UP Village Got Tap Water After 76 Years: उत्तर प्रदेशातील 'या' गावाला स्वातंत्र्याच्या 76 वर्षांनंतर मिळाले नळाद्वारे पाणी; गावकऱ्यांच्या आनंदाला पारावार उरला नाही
हे गाव देवहर ग्रामपंचायतीच्या हद्दीत येते. गावात सुमारे 1200 लोक राहतात, जे पाण्यासाठी डोंगरातील झऱ्यांवर अवलंबून आहेत. मात्र उन्हाळ्यात हे झरे कोरडे व्हायचे, अशा परिस्थितीत गावाची पाण्याची गरज भागवण्यासाठी टँकर हे एकमेव साधन होते.
UP Village Got Tap Water After 76 Years: पाण्याला जीवन म्हणतात, मात्र आता हे वाक्य खऱ्या अर्थाने उत्तर प्रदेशातील एका गावातील लोकांनी अनुभवले आहे. कारण स्वातंत्र्याच्या 76 वर्षांनंतर आता या गावातील नळाला पाणी आले आहे. उत्तर प्रदेशातील मिर्झापूर जिल्ह्यातील डोंगरात (Mirzapur Hills) असलेल्या लहुरिया दाह (Lahuria Dah) गावात पहिल्यांदाच लोकांना पिण्याच्या पाण्याचा पुरवठा झाला आहे. यामुळे गावकऱ्यांच्या आनंदाला सीमा राहिली नाही.
लहुरिया दाह हे देवहर ग्रामपंचायतीच्या हद्दीत येते. गावात सुमारे 1200 लोक राहतात, जे पाण्यासाठी डोंगरातील झऱ्यांवर अवलंबून आहेत. मात्र उन्हाळ्यात हे झरे कोरडे व्हायचे, अशा परिस्थितीत गावाची पाण्याची गरज भागवण्यासाठी टँकर हे एकमेव साधन होते. त्यासाठी ग्रामस्थांना पैसे मोजावे लागायचे. आता गावातील लोकांना पहिल्यांदा पाईपने पाणीपुरवठा करण्यात आला आहे.
गावातील रहिवासी कौशलेंद्र गुप्ता म्हणाले, ‘आम्ही वर्षभराचे बजेट पाण्यावर खर्च करत होतो. आता आमची मोठ्या प्रमाणावर बचत होणार आहे.’ लहुरिया दहात पाण्याची पाईपलाईन आणण्याचे काम किती अवघड होते, याचा अंदाज यावरूनच लावता येतो की, योग्य नियोजनाअभावी सुमारे दशकभरापूर्वीच या पाईपलाईनचे काम थांबवण्यात आले होते. जल जीवन अभियानातही गावाचा समावेश नव्हता.
#Mirzapur & #Sonbhadra is the district where the water crisis remains deep throughout the year.
Under @goonj (Dignity of work) villagers are renovating the pond for the conservation of water. pic.twitter.com/m4WsrbaPKy
— Shyamakant Suman (@SumanShyamakant) March 22, 2021
मागील 4.87 कोटी रुपयांपेक्षा जास्त किमतीच्या प्रकल्पाद्वारे काहीच सध्या झाले नाही, परिणामी गावाला पाणीपुरवठा न झाल्याने गावकऱ्यांनी जिल्हाधिकाऱ्यांची भेट घेतली. त्यांनी या समस्येची दखल घेतली आणि पुन्हा नवीन प्रयत्न सुरू केले. त्यानंतर 10 कोटींहून अधिक किमतीचे नवीन प्रकल्प मंजूर झाले. त्यानंतर स्थानिक प्रशासनाने बनारस हिंदू विद्यापीठ आणि जल जीवन मिशन, यूपी जल निगम, नमामि गंगे यांच्याकडून भूभौतिकशास्त्रज्ञ आणि इतर तांत्रिक तज्ञांची मदत घेतली आणि एका संयुक्त टीमने पाण्याची पाइपलाइन गावापर्यंत नेण्यासाठी योग्य तंत्रज्ञान शोधले. (हेही वाचा: Kerala Bird Flu Outbreak: केरळमध्ये बर्ड फ्लूचा उद्रेक, हा आजार मानवांसाठी किती धोकादायक आहे? या आजाराची लक्षणे काय आहेत? जाणून घ्या)
पुढे त्यासाठी अधिकारी आणि मुख्य विकास अधिकारी यांची स्थापना करण्यात आली. यानंतर या गावासाठी स्वतंत्र प्रस्ताव शासनाकडे पाठविण्यात आला, तो मंजूर करण्यात आला. अखेर 31 ऑगस्ट 2023 रोजी गावात नळाला पाणीपुरवठा सुरू झाला. गावातील एकमेव विहीर पावसाचे पाणी साठवण्यासाठी वापरण्यात आली आहे, तर जनावरांसाठी पाणी साठवण्यासाठी कृत्रिम बंधारा बांधण्यात आला आहे.
(The above story first appeared on LatestLY on Apr 21, 2024 05:26 PM IST. For more news and updates on politics, world, sports, entertainment and lifestyle, log on to our website latestly.com).
