट्राध्यक्ष वोलोडिमिर झेलेन्स्की यांनी रशियाविरुद्ध कठोर पावले उचलत नवीन कायद्याला मंजुरी दिली आहे. या अंतर्गत युक्रेन रशियाची संपत्ती जप्त करू शकणार आहे. हा कायदा रशिया किंवा त्याच्या नागरिकांची मालमत्ता नुकसानभरपाईशिवाय जप्त करण्याचा अधिकार देतो. वृत्तसंस्था एएनआयने द कीव इंडिपेंडंटच्या हवाल्याने म्हटले आहे की युक्रेनच्या संसदेने 3 मार्च रोजी हा कायदा मंजूर केला आहे. युक्रेन केवळ रशियाविरोधात कठोर पावले उचलत नाही, तर अमेरिकेसह अनेक युरोपीय देशही रशियावर आर्थिक निर्बंध लादत आहेत. (हे ही वाचा Russia Ukraine War: रशिया-युक्रेन युद्धात अडकलेल्या पाकिस्तानी मुलीची भारताकडून सुटका, आभार व्यक्त करतानाचा अस्मा शफीकचा व्हिडिओ व्हायरल)

वाढत्या किमतीला आम्ही जबाबदार नाही - पुतिन

दरम्यान, पाश्चात्य देशांनी रशियाच्या अडचणीत वाढ करत राहिल्यास खतांच्या जागतिक किमती आणखी वाढू शकतात, असा इशारा रशियाचे अध्यक्ष पुतिन यांनी दिला आहे. पुतिन म्हणाले की, रशिया आणि बेलारूस हे जागतिक बाजारपेठेत खनिज खतांचा सर्वात मोठा पुरवठादार आहेत. पाश्चात्य देश समस्या निर्माण करत राहिले तर आधीच फुगलेल्या खतांच्या किमती आणखी वाढतील. रशिया दरवर्षी 50 दशलक्ष टन खताचे उत्पादन करतो, जे जगातील एकूण उत्पादनाच्या 13 टक्के आहे.

(The above story first appeared on LatestLY on Mar 11, 2022 09:33 AM IST. For more news and updates on politics, world, sports, entertainment and lifestyle, log on to our website latestly.com).