Rohit Sharma Joins Unwanted List: रोहित शर्माच्या नावावर खराब कर्णधाराचा विक्रम, विराट आणि सचिनही यादीत

IND vs AUS 2nd Test 2024: रोहित शर्माच्या (Rohit Sharma) नेतृत्वाखाली टीम इंडियाला ऑस्ट्रेलियाविरुद्ध ॲडलेड ओव्हलवर खेळल्या गेलेल्या पिंक बॉल कसोटी सामन्यात 10 गडी राखून पराभव स्वीकारावा लागला. भारतीय संघाने या दौऱ्याची सुरुवात चांगली केली होती, ज्यामध्ये पर्थमध्ये खेळलेला पहिला सामना 295 धावांनी जिंकला होता, पण दुसऱ्याच सामन्यात यजमान ऑस्ट्रेलियाने दमदार पुनरागमन करत मालिका 1-1 अशी बरोबरीत आणली आहे. या मालिकेतील पहिल्या सामन्यात जसप्रीत बुमराहने टीम इंडियाच्या कर्णधारपदाची जबाबदारी स्वीकारली कारण त्या सामन्यात रोहित संघात सामील होऊ शकला नाही. त्याचवेळी, ॲडलेड कसोटी सामन्यातील पराभवासह, भारतीय कर्णधार म्हणून रोहित शर्मा अशा लाजिरवाण्या यादीचा भाग बनला आहे, ज्याची त्याने अपेक्षा केली नव्हती.

रोहित शर्माच्या कर्णधारपदावर जोरदार टीका

भारतीय संघाचे नेतृत्व करणे सोपे काम नाही, जेव्हा संघाला सलग पराभवांचा सामना करावा लागतो तेव्हा कर्णधाराला सर्वाधिक टीकेला सामोरे जावे लागते. या कारणामुळे रोहित शर्माच्या कर्णधारपदावर जोरदार टीका होत आहे, ज्याचे सर्वात मोठे कारण म्हणजे त्याच्या नेतृत्वाखाली खेळल्या गेलेल्या शेवटच्या 4 कसोटी सामन्यांमध्ये टीम इंडियाला लागोपाठ पराभवाला सामोरे जावे लागले आहे, अशा परिस्थितीत रोहित शर्माला मोठ्या टीकेला सामोरे जावे लागत आहे. (हे देखील वाचा: WTC Point Table 2023-25: डब्ल्यूटीसी पॉइंट्स टेबलमध्ये टीम इंडियाचा मोठे नुकसान, एका झटक्यात गमावले सिंहासन, थेट 'या' क्रमांकावर घसरण)

पराभवाच्या यादीत रोहित शर्माच नाव

कर्णधार रोहित शर्मा हा लज्जास्पद यादीचा एक भाग बनला आहे, ज्यामध्ये विराट आणि धोनीचा समावेश होता. कसोटी क्रिकेटमध्ये, भारतीय कर्णधार म्हणून सलग सर्वाधिक सामन्यांमध्ये पराभवाचा सामना करण्याचा विक्रम नवाब पतौडी यांच्या नावावर आहे, ज्यांच्या नेतृत्वाखाली टीम इंडियाला 1967-68 या वर्षात सलग 6 सामन्यांमध्ये पराभवाचा सामना करावा लागला होता.

भारतीय कर्णधार म्हणून कसोटी सामन्यांमध्ये सर्वाधिक सलग पराभव स्वीकारलेले खेळाडू

नवाब पतौडी - 6 सामने (वर्ष 1967-68)

सचिन तेंडुलकर - 5 सामने (वर्ष 1999-2000)

दत्ता गायकवाड - 4 सामने (वर्ष 1959)

एमएस धोनी - 4 सामने (2011)

एमएस धोनी - 4 सामने (2014)

विराट कोहली - 4 सामने (वर्ष 2020-21)

रोहित शर्मा - 4 सामने (वर्ष 2024)

(The above story first appeared on LatestLY on Dec 08, 2024 02:03 PM IST. For more news and updates on politics, world, sports, entertainment and lifestyle, log on to our website latestly.com).