Virat Kohli (Photo Credit - Twitter)

IND vs SL 3rd ODI: भारतीय संघाचा अनुभवी फलंदाज विराट कोहलीने (Virat Kohli) श्रीलंकेविरुद्धच्या तिसऱ्या एकदिवसीय सामन्यात (IND vs SL) शानदार शतक झळकावले आहे. विराटच्या कारकिर्दीतील हे एकूण 74 वे शतक आहे. त्याचबरोबर या खेळाडूचे वनडे कारकिर्दीतील हे एकूण 46 वे शतक आहे. या शतकासह विराटने सचिन तेंडुलकरचा विक्रमही मोडला आहे. विराट कोहलीने आपल्या शतकासह महान फलंदाज सचिन तेंडुलकरचा विक्रम मोडीत काढला आहे. सचिनच्या 100 शतकांच्या विक्रमापासून विराट अजूनही 24 शतके दूर आहे, पण शतकांच्या बाबतीत त्याने मास्टर-ब्लास्टरचा विक्रम मोडला आहे. विराटची आता श्रीलंकेविरुद्ध एकूण 10 वनडे शतके आहेत. विराट आता जगातील कोणत्याही संघाविरुद्ध सर्वाधिक शतके करणारा फलंदाज बनला आहे. या प्रकरणात त्याने ऑस्ट्रेलियाविरुद्ध एकूण 9 शतके झळकावणाऱ्या सचिन तेंडुलकरला मागे टाकले आहे.

हा विक्रम मोडला

यासोबतच विराटने सचिनचा आणखी एक विक्रम मोडला आहे. खरं तर, विराट आता घरच्या मैदानावर सर्वाधिक एकदिवसीय शतकं झळकावणारा फलंदाज बनला आहे. विराटने आता भारतात 103 एकदिवसीय सामन्यांमध्ये 21 शतके ठोकली आहेत. त्याने या बाबतीत सचिनला मागे टाकले आहे, ज्याने 164 वनडेमध्ये 20 शतके झळकावली आहेत. यादीत तिसऱ्या क्रमांकावर हाशिम अमलाचे नाव आहे, ज्याने 69 सामन्यांमध्ये 14 शतके झळकावली आहेत. (हे देखील वाचा: Collision of Sri Lankan Players: लाइव्ह मॅचमध्ये मोठा अपघात, श्रीलंकेच्या दोन खेळाडूंची जोरदार टक्कर, स्ट्रेचरवर न्यावं लागलं बाहेर (Watch Video)

विराट 100 शतकांचा विक्रम मोडू शकेल का?

आता विराटच्या नजरा सचिनच्या 100 शतकांच्या विक्रमावर आहेत. विराटची 74 शतके आहेत आणि तो सचिनपेक्षा केवळ 26 शतकांनी मागे आहे. गेली तीन वर्षे शतकाशिवाय राहिलेल्या कोहलीने आता पुन्हा कारकिर्दीतील सर्वोत्तम फॉर्म साधला आहे. त्याचबरोबर विराट सचिनचा सर्वाधिक वनडे शतकांचा विक्रमही मोडू शकतो. सचिनच्या नावावर एकदिवसीय क्रिकेटमध्ये एकूण 49 शतके आहेत.