भारत आणि बांग्लादेशमधील ईडन गार्डन्सवरील पहिल्या दिवसाचा खेळ संपला आहे. पहिल्या दिवशी बांग्लादेशला पहिल्या डावात 106 ऑल आऊट करत भारताने पहिल्या डावात फलंदाजी केली आणि दिवसाखेर 3 गडी गमावून 174 धावा केल्या आहेत. कर्णधार विराट कोहली आणि चेतेश्वर पुजारा यांनी अर्धशतक केले. दिवसाचा खेळ संपला तेव्हा विराट नाबाद 59 आणि अजिंक्य रहाणे नाबाद 23 धावांवर खेळत होते. पुजारा 55 धावांवर कॅच आऊट झाला. 

इबादत हुसेनच्या चेंडूवर कोहलीने मिडविकेटकडे चौकार ठोकला आणि यासह त्याने आपले अर्धशतक पूर्ण केले. त्याने 76 चेंडूत अर्धशतक पूर्ण केले.

40 व्या षटकातील पहिल्याच चेंडूवर इबादत हुसेनने चेतेश्वर पुजाराला बाद केले आणि भारताला तिसरा धक्का दिला. दुसर्‍या स्लिपवर पुजारा शादमान इस्लाम याच्या हाती झेलबाद झाला. पुजाराने 105 चेंडूत 55 धावा केल्या.

पहिले दोन विकेट लवकर गमावल्यावर विराट कोहली आणि चेतेश्वर पुजारा यांनी भारताचा डाव सावरला. दोंघांनी 87 धावांची भागीदारी करत टीम इंडियाला 100 धावांचा टप्पा गाठून दिला. यादरम्यान, पुजाराने 93 चेंडूत अर्धशतक पूर्ण केले. 

भारताने बांग्लादेशवे पहिल्या डावात 10 धावांची अगदी मिळवली आहे. यादरम्यान, कोहलीने तैजुल इस्लामचा चेंडू चेंडू मिडऑनच्या दिशेने खेळला आणि एक धाव घेतली. यासह, त्याना कर्णधार म्हणून टेस्ट क्रिकेटमध्ये पाच हजार धावा पूर्ण केल्या आहेत. शिवाय, ही कामगिरी करणारा विराट सर्वात जलद कर्णधार बनला आहे. विराटने 53 डावांमध्ये पाच हजार धावा पूर्ण केल्या. 

25 वी ओव्हर टाकण्यासाठी तैजुल इस्लाम बॉलिंगसाठी आला आणि त्याच्या षटकांच्या पहिल्याच चेंडूवर कोहलीने चौकार मारत पहिल्या डावात भारताच्या 100 धावा पूर्ण केल्या. टीम इंडिया बांग्लादेशच्या पहिल्या डावापासून अवघ्या पाच धावा दूर आहे. 

मयंक अग्रवाल आणि रोहित शर्मा यांच्या सुरुवातीच्या विकेट पडल्यानंतर विराट कोहली आणि चेतेश्वर पुजारा डाव सावरत आहेत. दोघांमध्ये चांगली भागीदारी होत असून असून बांगलादेशच्या पहिल्या डावात टीम इंडिया अवघ्या 18 धावांनी मागे आहे.

टी ब्रेकनंतर भारताला मोठा झटका लागला आहे. इबादत हुसेन ने रोहित शर्मा याला 21 धावांवर एलबीडब्ल्यू आऊट करत माघारी धाडले. अंपायरने आऊट दिल्यावर रोहितने दुसऱ्या टोकाला उभ्या असलेल्या पुजारासह चौकशी करत रिव्यू घेतला. पण, थर्ड अंपायरने अंपायर्स कॉलचा निकाल दिला. 

टी ब्रेक झाला असून भारताने एका विकेट गमावून 35 धावा केल्या आहेत. रोहित शर्मा आणि चेतेश्वर पुजारा यांनी 44 चेंडूंत नऊ धावांची भागीदारी केली. दुसर्‍या सत्रात मयंक अग्रवाल याच्या रूपात भारताला एकमेव धक्का बसला.

कोलकाता कसोटीच्या पहिल्या डावात मयंक अग्रवाल स्वस्त बाद झाला. त्याने अवघ्या 14 धावा केल्या आणि मेहंदी हसनला अल अमीनच्या गोलंदाजीवर झेलबाद झाला. त्याने 21 चेंडूंचा सामना केला.

बांग्लादेशला 106 धावांवर ऑल आऊट केल्यावर मयंक अग्रवाल आणि रोहित शर्मा यांनी भारताच्या डावाची सुरुवात केली. मयंकने चौकार लगावत भारताचे खाते उघडले. रोहितनेही पहिल्या ओव्हरमध्ये एक षटकार मारले. दोंघांनी पहिल्या ओव्हरमध्ये 11 धावा केल्या. 

बांग्लादेशचा पहिला डाव 106 धावांवर संपुष्टात आला. बांग्लादेशने पहिल्या डावात 30.3 ओव्हरचा सामना केला. भारताकडून इशांत शर्मा याने सर्वाधिक 5, उमेश यादव याने 3 आणि मोहम्मद शमी याने 2 गडी बाद करत बांग्लादेशला बॅकफूटवर टाकले.  शमीने अबू जायदला चेतेश्वर पुजाराच्या हाती झेलबाद करत शेवटची विकेट घेतली. 

ऐतिहासिक कसोटी सामन्यात इशांत शर्माने आश्चर्यकारक कामगिरी केली. इशांतने नईमला बोल्ड करून बांग्लादेशला 105 धावांवर नऊवा धक्का दिला. इशांतने भारतात 12 वर्षात प्रथमच पाच विकेट घेतले आहेत. 

