Shiv Jayanti 2019: शिवाजी महाराज यांची 'राजमुद्रा' म्हणजे बुद्धिमत्ता, सामर्थ्य आणि प्रेरणेचा आविष्कार
Chatrapati Shivaji Maharaj Rajmudra | (Photo courtesy: archived, edited, symbolic images)

Marathi And English Meaning Of Chatrapati Shivaji Maharaj Rajmudra: केवळ महाराष्ट्रच नव्हे तर, देश-विदेशातील अनेकांचे प्रेरणास्थान असलेले छत्रपती शिवाजी महाराज ( Chatrapati Shivaji Maharaj) यांची आज (23 मार्च 2019 ) तिथीनुसार साजरी होणारी जयंती. ही जयंती तारखेनुसार साजरी करावी की तिथीनुसार हा वाद आहेच. मात्र, खरा शिवप्रेमी हा या वादात पडत नाही. तो शिवरायांचे कार्य, विचार आणि कार्यपद्धती याला प्रामाण मानून आचरण करतो. शिवरायांच्या प्रत्येक गोष्टीत एक विशिष्ट संदेश मिळतो. मग, ती त्यांची 'राजमुद्रा' असो की, राज्यकारभार करण्याची पद्धत. आज शिवजयंती निमित्त आपण शिवरायांच्या राजमुद्रेचा (Shivaji Maharaj Rajmudra) अर्थ पाहणार आहोत.

शिवरायांच्या राजमुद्रेचा अर्थ काय?

प्रतिपच्चंद्रलेखेव। वर्धिष्णुर्विश्ववंदिता।

शाहसूनो: शिवस्यैषा मुद्रा भद्राय राजते।।

ही अक्षरे शिवरायांच्या राजमुद्रेवर झळकतात. ही केवळ अक्षरे नाहीत. हा आहे विचार. हा आहे संदेश. इतिहासाच्या अभ्यासकांनी सांगितलेला शिवरायांच्या राजमुद्रेवरील अर्थ असा की, ‘प्रतिपदेच्या चंद्रकलेप्रमाणे प्रतिदिन वृध्दिंगत होणारी, जगाला वंदनीय असणारी शाहपुत्र शिवाजीची ही मुद्रा मांगल्यासाठी शोभत आहे’ (हेही वाचा, Shiv Jayanti 2019 Wishes: शिवजयंती विशेष शुभेच्छा देण्यासाठी WhatsApp Status, Quotes, Wishes,Messages आणि शुभेच्छापत्र!)

शिवरायांच्या राजमुद्रेचा इंग्रजी अर्थ

The glory of this Mudra of Shahaji’s son Shivaji (Maharaj ) will grow like the first day moon .It will be worshiped by the world & it will shine only for well being of people.

शिवजयंतीच्या शुभेच्छा द्या व्हिडिओच्या माध्यमातून

केवळ राजमुद्रेवर कोरलेल्या अक्षरांतून व्यक्त होणाऱ्या संदेशाचा जरी विचार केला तरी, छत्रपती शिवरायांचे बौद्धीक सामर्थ सहज ध्यानात येते. केवळ सात शब्दांमध्ये त्यांनी गहण अर्थ सांगितला आहे. आजही इतिहास संशोधक, अभ्यासक, राज्य कारभार करणारी मंडळी आणि असंख्य शिवप्रेमींना शिवाजी महाराज यांची राजमुद्रा प्रेरणा देते. विचारप्रवर्तक बनवते.