QuickLY
Socially
Hyderabad: हैदराबादमधील मैलारदेवपल्ली भागातील पारजा पाथी मंदिराजवळ आज सकाळी स्फोट झाल्याने परिसरात गोंधळ उडाला. मिळालेल्या माहितीनुसार, सकाळी 11 वाजण्याच्या सुमारास एक व्यक्ती मंदिराबाहेरील फूटपाथवर वाढलेली झुडपे साफ करत असताना ही घटना घडली. साफसफाई करत असताना अचानक स्फोट झाला, ज्यात ती व्यक्ती जखमी झाली. घटनेची माहिती मिळताच मैलारदेवपल्ली पोलीस घटनास्थळी दाखल झाले. पोलिसांनी तात्काळ क्लू टीम आणि बॉम्ब निकामी पथकाला पाचारण केले. दोन्ही पथकांनी घटनास्थळी पोहोचून स्फोटाचा तपास सुरू केला. सध्या स्फोटाचे कारण समजू शकले नसले तरी परिसरात सुरक्षा वाढवण्यात आली आहे. जखमी व्यक्तीला तातडीने रुग्णालयात दाखल करण्यात आले. डॉक्टरांच्या म्हणण्यानुसार त्यांची प्रकृती स्थिर आहे. हे देखील वाचा: Viral Video: मेरठमध्ये सलूनच्या नावाखाली सुरू होतं सेक्स रॅकेट, पोलिसांनी छापा टाकून 16 जणांना केली अटक; आरोपींमध्ये 6 कॉल गर्ल्सचाही समावेश
हैदराबादमधील पारजा पाथी मंदिराजवळ स्फोट
Blast Near Lakshmiguda Temple in #Telangana Leaves Priest Severely Injured
Blast reported at 10.30am near Sri Sri Yade Mata Mandir in Lakshmiguda, Rangareddy has sparked outrage & panic, Explosion occurred during garbage clearance, leaving the temple priest Sugunaram… pic.twitter.com/v5BiKp6bRf
— Nabila Jamal (@nabilajamal_) November 18, 2024
परिसरात घबराटीचे वातावरण
अपघात झाला तेव्हा जखमी व्यक्ती परिसराची साफसफाई करत असल्याचे पोलिसांनी सांगितले. स्फोटानंतर आजूबाजूचे लोक घाबरले. अनेक स्थानिक लोक तेथे जमा झाले आणि त्यांनी घटनेची माहिती घेतली. बॉम्ब निकामी पथक आणि क्लू टीम हा स्फोट फटाक्यामुळे झाला की, अन्य काही संशयास्पद वस्तूंमुळे याचा शोध घेण्याचा प्रयत्न करत आहेत.
पोलिसांचे आवाहन
परिसरात कोणाला संशयास्पद वस्तू किंवा हालचाली दिसल्यास तत्काळ माहिती द्यावी, असे आवाहन पोलिसांनी स्थानिक नागरिकांना केले आहे. यासोबतच लोकांना शांत राहून तपासात सहकार्य करण्याचे आवाहन करण्यात आले आहे.
