27 नोव्हेंबर रोजी ISRO रचणार इतिहास; सत्तावीस मिनिटांमध्ये लॉन्च करणार 14 उपग्रह

भारतीय अवकाश संशोधन संस्था (ISRO) 27 नोव्हेंबरला, सुमारे 27 मिनिटांत 14 उपग्रह प्रक्षेपित करून इतिहास रचण्याच्या तयारीत आहे. भारताच्या पोलर सॅटेलाइट लॉन्च व्हेईकल (PSLV) रॉकेटमधून 14 उपग्रह 27 नोव्हेंबर रोजी अवकाशात पाठविले जातील. सकाळी 9.28 वाजता आंध्र प्रदेशच्या श्रीहरिकोटा (Sriharikota) पॅडमधून अवघ्या 27 मिनिटांत इस्रो हे उपग्रह अवकाशात पाठवणार आहे. यात भारताचा 1,625 किलो कार्टोसॅट (Cartosat-3) उपग्रह प्रामुख्याने असेल, तर अमेरिकेचे 13 नॅनो उपग्रह यामध्ये पाठविले जातील. उड्डाणाच्या पहिल्या 17 मिनिटांत पीएसएलव्ही रॉकेट प्रथम पाच वर्षे काम करणाऱ्या कार्टोसॅटला कक्षेत स्थापन करेल.

कार्टोसॅट -3 हा तिसरा पिढीचा प्रगत उपग्रह आहे, ज्यामध्ये हाय-रिझोल्यूशन इमेजिंग क्षमता आहे. हा उपग्रह भारताच्या सीमांना अंतराळातून देखरेख करण्यासही मदत करेल. हा 97. 5 अंशांच्या झुकावर 90 किमीच्या कक्षात ठेवला जाईल. हा उपग्रह ग्रामीण भागातील संसाधनांची मागणी, शहरी नियोजन, किनारपट्टी जमीन वापर, पायाभूत सुविधा विकास, जमीन कवच इत्यादी गोष्टींसाठी उच्च गुणवत्तेची छायाचित्रे देईल. त्यानंतर सुमारे एक मिनिटानंतर, 13 अमेरिकन नॅनो उपग्रहांपैकी एक कक्षात ठेवला जाईल. (हेही वाचा: ISRO कडून Chandrayaan-3 च्या मोहिमेची तयारी सुरु)

अंतिम नॅनोसेटेलाइट 26 मिनिट, 50 सेकंदानंतर कक्षेत प्रवेश करेल. पीएसएलव्ही-एक्सएल हा 320-टन जड आणि 44-मीटर-लांब रॉकेट आहे, जो वैकल्पिकरित्या घन आणि द्रव इंधनद्वारे समर्थित आहे. यात सहा स्ट्रॅप-ऑन बूस्टर मोटर्स आहेत. त्यानंतर इस्रो दोन अन्य सर्विलियन्स सॅटेलाईट लॉन्च करणार आहे. रीसॅट-2 बीआर आणि रीसॅट-2 बीआर 2 अशी त्यांची नावे आहेत. हे दोन्ही पीएसएलवीसी 48 आणि 49 च्या मदतीने डिसेंबर महिन्यात श्रीहरिकोटा येथून लॉन्च करण्यात येणार आहेत. यापूर्वी इस्रोने 11 मे रोजी रीसॅट-2 बी आणि 1 एप्रिलमध्ये ईएमआयसॅट लॉन्च केले होते.

(The above story first appeared on LatestLY on Nov 25, 2019 06:33 PM IST. For more news and updates on politics, world, sports, entertainment and lifestyle, log on to our website latestly.com).