QuickLY
Socially
Rishabh Pant Car Accident: टीम इंडियाचा स्टार यष्टीरक्षक-फलंदाज ऋषभ पंत (Rishabh Pant) शुक्रवारी सकाळी एका भीषण अपघातात जखमी झाला. ऋषभ पंत दिल्लीहून रुरकी येथील त्याच्या घरी जात होता. यानंतर पंतला डेहराडून येथील खासगी रुग्णालयात दाखल करण्यात आले असून, तेथे त्यांच्यावर उपचार सुरू आहेत. मिळालेल्या माहितीनुसार, मंगळुरू पोलीस स्टेशन परिसरात हा अपघात झाला. ऋषभ पंतच्या पाठीला आणि डोक्याला गंभीर दुखापत झाली आहे. या घटनेनंतर बीसीसीआयचे वैद्यकीय पथक तात्काळ कारवाईत आले आणि ऋषभ पंतला गाठले. ऋषभ पंतच्या तपासणीनंतर बीसीसीआयच्या वैद्यकीय पथकाने आरोग्यविषयक अपडेट दिले आहेत. सूत्रांकडून मिळालेल्या माहितीनुसार, बीसीसीआयच्या (BCCI) वैद्यकीय पथकाने ऋषभ पंतचे स्कॅनिंग करून इतर अनेक प्रकारच्या वैद्यकीय चाचण्या केल्या आहेत.
ताज्या अहवालानुसार ऋषभ पंतला कुठेही फ्रॅक्चर झालेले नाही. पाठीवर खरचटणाच्या खुणा असून कपाळावर जखमा आहेत. ऋषभ पंतच्या उजव्या डोळ्याला दुखापत झाली आहे. ऋषभ पंतची प्लास्टिक सर्जरी होणार आहे. (हे देखील वाचा: Rishabh Pant Car Accident Photo Viral: ऋषभ पंतच्या कार अपघाताचे फोटो व्हायरल! भारतीय क्रिकेटपटूला रुग्णालयात करण्यात आले दाखल)
ऋषभ पंत ऑस्ट्रेलिया मालिका आणि आयपीएलमधून होवू शकतो बाहेर
ऑस्ट्रेलियाचा संघ फेब्रुवारी 2023 मध्ये चार सामन्यांची कसोटी मालिका खेळण्यासाठी भारतात येत आहे. टीम इंडिया आणि ऑस्ट्रेलिया यांच्यातील पहिला कसोटी सामना 9 फेब्रुवारीपासून नागपुरात खेळवली जाणार आहे. अशा परिस्थितीत टीम इंडियाचा कसोटी क्रिकेटमधील सर्वात मोठा सामना जिंकणारा ऋषभ पंत या मालिकेतून बाहेर पडणे जवळपास निश्चित मानले जात आहे. याशिवाय ऋषभ पंतला आयपीएलच्या पुढील मोसमातही खेळणे कठीण मानले जात आहे. ऋषभ पंत आयपीएलमध्ये दिल्ली कॅपिटल्सचा कर्णधार आहे.
किती दिवसात परत येणं शक्य
डेहराडूनमधील मॅक्स हॉस्पिटलचे डॉक्टर आशिष याज्ञिक यांनी ऋषभ पंतचे हेल्थ बुलेटिन जारी केले आणि सांगितले की ऋषभ पंतला गंभीर दुखापत झालेली नाही. सध्या डॉक्टरांची संपूर्ण टीम त्याच्या तपासणीत गुंतलेली आहे. पायाला आणि कमरेला दुखापत झाली असून, त्याच्यावर पूर्ण उपचार सुरू आहेत. यासोबतच डॉ. आशिष याज्ञिक यांनी असेही सांगितले की, ऋषभ पंतची प्रकृती सध्या धोक्याबाहेर आहे, तो पूर्णपणे बोलत असून डॉक्टरांची संपूर्ण टीम तपासणीनंतरच काही माहिती देऊ शकेल.
