PAK vs SL Asia Cup 2023: पाकिस्तान विरुद्ध श्रीलंका सामन्यात पाऊस पडला तर कोणाला होणार फायदा, कोण खेळणार आशिया कप फायनल?

पाकिस्तानपाठोपाठ भारतीय संघाने आशिया चषकाच्या सुपर-4 (Asia Cup Super - 4) टप्प्यात श्रीलंकेचा (India Beat Sri Lanka) पराभव करून सलग दुसऱ्या विजयाची नोंद केली. या विजयासह भारताने आशिया चषक स्पर्धेच्या अंतिम फेरीतील आपले स्थान पक्के केले आहे. आता श्रीलंका आणि पाकिस्तान (SL vs PAK) हे दोन्ही संघ दुसऱ्या अंतिम संघाच्या शर्यतीत आहेत, तर बांगलादेश बाहेर आहे. 12 सप्टेंबर रोजी भारताने एका रोमांचक सामन्यात श्रीलंकेचा पराभव केला. मात्र, श्रीलंकेचा गोलंदाज ड्युनिथ वेलालगेने भारतीय फलंदाजांना अडचणीत आणले होते. या विजयासह भारताने बांगलादेशला स्पर्धेतून बाहेरचा रस्ता दाखवला आहे. मात्र बांगलादेश संघ आपला शेवटचा सामना भारतासोबत 14 सप्टेंबरला खेळणार आहे.

भारतासोबत कोण खेळणार फायनल?

गुरुवारी म्हणजेच 14 सप्टेंबर रोजी पाकिस्तान आणि श्रीलंका यांच्यात सामना होणार आहे. हा सामना दोन्ही संघांचे स्पर्धेतील भवितव्य ठरवेल. त्याचबरोबर, सुपर-4 टप्प्यातील श्रीलंका आणि पाकिस्तान या दोन्ही संघांचा हा शेवटचा सामना आहे. कोलंबो येथे होणाऱ्या सामन्यात श्रीलंका आपल्या घरच्या मैदानाचा पुरेपूर फायदा घेण्याचा प्रयत्न करेल. मात्र, आतापर्यंत येथे झालेल्या सुपर-4 सामन्यांना पावसाने त्रास दिला आहे. (हे देखील वाचा: ICC ODI Ranking 2023: आशिया चषकादरम्यान आयसीसीने जाहीर केली क्रमवारी, गिल आला बाबरच्या खुर्चीच्या जवळ, रोहित-विराटलाही फायदा)

कोलंबोमध्येही आणखी पावसाची शक्यता 

आतापर्यंत कोलंबोच्या आर प्रेमदासा स्टेडियमवरील सामन्यांना पावसामुळे अडचणींचा सामना करावा लागला होता. कोलंबोमध्येही आणखी पावसाची शक्यता आहे. अशा स्थितीत श्रीलंका आणि पाकिस्तान यांच्यातील हा सामना पावसामुळे वाहून गेला, तर दोन्ही संघांचा धावगती दिसून येईल. आतापर्यंत श्रीलंका या बाबतीत पाकिस्तानच्या पुढे आहे. पॉइंट टेबलबद्दल बोलायचे झाले तर भारतीय संघानंतर श्रीलंका दुसऱ्या स्थानावर आहे.

कोणाला होणार फायदा

भारतीय संघ सुपर-4 टप्प्यातील दोन्ही सामने जिंकून 4 गुणांसह पहिल्या स्थानावर आहे. तर श्रीलंकेने दोनपैकी एक सामना जिंकला आहे आणि एक पराभव पत्करला आहे. श्रीलंका 2 गुण आणि -0.200 निव्वळ धावगतीने दुसऱ्या स्थानावर आहे. त्याचबरोबर पाकिस्तान संघाने दोनपैकी एक सामना जिंकला असून एक पराभव पत्करला आहे. पाकिस्तानचा निव्वळ धावगती -1.892 आहे आणि संघ तिसऱ्या स्थानावर आहे.

कोण खेळणार आशिया कप फायनल?

म्हणजे श्रीलंका आणि पाकिस्तानचे गुण समान आहेत आणि दोघांचा नेट रन रेटही मायनसमध्ये आहे, पण पाकिस्तानचा गुण खूपच नकारात्मक आहे. अशा स्थितीत पाऊस पडल्यास दोन्ही संघांना प्रत्येकी एक गुण मिळेल, पण नेट रनरेटवर कोणताही परिणाम होणार नाही. म्हणजे उत्तम नेट रनरेटच्या जोरावर श्रीलंकेचा संघ अंतिम फेरीत पोहोचेल, असा साधा फॉर्म्युला आहे. याचा अर्थ असाही होतो की हा सामना कुठल्याही परिस्थितीत व्हावा आणि जिंकावा अशी पाकिस्तानची इच्छा आहे. अशा स्थितीत त्यांचे गुण श्रीलंकेपेक्षा जास्त असतील आणि ते थेट अंतिम फेरीत प्रवेश करतील.

(The above story first appeared on LatestLY on Sep 13, 2023 04:24 PM IST. For more news and updates on politics, world, sports, entertainment and lifestyle, log on to our website latestly.com).