इटली मध्ये आता कोरोना व्हायरस पसरत चालला असून नुकतेच कोरोनाची लागण झालेले 76 नवीन रुग्ण समोर आले आहेत, आतापर्यंत इटली मध्ये 155 जणांना ही लागण झाल्याचे समजत आहे.

Italy reported 76 new cases today, raising the total of the country to 155.

— Corona virus (2019-nCoV/COVID-19) watcher (@2019nCoVwatcher) February 23, 2020

 महाराष्ट्र अर्थसंकल्प अधिवेशनावाच्या पूर्व संध्येला मुख्यमंत्री उद्धव ठाकरे यांनी पत्रकार परिषद घेतली होती, ज्यात  राज्यातील महिलांवरील अत्याचाराविरुद्ध कठोर उपाययोजना करणार असल्याचे गृहमंत्री अनिल देशमुख यांनी सांगितले आहे. आंध्रप्रदेशच्या ‘दिशा’ कायद्याच्या धर्तीवर राज्यात नवीन कायदा आणण्याची तयारी आहे, या अभ्यासासाठी 5 अधिकाऱ्यांची नेमणूक करून  त्यांचा अहवाल आल्यानंतर महिला अत्याचारसंबंधीच्या गुन्ह्यातील दोषींना जलदगतीने शिक्षा देण्यासाठी नवीन कायदा करणार असेही  गृहमंत्री अनिल देशमुख यांनी नमूद केले आहे. 

 अंडरवर्ल्ड डॉन रवी पुजारीला पोलिसांनी संध्याकाळी दिल्लीत आणलं. भारतीय गुप्तचर संस्था 'रॉ'चे अधिकारी आणि कर्नाटक पोलिसांच्या पथकाने संयुक्तपणे केलेल्या कारवाईत रवी पुजारीला बेड्या ठोकण्यात आल्या. त्याला आफ्रिका खंडातील सेनेगल या देशात अटक करण्यात आली.

मुख्यमंत्री उद्धव ठाकरे यांनी एनपीआरच्या अंमलबजावणीवर भाष्य करताना महाविकाआघाडी सर्वात आधी या विषयावर एकत्र चर्चा करेल आणि मग निर्णय घेईल असे सांगितले आहे, मात्र असं असलं तरी जनगणना होणे हे ही महत्वाचे आहे असे देखील ठाकरे यांनी नमूद केले.

Maharashtra Chief Minister Uddhav Thackeray in Mumbai: We all (Maha Vikas Aghadi leaders) will sit together to discuss National Population Register (NPR) and then take a decision on it but counting of the population is also important. pic.twitter.com/m0JCNaZMXM

— ANI (@ANI) February 23, 2020

बंगळुरू पोलिसांनी एका खोट्या लग्नाच्या पत्रिकांमधून अमली पदार्थाची तस्करी करण्याचा प्रयत्न मोडून काढला आहे, 43 लग्नपत्रिकांमध्ये तब्बल 5 कोटी रुपयांचे अमली पदार्थ आढळून आले आहे.

Drugs caught inside wedding Invitation Card. Crazy pic.twitter.com/1Nb9696qvQ

— Aviator Anil Chopra (@Chopsyturvey) February 23, 2020

24 व 25 फेब्रुवारी रोजी अमेरिकेचे राष्ट्राध्यक्ष डोनाल्ड ट्रंप भारत दौऱ्यावर येत आहेत. नुकतेच ते आपल्या पत्नीसह व्हाईट हाऊस येथून रवाना झाले आहेत. लवकरच ते भारतात पोहचतील 

आज पार पडलेल्या पत्रकार परिषदमध्ये मुख्यमंत्री उद्धव ठाकरे यांनी महत्वाची घोषणा केली. गिरणी कामगारांच्या घरांच्या पहिल्या लॉटरीची यादी 1 मार्चला जाहीर होणार असल्याचे त्यांनी सांगितले. गिरणी कामगारांना घरे देण्याचे आश्वासन महाविकास आघाडीने दिले होते, ते आता लवकरच पूर्ण होणार असे दिसत आहे. 

