Water Shortage: बंगळुरूमध्ये पाण्याचे भीषण संकट! दुप्पट भावाने विकले जात आहे पाणी

Water Shortage : बंगळुरू शहराला पाणीटंचाईचा सामना करावा लागत आहे. परिस्थिती इतकी गंभीर आहे की, लोकांना पिण्याचे पाणी दुप्पट भावाने विकत घ्यावे लागत आहे. चिंतेची बाब म्हणजे अद्याप उन्हाळा सुरू झालेला नाही, त्यामुळे भविष्यात पाणीटंचाई आणखी तीव्र होऊ शकते. हजारो आयटी कंपन्या आणि स्टार्टअप्सचे घर असलेल्या बेंगळुरू शहराला पाण्याची भीषण टंचाई भेडसावत आहे. सुमारे 1.40 कोटी लोकसंख्येच्या या शहरात काही जलसाठे पूर्णपणे कोरडे पडले आहेत. पाणी वाचवण्यासाठी काही लोकांनी दैनंदिन कामात पाण्याचा वापर कमी केला आहे. गेल्या वर्षी नैऋत्य मान्सून बेंगळुरूमध्ये कमकुवत होता. त्यामुळे कावेरी नदीपात्रातील पाणीपातळी कमी झाली. या नदीच्या पाण्याने भरलेले जलस्त्रोतही जवळपास रिकामे झाले आहेत.

बंगळुरूच्या काही भागात पाण्याचे टँकर महिन्याला 2000 रुपये आकारत आहेत. तर महिनाभरापूर्वी हाच दर १२०० रुपये होता. एवढ्या पैशात 12 हजार लिटरचा पाण्याचा टँकर उपलब्ध होता. होरामावू परिसरात राहणारे आणि पाणी विकत घेणारे सीए  संतोष सांगतात की, पाण्याचा टँकर दोन दिवस अगोदर बुक करावा लागतो. झाडे सुकत आहेत.  एक दिवस आड अंघोळ करावी लागत आहे, जेणेकरून आपण शक्य तितक्या पाण्याची बचत करू शकू.

जाणून घ्या अधिक माहिती 

ही संस्था कावेरी नदीपात्रातून पाणी उपसून संपूर्ण शहराला बहुतांश पाणीपुरवठा करते. कावेरी नदीचे उगमस्थान तालकावेरी आहे. ही नदी शेजारच्या तामिळनाडू राज्यातून जाते आणि बंगालच्या उपसागराला मिळते. पाणीटंचाईबाबत आम्ही कर्नाटक सरकार आणि BWSSB शी संपर्क साधला असता त्यांच्याकडून कोणताही प्रतिसाद मिळाला नाही.

पाहा पोस्ट:

Bengaluru is facing an acute water shortage this year, months before peak summer, forcing many residents in "India's Silicon Valley" to ration their water use and pay almost double the usual price to meet their daily needs. https://t.co/AvIG0Dqn86 https://t.co/AvIG0Dqn86

— Reuters Science News (@ReutersScience) February 21, 2024

बेंगळुरूचे 79% जलाशय, 88% हिरवळ नष्ट झाली उन्हाळ्यात BWSSB ला देखील भूजल काढणे आणि पाण्याच्या टँकरद्वारे पुरवठा करणे भाग पडते. दक्षिण-पूर्व बंगळुरूमध्ये राहणारे शिरीष एन म्हणतात की पाणीपुरवठा करणाऱ्यांसाठी कोणतेही नियम नाहीत. त्यांच्या मनाप्रमाणे पाण्याचे दर वाढवतात. यंदाही त्यांनी पाण्याचे दर वाढवले ​​आहेत.

कोलिशन फॉर वॉटर सिक्युरिटीचे संस्थापक संदीप अनिरुधन यांनी या समस्येवर सांगितले की, बेंगळुरू हे शहरी विनाशाचे सर्वात मोठे उदाहरण आहे. कारण हे शहर वेगाने विकसित होत आहे. पायाभूत सुविधांचा विकास वेगवान आहे, पण तोही कमकुवत आहे. येथे लोकसंख्या झपाट्याने वाढत आहे आणि नैसर्गिक संसाधने कमी होत आहेत.