IND A vs PAK A, Emerging Asia Cup 2023 Final: भारत-पाकिस्तानमध्ये रंगणार आज फायनलचा थरार, पहा कुठे आणि कधी पाहता येणार सामना
भारत ए आणि पाकिस्तान ए यांच्यातील इमर्जिंग एशिया कपमधील फायनल सामना श्रीलंका येथील कोलंबोच्या मैदानात होणार आहे. रविवारी दुपारी दोन वाजता सामन्याला सुरुवात होणार आहे.
Emerging Asia Cup 2023: आतापर्यंतच्या आपल्या प्रभावी कामगिरीमुळे भारत अ (India A) संघ आज कोलंबो येथे होणाऱ्या इमर्जिंग आशिया कप क्रिकेट स्पर्धेच्या अंतिम फेरीत कट्टर प्रतिस्पर्धी पाकिस्तान अ (Pakistan A) संघाविरुद्ध विजेतेपदाचा दावेदार म्हणून सुरुवात करेल. भारत-पाकिस्तान (Ind Vs Pak) यांच्यातील सामन्यांमध्ये कोणालाही विजयाचा प्रबळ दावेदार म्हणणे अवघड असते, पण भारतीय संघाचा फॉर्म पाहता या सामन्यात तो विजयाचा दावेदार मानला जात आहे. भारतीय संघ या सामन्यात उच्च मनोबलाने प्रवेश करेल कारण त्याने साखळी फेरीत पाकिस्तानला पराभूत केले होते. मात्र, भारतीय खेळाडूंना अतिआत्मविश्वास टाळावा लागेल, त्यामुळे बांगलादेशविरुद्धच्या उपांत्य फेरीत एका टप्प्यावर संघ अडचणीत दिसत होता. (हेही वाचा -Harmanpreeet Kaur: खराब अंपायरिंगमुळे टीम इंडियाची कर्णधार हरमनप्रीत कौर संतापली, रागाच्या भरात बॅट मारली स्टंपला)
बांगलादेशविरुद्ध आर प्रेमदासा स्टेडियमवर खेळल्या गेलेल्या या सामन्यात भारतीय संघ 211 धावांवर बाद झाला. बांगलादेशच्या सलामीवीरांनी संघाला चांगली सुरुवात करून दिली आणि 18 व्या षटकापर्यंत त्यांची धावसंख्या एका विकेटवर 94 अशी झाली. यानंतर निशांत सिंधू आणि मानव सुतार या भारतीय फिरकी गोलंदाजांनी शानदार गोलंदाजी करत बांगलादेशचा डाव 160 धावांत गुंडाळला. कर्णधार यश धुलची 66 धावांची महत्त्वपूर्ण खेळी आणि उत्कृष्ट क्षेत्ररक्षण याचाही भारताच्या विजयात मोलाचा वाटा आहे.
भारताच्या बहुतेक खेळाडूंनी आतापर्यंत योगदान दिले आहे आणि ते पाकिस्तानविरुद्ध आपला चांगला फॉर्म सुरू ठेवण्यासाठी कोणतीही कसर सोडणार नाहीत. मात्र, भारतीय संघाने पाकिस्तानला कोणत्याही प्रकारे कमी लेखू नये कारण त्यांच्या संघात अनेक खेळाडू आहेत ज्यांना आंतरराष्ट्रीय सामने आणि पाकिस्तान सुपर लीग खेळण्याचा अनुभव आहे.
अष्टपैलू मोहम्मद वसीम, कर्णधार मोहम्मद हरीस, सलामीवीर साहिबजादा फरहान आणि वेगवान गोलंदाज अर्शद इक्बाल यांना आंतरराष्ट्रीय क्रिकेट खेळण्याचा अनुभव आहे तर अमाद बट आणि ओमर युसूफ यांनी पाकिस्तान सुपर लीगमध्ये आपली योग्यता सिद्ध केली आहे.
कधी आणि कुठे पाहता येणार सामना
भारत ए आणि पाकिस्तान ए यांच्यातील इमर्जिंग एशिया कपमधील फायनल सामना श्रीलंका येथील कोलंबोच्या मैदानात होणार आहे. रविवारी दुपारी दोन वाजता सामन्याला सुरुवात होणार आहे. स्टार स्पोर्ट्स नेटवर्कवरच्या चॅनलवर हा सामना पाहता येणार
(The above story first appeared on LatestLY on Jul 23, 2023 09:33 AM IST. For more news and updates on politics, world, sports, entertainment and lifestyle, log on to our website latestly.com).
