Joyce DeFauw | (Photo Credit - Twitter)

आयुष्यात शिक्षणाला वयाचे आणि कालमर्यादेचे कोणतेच बंधन नसते. फक्त गरज असते ती केवळ जिद्दीची. होय, जॉयस डिफॉ (Joyce Defauw) नावाच्या 90 वर्षीय विद्यार्थीनिने हे दाखवून दिले आहे. आपणास 90 वर्षांची आजीबाई माहिती असते. पण विद्यार्थीनी? चक्रावलात ना? पण हे खरे आहे. जॉयस डिफॉ यांनी 1950 मध्ये नॉर्दर्न इलिनॉय विद्यापीठात (Northern Illinois University) प्रवेश घेतला. पण काही कारणांमुळे त्यांना आपले शिक्षण सोडावे लागले. त्यांना शिक्षण सोडावे लागले असले तरी त्यांचा ध्यास कायम होता. त्यामुळे अनेक दशकांच्या प्रयत्नानंतर या आठवड्याच्या विकेंडला त्यांनी पदवी पूर्ण केली.

कॉलेजमध्ये प्रवेश घेतल्यानंतर सात दशकांनंतर एका 90 वर्षीय महिलेने अखेरीस नॉर्दर्न इलिनॉय युनिव्हर्सिटी (NIU), युनायटेड स्टेट्समधून बॅचलर ऑफ जनरल स्टडीजची पदवी प्राप्त केली. जॉयस डेफॉ ज्या लग्नानंतर जॉयस व्हायोला केन बनल्या. जॉयस यांनी 1951 मध्ये नॉर्दर्न इलिनॉय युनिव्हर्सिटीमध्ये त्यांच्या नवीन वर्षाची सुरुवात केली, ती गृह अर्थशास्त्रात प्रमुख होण्याच्या इराद्याने. आंतरराष्ट्रीय प्रसारमाध्यमांशी बोलतानान जॉयस डेफॉ उर्फ जॉयस व्हायोला केन म्हणाल्या की, त्यांनी कॉलेजमध्ये प्रवेश केला खरा. पण लवकरच त्या एका व्यक्तीच्या प्रेमात पडल्या. त्या व्यक्तिलाही त्या आवडल्या. झाले. दोघांमध्ये प्रेमाचे भरते आले. प्रेमात पुढचे काही दिवस कसे गेले कोणालाच कळले नाही. मग त्यांनी एक चर्च गाठला आणि लागलीच दोघांनी लग्नही उरकले.

जॉयस डेफॉ पुढे सांगतात, तिने 1955 मध्ये डॉन फ्रीमन सीनियरशी (Don Freeman Sr.) लग्न केले आणि मिस्टर फ्रीमनचा मृत्यू होण्यापूर्वी तिला तीन मुले होती. ती सुमारे पाच वर्षे विधवा राहिली. डीफॉव यांनी नंतर तिचा उशीरा दुसरा पती, रॉय डेफॉ याच्याशी पुनर्विवाह केला. त्यांना दोन जुळ्या मुलांसह सहा मुले होती. याक्षणी, ती नऊ मुलांची आई आहे. तर 17 वर्षांची आजी आणि 24 वर्षां पणजी आहे.

मजेची बाब अशी की, Ms DeFauw या पुन्हा कॉलेजला परतल्या. पण त्यांनी आपल्या जुन्याच म्हणजे त्या काळातील ब्लॅक अँड व्हाईट ओळखपत्रासह कॉलेजमध्ये प्रवेश केला. तिला पुन्हा कॉलेजला जाण्यासाठी तिच्या कुटुंबीयांनी प्रोत्साहन दिले. त्यांनी आपले उर्वरीत शिक्षण ऑनलाईन पद्धतीने पार पाडले. त्यांनी हे शिक्षण त्यांच्या सेवानिवृत्तीनंतर घरातील संगणकावरुन पूर्ण केले. जो त्यांच्या कुटुंबीयांनी त्यांना भेट दिला होता.