T20 World Cup 2022: इंग्लंड उपांत्य फेरीच्या शर्यतीतून बाहेर होण्याच्या मार्गावर? बटलरने दिली प्रतिक्रिया

टी-20 विश्वचषकातील (T20 WC 2022) आणखी एक सामना पावसामुळे वाहून गेला. मेलबर्न क्रिकेट ग्राउंडवर ग्रुप 1 मधील ऑस्ट्रेलिया आणि इंग्लंड (AUS vs ENG) यांच्यातील महत्त्वाचा सामना खेळवला जाणार होता. या सामन्यात पावसामुळे एकही चेंडू टाकता आला नाही, नाणेफेकही होऊ शकली नाही. इंग्लंड संघासाठी उपांत्य फेरीचा मार्ग कठीण झाला आहे. दरम्यान, इंग्लंडचा कर्णधार जोस बटलरने संघाच्या उपांत्य फेरीच्या आशांवर मोठे विधान केले आहे. आयर्लंडकडून डकवर्थ-लुईस पद्धतीचा पराभव आणि ऑस्ट्रेलियाविरुद्ध पावसाने धुतलेल्या सामन्यानंतरही इंग्लंडचा कर्णधार जोस बटलर आपला संघ T20 विश्वचषकाच्या उपांत्य फेरीत पोहोचेल अशी आशा आहे. सुपर 12 टप्प्यात इंग्लंडने अफगाणिस्तानविरुद्ध फक्त एक विजय नोंदवला आहे. त्यांचा आता न्यूझीलंड आणि श्रीलंकेशी सामना होणार आहे तर ऑस्ट्रेलियाला आयर्लंड आणि अफगाणिस्तानसारख्या तुलनेने कमकुवत संघांचा सामना करावा लागणार आहे.

तरीही होऊ शकतात पात्र 

ऑस्ट्रेलियाविरुद्धचा सामना पावसाने आटोपल्यानंतर बटलर म्हणाला, ''पहा, आमच्या नियंत्रणाबाहेर असे काही घडत नाही, तोपर्यंत आम्हाला काळजी नाही. आम्हाला माहित आहे की आम्हाला दोन सामने खेळायचे आहेत. आम्हाला हे दोन्ही सामने जिंकायचे आहेत आणि उपांत्य फेरी गाठण्यासाठी स्वतःला सर्वोत्तम स्थितीत ठेवायचे आहे.” (हे देखील वाचा: IND vs SA Head to Head: भारत विरुद्ध दक्षिण आफ्रिका रविवारी होणार सामना, कोण आहे कोणावर वरचढ घ्या जाणून)

गट 1 मधील सर्व सहा संघ सध्या उपांत्य फेरीच्या शर्यतीत आहेत. न्यूझीलंड, इंग्लंड, आयर्लंड आणि ऑस्ट्रेलियाचे प्रत्येकी तीन गुण आहेत तर श्रीलंका आणि अफगाणिस्तानचे प्रत्येकी दोन गुण आहेत. "आम्हाला माहित आहे की पुढच्या फेरीत पोहोचण्याच्या आमच्या शक्यता जिवंत ठेवण्यासाठी आम्हाला सर्वोत्तम प्रयत्न करावे लागतील," बटलर म्हणाला.

(The above story first appeared on LatestLY on Oct 29, 2022 08:53 PM IST. For more news and updates on politics, world, sports, entertainment and lifestyle, log on to our website latestly.com).