Chandra Grahan 2022 Dos and Don'ts: चंद्रग्रहणाचा सुतक कालावधी काय आहे? सुतक काळात करू नका 'या' चुका, अन्यथा आयुष्यभर होईल पश्याताप

वेगवेगळ्या शहरांमध्ये चंद्रग्रहण दिसण्याच्या वेळेत थोडा फरक असेल. याशिवाय काही ठिकाणी पूर्ण चंद्रग्रहण दिसणार आहे, तर काही ठिकाणी केवळ आंशिक चंद्रग्रहण दिसणार आहे.

Chandra Grahan (PC - pixabay)

Chandra Grahan 2022 Dos and Don'ts: वर्षातील शेवटचे चंद्रग्रहण (Chandra Grahan) 8 नोव्हेंबरच्या संध्याकाळी चंद्रोदयाने सुरू होईल. भारतात हे ग्रहण संध्याकाळी 5.20 पासून दिसू लागेल. वेगवेगळ्या शहरांमध्ये चंद्रग्रहण दिसण्याच्या वेळेत थोडा फरक असेल. याशिवाय काही ठिकाणी पूर्ण चंद्रग्रहण दिसणार आहे, तर काही ठिकाणी केवळ आंशिक चंद्रग्रहण दिसणार आहे. चंद्रग्रहणाचा सुतक कालावधी 9 तास आधी सकाळी 8.20 वाजता सुरू होईल.

चंद्रग्रहणाचा कालावधी आणि सुतक काळ -

वर्षातील शेवटचे चंद्रग्रहण भारतात दिसणार आहे, त्यामुळे धर्म आणि ज्योतिषशास्त्रानुसार त्याचा सुतक कालावधीही वैध असेल. भारतीय वेळेनुसार, चंद्रग्रहण 8 नोव्हेंबरच्या संध्याकाळी 5.20 ते संध्याकाळी 6.20 पर्यंत राहील. अशा स्थितीत आज सकाळी 8.20 पासून चंद्रग्रहणाचा सुतक कालावधी सुरू होईल आणि मोक्ष संध्याकाळी 6.59 वाजता होईल. (हेही वाचा - Chandra Grahan 2022 Date & Time: उद्या खग्रास चंद्रग्रहण, जाणून घ्या महाराष्ट्रात कधी बघता येणार ग्रहण)

चंद्रग्रहणाच्या सुतक काळात करू नका 'हे' काम -

चंद्रग्रहणाच्या वेळेशिवाय सुतक काळातही काही काम निषिद्ध असल्याचे सांगण्यात आले आहे. सुतक कालावधीनंतर ९ तासानंतर ग्रहण संपेपर्यंत हे काम करू नये. म्हणजेच सकाळी 8.20 ते संध्याकाळी 7 पर्यंत हे काम करू नका.

ग्रहण आणि सुतक काळात देवाच्या मूर्तीला स्पर्श करू नये. तसेच यावेळी घरातील मंदिर आणि देवाच्या मूर्ती स्वच्छ कपड्याने झाकून ठेवाव्यात.

चंद्रग्रहण आणि सुतक काळात काहीही खाऊ किंवा पिऊ नका. तथापि, लहान मुले, वृद्ध, गर्भवती महिला आणि आजारी व्यक्तींना यातून सूट देण्यात आली आहे. ग्रहण आणि सुतक काळात ते खाऊ-पिऊ शकतात.