ज्या शेतकऱ्यांचे कर्ज 2 लाख रुपये आहे, अशा शेतकऱ्यांचा सातबारा लवकरच कोरा होणार आहे. महाराष्ट्र सरकारकडून उद्या लाभार्थी शेतकऱ्यांची यादी प्रसिद्ध होणार आहे. यामध्ये प्रत्येक जिल्ह्यातील दोन गावांचा समावेश असेल. आज पार पडलेल्या पत्रकार परिषदमध्ये मुख्यमंत्री उद्धव ठाकरे यांनी ही माहिती दिली. 

Pune: अल्पसंख्यांकांच्या घरात घुसखोरी करून त्यांना बांगलादेशी म्हणवून हिणवल्याबद्दल, रोशन नूरहसन शेख यांनी महाराष्ट्र नवनिर्माण सेनेच्या (MNS) कार्यकर्त्यांविरोधात तक्रार दाखल केली.

Pune: Complaint filed by one Roshan Noorhasan Sheikh against Maharashtra Navnirman Sena (MNS) workers for allegedly 'trespassing in houses of minorities and harassing them, calling them Bangladeshis'. #Maharashtra

— ANI (@ANI) February 23, 2020

बृहन्मुंबई महानगरपालिकेने शाळांमधील विद्यार्थ्यांच्या कलागुणांना बाबा देण्यासाठी, त्यांचे कलागुण प्रदर्शित करणारा कार्यक्रम Rising Stars ची घोषणा केली आहे. यात भरतनाट्यम, मल्लखांब, बास्केटबॉल, कव्वाली व इतर कला विद्यार्थी सादर करतील. 26 फेब्रुवारी, दुपारी 1 वाजता, एनएससीआय डोम, वरळी येथे हा कार्यक्रम पार पडेल. 

चीनच्या वूहान येथून पसरलेल्या कोरोनाव्हायरसने आतापर्यंत अनेक देशांना विळखा घातला आहे. या आजारामुळे चीनमध्ये आतापर्यंत 2000 पेक्षा जास्त लोकांचा मृत्यू झाला आहे. चीनसरकार प्रयत्न करूनही अजूनतरी यावर तोडगा काढू शकली नाही. अशात कोरोनाव्हायरस, कम्युनिस्ट चीनची 'सर्वात मोठी आरोग्य आणीबाणी' असल्याचे चिनी अध्यक्ष शी जिनपिंग यांनी घोषित केले आहे.

#Coronavirus is communist China's "biggest health emergency" says Chinese President Xi Jinping: AFP news agency (file pic) pic.twitter.com/YYbO9bObA2

— ANI (@ANI) February 23, 2020

नागरिकत्व दुरूस्ती कायद्याच्या विरोधात देशाभरातील अनेक राज्यातून आवाज उठवला जात आहे. यातच दिल्ली येथील जाफरबाद मेट्रो स्टेशन परिसरात नागरिकत्व कायद्याच्या विरोधात महिलांनी निषेध केला आहे. तसेच या परिसरात मोठ्या संख्येने पोलीस बंदोबस्त तैन्यात करण्यात आला आहे. ट्वीट-

Delhi: Women protest against the Citizenship Amendment Act in Jaffrabad metro station area. Heavy security deployed. pic.twitter.com/2As5rN9ydl

— ANI (@ANI) February 23, 2020

नुकताच राष्ट्रवादी काँग्रेसकडून तरूणाईशी संवाद या कार्यक्रमाचे मुंबई येथे आयोजन करण्यात आले होते. त्यावेळी राष्ट्रवादी काँग्रेस पक्षाचे सर्वेसर्वा शरद पवार यांनी तरूणाईशी संवाद या कार्यक्रमाला उपस्थित असलेल्या विद्यार्थ्यांना मार्गदर्शन केले. तसेच विद्यार्थ्यांनी दिलेल्या प्रश्नांनाही शरद पवार यांनी दिलखुलास उत्तर दिले आहे. माझे वय 80 झाले असले तरी, विचार करण्याची पद्धत जुनी नाही, असे शरद पवार हे विद्यार्थ्यांशी संवाद साधताना बोलत होते. तरुणाईशी संवाद हा आगळा वेगळा कार्यक्रम असून, संवाद साधण्यासाठी मी येथे आलो आहे. याचा मला आंनद वाटत आहे.  तुमची पीढी आणि माझी पीढी यात किती अंतर आहे हे मला जाणून घ्यायचे आहे. असेही शरद पवार म्हणाले आहेत. 

