Har Ghar Tiranga Campaign अंतर्गत घरी राष्ट्रध्वज फडकवण्यापूर्वी जाणून घ्या त्याबाबतचे Dos and Don’ts!
13-15 ऑगस्ट दरम्यान घराघरावर तिरंगा (Indian National Flag) फडकवण्याचं आवाहन भारताचे पंतप्रधान नरेंद्र मोदी (Prime Minister Narendra Modi) यांनी केले आहे.
भारताच्या अमृतमहोत्सवी स्वातंत्र्यदिनाच्या निमित्ताने आज 13 ऑगस्ट पासून हर घर तिरंगा मोहिमेला (Har Ghar Tiranga Campaign) सुरूवात झाली आहे. 13-15 ऑगस्ट दरम्यान घराघरावर तिरंगा (Indian National Flag) फडकवण्याचं आवाहन भारताचे पंतप्रधान नरेंद्र मोदी (Prime Minister Narendra Modi) यांनी केले आहे. देशभरातून या आवाहनाला प्रतिसाद मिळत आहे. घरांप्रमाणेच देशात महत्त्वाच्या ठिकाणी, ऐतिहासिक ठिकाणी झेंडा किंवा तिरंग्याची विद्युत रोषणाई करत स्वातंत्र्याची 75 वर्ष साजरी करण्यास सुरूवात झाली आहे. पण हा राष्ट्रध्वज फडकवताना काही गोष्टींचं भान ठेवणं गरजेचे आहे. कळत-नकळत आपल्या राष्ट्रध्वजाचा अपमान होऊ नये यासाठी आज तुम्ही देखील घरी झेंडा फडकवणार असाल तर तर काही नियम नक्की जाणून घ्या. हे देखील नक्की वाचा: Har Ghar Tiranga मध्ये सहभागी होण्यासाठी रजिस्टर कसं कराल? harghartiranga.com वरून सर्टिफिकेट डाऊनलोड कसं कराल?
झेंडा फडकण्याबाबतचे काही महत्त्वाचे नियम
- भारताचा झेंडा हा आयताकृती आकारामध्ये आणि 3:2 या प्रमाणामध्येच असणं आवश्यक आहे. हा झेंडा फडकवताना नारंगी रंग वरच्या बाजूला आणि हिरवा रंग खालच्या बाजूला अशा स्थितीतच तो फडकवला पाहिजे.
- नव्या नियमावलीनुसार राष्ट्रध्वज आता सूर्यास्तापूर्वी उतरवण्याची अट शिथिल करण्यात आली असल्याने तो 24 तास फडकवण्याची मुभा देण्यात आली आहे. त्यामुळे आता रोज फडकवणं आणि उअतरवणं असे करण्याची गरज नाही.
- राष्ट्रध्वज प्लॅस्टिकचा नसावा. तो सुती किंवा पॉलिस्टर कापडाचा असल्यास त्याला फडकवण्याची मुभा आहे.
- राष्ट्रध्वज मळलेल्या, फाटलेल्या, चुरगळलेल्या असलेल्या अवस्थेमध्ये फडकवू नये.
- भारताच्या राष्ट्रध्वजाच्या रांगेत किंवा किंवा इतर कोणताही ध्वज फडकवू नये.
- राष्ट्रध्वजावर हार, फुलं घालू नयेत किंवा त्यावर काहीही लिहलेले नसावे.
#स्वातंत्र्याचाअमृतमहोत्सव#घरोघरीतिरंगा अभियानांतर्गत आजपासून 15 ऑगस्ट पर्यंत प्रत्येक घरावर राष्ट्रध्वज अभिमानाने आणि मोठ्या डौलाने फडकविण्यात येणार आहे. घरावर राष्ट्रध्वज उभारताना काय काळजी घ्यावी? याविषयी जाणून घेऊ... #हरघरतिरंगा#HarGharTiranga pic.twitter.com/QRT02xyFax
— AIR News Pune (@airnews_pune) August 13, 2022
पंतप्रधान नरेंद्र मोदी यांनी मागील मन की बात मध्ये देशाला संबोधित करताना 'हर घर तिरंगा' मोहिमेची माहिती दिली होती. घरा घरावर तिरंगा फडकवण्याबरोबरच त्यांनी नागरिकांना आपल्या सोशल मीडीया प्लॅटफॉर्म वरील डीपी देखील तिरंगा करण्याचे आवाहन केले आहे.
(The above story first appeared on LatestLY on Aug 13, 2022 09:39 AM IST. For more news and updates on politics, world, sports, entertainment and lifestyle, log on to our website latestly.com).
