IND vs BAN Super 4 Live Streaming: अंतिम सामन्यासाठी टीम इंडिया मैदानात; लाईव्ह सामना कधी, कुठे आणि कसा पाहता येईल?

IND vs BAN Super 4 Live Streaming: भारतीय क्रिकेट संघ आज (बुधवार) आशिया कप २०२५ च्या सुपर-४ फेरीतील आपल्या पुढील सामन्यात बांगलादेशशी भिडणार आहे. या सामन्यात विजय मिळवून सूर्यकुमार यादवच्या नेतृत्वाखालील टीम इंडिया अंतिम सामन्यातील आपले स्थान निश्चित करण्यासाठी मैदानात उतरेल. भारतीय संघ या स्पर्धेत अजूनही अजेय आहे आणि त्याला आजपर्यंत कोणीही हरवू शकलेले नाही. त्यामुळे बांगलादेशसाठी हा सामना कोणत्याही 'अग्निपरीक्षे'पेक्षा कमी नसेल. ICC ची मोठी कारवाई; टी-२० विश्वचषकात चमक दाखवणाऱ्या USA Cricket चे सदस्यत्व निलंबित

आकडेवारीमध्ये भारताचे वर्चस्व

हेड-टू-हेड रेकॉर्ड पाहता, बांगलादेशविरुद्ध भारताचे पारडे नेहमीच जड राहिले आहे. एशिया कपमध्ये दोन्ही संघांमध्ये आतापर्यंत १५ सामने झाले आहेत, ज्यात भारताने तब्बल १३ सामन्यांमध्ये विजय मिळवला आहे, तर बांगलादेशने फक्त दोन सामने जिंकले आहेत. तसेच, टी-२० आंतरराष्ट्रीय सामन्यांमध्येही दोन्ही संघांमध्ये एकूण १७ सामने झाले असून, त्यात भारताने १६ सामने जिंकले आहेत. ही आकडेवारी स्पष्ट करते की, आजच्या सामन्यातही भारतीय संघ आपला दबदबा कायम ठेवण्यासाठीच मैदानात उतरेल.

कागदावर बांगलादेशची टीम भारतासमोर कमकुवत

सध्याच्या फॉर्मनुसार, कागदावर बांगलादेशी टीम भारतासमोर कुठेही टिकत नाही आणि सूर्यकुमार यादवची टीम एका आणखी शानदार विजयासाठी प्रबळ दावेदार आहे. मात्र, टी-२० फॉरमॅटमध्ये काहीही होऊ शकते आणि बांगलादेशचे फिरकी गोलंदाज सामना फिरवू शकतात. भारताचे सलामीचे फलंदाज अभिषेक शर्मा आणि शुभमन गिल जबरदस्त फॉर्ममध्ये आहेत. अभिषेक शर्माचा स्ट्राइक रेट २१० च्या आसपास आहे, तर शुभमन गिलचा स्ट्राइक रेट १५८ च्या आसपास आहे. दुसरीकडे, बांगलादेशचे दोन सर्वोत्तम टी-२० फलंदाज, कर्णधार लिटन दास आणि तौहीद हृदोय हे चांगली कामगिरी करू शकलेले नाहीत. बांगलादेशला विजयाची आशा असेल, तर त्यांना भारताला १५०-१६० धावांवर रोखावे लागेल.

कधी, कुठे आणि किती वाजता पाहता येईल सामना?

• कधी: भारत आणि बांगलादेश यांच्यातील सुपर-४ चा सामना आज, २४ सप्टेंबर रोजी खेळला जाईल.
• कुठे: हा सामना दुबईतील दुबई आंतरराष्ट्रीय क्रिकेट स्टेडियममध्ये खेळला जाईल.
• वेळ: सामना भारतीय वेळेनुसार रात्री ८:०० वाजता सुरू होईल. टॉस सायं. ७:३० वाजता होईल.
• लाईव्ह प्रक्षेपण: भारत-बांगलादेश सामन्याचे लाईव्ह प्रक्षेपण सोनी स्पोर्ट्स नेटवर्कवर होईल, तर लाईव्ह स्ट्रीमिंग सोनी लिव्ह ॲपवर पाहता येईल.

(The above story first appeared on LatestLY on Sep 24, 2025 11:37 AM IST. For more news and updates on politics, world, sports, entertainment and lifestyle, log on to our website latestly.com).