नौदलाच्या एमआयजी 29 के (MiG-29K) या लढावू विमानाला पुन्हा एकदा अपघात झाल्याची धक्कादायक माहिती समोर आली आहे. हा अपघात रविवारी सकाळी 10.30 च्या सुमारास गोव्यामध्ये घडला. सुदैवाने या अपघात कोणतीही जीवितहानी झाली नाही, असे माहिती भारतीय नौसेनेच्या एका प्रकक्त्यांनी दिली. ट्विट-

Indian Navy: Today at around 1030 hours a MiG-29K aircraft, on a routine training sortie, crashed in Goa. The pilot of the aircraft ejected safely and has been recovered. An enquiry to investigate the incident has been ordered. pic.twitter.com/wOCCo9qunU

— ANI (@ANI) February 23, 2020

मुद्रीका गवळी , सुरेश कुलकर्णी , राधा कुलकर्णी  यांच्यासह एका नगरसेवकाने आज शिवसेनेत प्रवेश करणार असून हे चारही नगरसेवक मातोश्रीवर दाखल झाले आहेत. 

नवी मुंबई राष्ट्रवादी काँग्रेस पक्षाला खिंडार पाडून महापालिकेतील  49 नगरसेवकांसह भाजपात प्रवेश करणार्‍या आमदार गणेश नाईकांना पुन्हा एकदा जोरदार धक्का बसला आहे.  मुद्रीका गवळी, सुरेश कुलकर्णी, राधा कुलकर्णी यांच्यासह अन्य एक नगरसेवक आज शिवसेनेत प्रवेश करणार आहेत, अशी माहिती समोर आली आहे. तसेच मुख्यमंत्री उद्धव ठाकरे यांच्या उपस्थित आज दुपारी 12 वाजता मातोश्रीवर अधिकृतरित्या शिवसेनेत प्रवेश करणार आहेत. 

नंदुरबार येथील टेंभे गावात एका विहीरीत पडलेल्या बिबट्याची  7 तासानंतर सुटका करण्यात आली आहे.  बिबट्याला विहिरीतून बाहेर काढण्यासाठी वन अधिकाऱ्यांकडून गेल्या चार तासापासून प्रयत्न केले जात होते. अखेर त्यांचे हे प्रयत्न यशस्वी ठरले आहे. ट्वीट-

#WATCH Maharashtra: A leopard & a puppy were rescued by forest dept from a well in Tembhe village of Nandurbar dist, in rescue op which lasted for around 4 hrs. They were trapped in the well for around 7 hrs after falling into it when the leopard chased the puppy to hunt. (21.02) pic.twitter.com/TLAWh0xk8i

— ANI (@ANI) February 23, 2020

अंडरवर्ल्ड डॉन रवि पुजारीला आफ्रिका खंडातील सेनेगलमध्ये अटक करण्यात आली आहे. तसेच त्याला आज भारतात आणले जाण्याची शक्यता आहे. पुजारीच्या प्रत्यार्पणाची प्रक्रिया पूर्ण झाल्याची माहिती मिळत आहे. महत्वाचे म्हणजे, पुजारीला रॉ आणि कर्नाटक पोलिसांच्या संयुक्त पथकाने पश्चिम आफ्रिकेतील सेनेगलमध्ये अटक केली. 

मुंबईच्या मध्य (Central), पश्चिम (Western) आणि हार्बर (Harbour) या तिन्ही रेल्वे मार्गांवर आज रेल्वे रुळ दुरुस्तीच्या कामामुळे मेगाब्लॉक ठेवण्यात आला आहे. तीनही रेल्वे मार्गावर सकाळी 10.34 ते दुपारी 3.25 पर्यंत हा मेगाब्लॉक ठेवण्यात आला आहे. या दरम्यान तीनही रेल्वे लाईनच्या गाड्या 20 मिनिटे उशिराने धावतील. प्रवाशांनी त्यानुसार आपला प्रवासाचे नियोजन करावे आणि मध्य रेल्वेला सहकार्य करावे असे सांगण्यात येत आहे. यासंबंधीची माहिती मध्य रेल्वेने दिली आहे. सकाळी 10.34 ते दुपारी 3.25 दरम्यान काही लोकल गाड्या रद्द करण्यात आल्या असून काही धिम्या मार्गावरून जलद मार्गाकडे वळविण्यात आल्या आहे.