India Export Telecom Equipment: टेलिकॉम क्षेत्रात भारताचा डंका! स्वदेशी दूरसंचार उपकरणांची 100 हून अधिक देशांमध्ये निर्यात : दूरसंचार विभाग
भारतात डिझाईन आणि उत्पादित केलेली दूरसंचार उपकरणे 100 हून अधिक देशांमध्ये निर्यात केली जात आहेत, अशी माहिती केंद्राने दिली आहे. गेल्या वर्षी, भारताने 18.2 अब्ज डॉलर पेक्षा जास्त किमतीची दूरसंचार उपकरणे आणि सेवांची निर्यात केली आहे.
India Export Telecom Equipment: भारतात डिझाईन आणि उत्पादित केलेली दूरसंचार उपकरणे 100 हून अधिक देशांमध्ये निर्यात केली जात आहेत, अशी माहिती केंद्राने दिली आहे. कौतूकास्पद बाब म्हणजे गेल्या वर्षी, भारताने दूरसंचार उपकरणे आणि सेवांच्या निर्यातीमध्ये तब्बल 18.2 अब्ज डॉलरची कमाई केली. 'भारतीय दूरसंचार कंपन्यांनी जागतिक स्पर्धेत अमेरिकेसह पाश्चात्य राष्ट्रांमध्ये आपला ठसा उमटवला आहे,' असे डिजिटल कम्युनिकेशन्स कमिशन, दूरसंचार विभागाचे सदस्य मधु अरोरा यांनी म्हटले आहे. (हेही वाचा:Electric Vehicles: देशातील 50% पेक्षा जास्त इलेक्ट्रिक वाहनांचे मालक आपल्या गाडीबाबत असमाधानी; पेट्रोल-डिझेल गाड्यांकडे वळण्याची योजना- Reports )
'भारतीय सैन्याने अलीकडेच त्यांचे पहिले स्वदेशी चिप-आधारित 4जी मोबाइल बेस स्टेशन स्थापित केले आहे, जे स्वदेशी R&D फर्मने विकसित केले आहे. त्याशिवाय, चिपमेकर SK hynix तिसऱ्या तिमाहीत त्यांच्या नेक्स्ट-जनरेशन GDDR7 ग्राफिक्स मेमरी चिप्सचे मोठ्या प्रमाणावर उत्पादन सुरू करणार आहेत. ‘डिफेन्स सेक्टर आयसीटी कॉन्क्लेव्ह’ला संबोधित करताना 18 कंपन्यांनी त्यांच्या उत्पादनांचे प्रदर्शन केले, असे अरोरा यांनी म्हटले. 'माहिती आणि संप्रेषण तंत्रज्ञान (ICT) संरक्षण ऑपरेशन्सचा कणा आहे. 'भारताच्या दोलायमान ICT क्षेत्राने, गेल्या दहा वर्षांमध्ये लक्षणीय उपस्थिती प्रस्थापित केली आहे.' असे ते पुढे बोलताना म्हणाले.
वरिष्ठ अधिकाऱ्याने टिप्पणी देताना म्हटले की, 'भारतीय आयसीटी उद्योग या क्षेत्रात भारताचे नेतृत्व दर्शवित आहे.' परराष्ट्र मंत्रालयाचे संयुक्त सचिव अभिषेक सिंग म्हणाले की, 'आमईए आयसीटी क्षेत्रात आफ्रिकेसोबत सहकार्य वाढवण्यासाठी सक्रियपणे काम करत आहे. एआय आणि ब्लॉकचेन सारख्या उदयोन्मुख तंत्रज्ञानावर लक्ष केंद्रित करून, आफ्रिकन देशांसमोरील विशिष्ट आव्हानांना सामोरे जाण्याचे आमचे ध्येय आहे,' असे त्यांनी नमूद केले.
सुमारे 75 अब्ज डॉलरच्या गुंतवणुकीसह भारत आफ्रिकेतील पहिल्या पाच गुंतवणूकदारांपैकी एक म्हणून उदयास आला आहे. अनेक भारतीय कंपन्यांनी डिजिटल परिवर्तन घडवून आणण्यात महत्त्वाची भूमिका बजावली आहे. दूरसंचार उपकरणे सेवा निर्यात प्रोत्साहन परिषद (TEPC), ICT भारताचे सार्वभौमत्व आणि अखंडता राखण्यासाठी महत्त्वपूर्ण आहे.
(The above story first appeared on LatestLY on Jul 30, 2024 01:21 PM IST. For more news and updates on politics, world, sports, entertainment and lifestyle, log on to our website latestly.com).