28 व्या षटकातील अखेरच्या चेंडूवर ईशांत शर्माने मेहदी हसनला चेतेश्वर पुजाराच्या हाती झेल बाद करत बांग्लादेशला आठवा धक्का दिला. 100 धावांचा टप्पा गाठण्यापासून बांग्लादेशी संघ दोन धावा दूर आहे.

24 व्या षटकातील पाचव्या चेंडूवर इशांतने इबादत हुसेनला बोल्ड करून बांग्लादेशला सातवा झटका दिला. बांग्लादेशने त्यांचे सात गडी 82 धावांवर गमावले आहेत. आता हे पाहावे लागेल की भारतीय गोलंदाज बांग्लादेशी संघाला 100 ची धावसंख्या पूर्ण करू देते की नाही. 

लंचनंतरचा खेळ सुरु झाला आहे आणि बांग्लादेशी फलंदाज भारतीय गोलंदाजासमोर संघर्ष करताना दिसताहेत. बांग्लादेशने शंभर धावांच्या आत 6 विकेट गमावल्या आणि आता संघाचे शतक पूर्ण करण्यासाठी इबादत हुसेन आणि नईम हसन झटत आहे. 

लंचनंतरच्या सुरुवात झाली आहे. जखमी लिटन दासच्या जागी इबादत हुसेन क्रीजवर आला आहे.

बांगलादेशला मोठा झटका बसला आहे. मोहम्मद शमीच्या घातक बाऊन्सरमुळे लिटान दास निवृत्त झाला आहे. 21 व्या षटकातील तिसर्‍या चेंडूवर शमीचा चेंडू लिटनच्या हेल्मेटवर लागला. फिजिओने त्याची तपासणी केली आणि त्यानंतर त्याने खेळण्यास सुरवात केली, परंतु इशांतच्या षटकानंतरच त्याची अस्वस्थता गंभीर झाल्याचे दिसली आणि त्याने हेल्मेट काढून अंपायर विल्सनशी बोलाणी केली. ज्यानंतर तो निवृत्त झाला. याचवेळी अंपायरने लंच ब्रेक घेण्याचा निर्णय घेतला.

कोलकाता टेस्टमध्ये लंचची वेळ झाली आहे. बांग्लादेश संघ अडचणीत आला आहे. संघाने पहिले फलंदाजी करत पहिल्या सत्रात 73 धावांवर 6 गडी गमावले आहेत. टीम इंडियाचे वेगवान गोलंदाज इशांत शर्मा, उमेश यादव आणि मोहम्मद शमी यांनी संघाचा विजय निश्चित केला आहे. 

ईशम शर्माच्या चेंडूएवर महमुदुल्लाने उभे राहून शॉट मारण्याचा प्रयत्न केला, पण बॉल बॅटच्या कडेला लागून विकेटकीपर रिद्धिमान साहाकडे गेला. साहाने डाव्या बाजूला उडी मारत उत्तम झेल पकडत भारताला सहावा यश मिळवून दिला.

बांग्लादेशचा अर्ध संघ तंबूत परतला आहे. उमेशने शादमान इस्लाम याला रिद्धिमान साहा च्या हाती झेलबाद केले. शादमानने 29 धावा केल्या.

भारतीय गोलंदाजांनी दुसऱ्या टेस्टमध्येही आपले वर्चस्व कायम ठेवले आहेत. मोहम्मद शमीने 12 व्या ओव्हरच्या चौथ्या चेंडूवर मुस्तफिजुर रहीम याला बोल्ड करत पॅव्हिलिअनचा मार्ग दाखवला. रहीमला यंदा खातेही उघडता आले नाही.  बांग्लादेशने फक्त 26 धावांवर चौथी विकेट गमावली. 

मोमिनुलची विकेट घेतल्यानंतर उमेशने मिथुनला बोल्ड करून बांग्लादेशला तिसरा झटका. मिथुनला उमेशने 11 व्या षटकातील तिसरा चेंडूवर मिथुनला बोल्ड केले. मिथुनला खातेही उघडता आले नाही.

अकराव्या षटकातील पहिल्याच चेंडूवर उमेश यादवने बांग्लादेशला दुसरा धक्का दिला. यादवने मोमीनुल हक याला रोहित शर्मा याच्या हाती झेल बाद केले. 

सातव्या षटकातील तिसर्‍या चेंडूवर इशांत शर्मा याने गुलाबी चेंडूने भारताला पहिले यश मिळवून दिले. इशांतला ईमुळं कयासला चेंडू समजल नाही आणि तो एलबीडब्ल्यू झाला. बांग्लादेशने 15 धावांवर पहिली विकेट गमावली. 

भारताचा प्लयिंग इलेव्हन: रोहित शर्मा, मयंक अग्रवाल, चेतेश्वर पुजारा, विराट कोहली, अजिंक्य रहाणे, रवींद्र जडेजा, रिद्धिमान साहा, उमेश यादव, इशांत शर्मा, आर अश्विन आणि मोहम्मद शमी.

टीम इंडिया आजपासून बांग्लादेश संघाविरुद्ध ईडन गार्डन्स मैदानावर पहिला पिंक बॉल टेस्ट सामना खेळणार आहे. आजपासून सुरु होणाऱ्या सामन्यात बांग्लादेशचा कर्णधार मोमिनुल हक याने पहिले बॅटिंग करण्याचा निर्णय घेतला आहे.