Rohit Sharma Returns India: 'एकच हृदय आहे, किती वेळा जिंकणार!' ऑस्ट्रेलियात धुमाकूळ घातल्यानंतर रोहित शर्माची भारतात वापसी; फॅन्सला असे दिले 'गिफ्ट'
ऑस्ट्रेलियात हा 'धुमाकूळ' घातल्यानंतर रोहित शर्माने धमाकेदार शैलीत भारतात पुनरागमन केले. रोहितला पाहण्यासाठी मुंबई विमानतळाबाहेर चाहत्यांनी मोठी गर्दी केली होती. येथेही 'हिटमॅन'ने आपल्या कृतीने पुन्हा एकदा चाहत्यांची मने जिंकली.
Rohit Sharma Returns India: ऑस्ट्रेलियाविरुद्धच्या तीन सामन्यांच्या एकदिवसीय मालिकेत भारतीय कर्णधार रोहित शर्माने जबरदस्त कामगिरी केली. तो या मालिकेत सर्वाधिक धावा करणारा फलंदाज ठरला. ऑस्ट्रेलियात हा 'धुमाकूळ' घातल्यानंतर रोहित शर्माने धमाकेदार शैलीत भारतात पुनरागमन केले. रोहितला पाहण्यासाठी मुंबई विमानतळाबाहेर चाहत्यांनी मोठी गर्दी केली होती. येथेही 'हिटमॅन'ने आपल्या कृतीने पुन्हा एकदा चाहत्यांची मने जिंकली. त्याने चाहत्यांसोबत फोटो क्लिक केले आणि ऑटोग्राफ देखील दिले. यावेळी घडलेला एक क्षण सोशल मीडियावर खूप व्हायरल होत आहे.
रोहित शर्माने फॅन्सना दिले 'खास गिफ्ट'
रोहित शर्मा भारतात परतला आणि मुंबई विमानतळावर त्याला भेटण्यासाठी चाहत्यांची मोठी गर्दी जमली होती. रोहित शर्माने या गर्दीत एका चाहत्याच्या टी-शर्टवर ऑटोग्राफ दिला. सर्वाधिक व्हायरल झालेल्या क्षणामध्ये, रोहित गाडीत बसत असतानाही त्याने मोठे मन दाखवले. तो कारचा दरवाजा बंद करू शकला असता, पण त्याने चाहत्याला जवळ येऊ दिले आणि दोघांनी सेल्फी काढला. चाहत्यासाठी ही भेट कायम अविस्मरणीय राहील.
ROHIT SHARMA IS BACK IN MUMBAI. 💯 pic.twitter.com/3xlhxs0egh
— Mufaddal Vohra (@mufaddal_vohra) October 27, 2025
असाच आणखी एक व्हिडिओ व्हायरल होत आहे, ज्यात एका चाहत्याने रोहित शर्मासोबत फोटो क्लिक करण्यासाठी आपला फोन बाहेर काढला. तो व्यवस्थित फोटो काढू शकला नाही आणि रोहित पुढे निघून गेला होता. मात्र, 'हिटमॅन'ने मागे येऊन त्या चाहत्याला फोटो दिला. याच कारणामुळे सोशल मीडियावर रोहित शर्माचे खूप कौतुक होत आहे.
ऑस्ट्रेलियात रोहित शर्माचा 'धूम'
ऑस्ट्रेलियाविरुद्धच्या तीन एकदिवसीय सामन्यांच्या मालिकेत रोहित शर्माने सर्वाधिक २०५ धावा केल्या. पर्थ येथे झालेला पहिला सामना त्याच्यासाठी फारसा खास नव्हता (८ धावा). मात्र, ॲडलेडमध्ये झालेल्या दुसऱ्या वनडेमध्ये रोहितने संयमी फलंदाजी करत ९७ चेंडूंमध्ये ७३ धावा केल्या. तिसऱ्या वनडेत रोहितने १२१ धावांची शानदार खेळी साकारली. या उत्कृष्ट कामगिरीमुळे त्याला 'प्लेअर ऑफ द सीरिज'चा किताब मिळाला.
(The above story first appeared on LatestLY on Oct 28, 2025 11:06 AM IST. For more news and updates on politics, world, sports, entertainment and lifestyle, log on to our website latestly.com).
