ENG vs SL Series 2021: ‘हे श्रीलंकेचे सर्वोत्कृष्ट खेळाडू आहेत का?’ Michael Atherton यांच्या प्रश्नावर Kumar Sangakkara ने दिली ही प्रतिक्रिया
कुमार संगकारा (Photo Credit: PTI)

ENG vs SL Series 2021: इंग्लंड दौऱ्यावर (England Tour) सुरु असलेल्या मालिकेत श्रीलंकन संघाच्या (Sri Lanka Team) निराशाजनक कामगिरीने सध्या सर्वांचे लक्ष वेधले आहे. टी-20 मालिकेने  झाली जिथे यजमान संघाने लंकन संघाचा 3-0 असा सफाया केला. श्रीलंकेने पहिले दोन सामने गमावले, जिथे त्यांनी अनुक्रमे 129/7 आणि 7 बाद 111 धावा केल्या. कार्डिफमध्ये विकेट स्लो होती, परंतु इंग्लिश खेळाडूंनी ज्याप्रकारे फलंदाजी केली हे पाहता ते निमित्त ठरणार नाही. त्यानंतर तिसऱ्या सामन्यात श्रीलंकेच्या फलंदाजांनी पुन्हा निराशाजनक कामगिरी करत 181 धावसंख्याचा पाठलाग करत 91 धावांची नीचांकी खेळी केली. तिसर्‍या टी-20 मध्ये श्रीलंकेच्या धावांचा पाठलाग करताना एका वेळी इंग्लंडचा माजी कर्णधार माइकल अ‍ॅथर्टनने (Michael Atherton) माजी श्रीलंकन दिग्गज कुमार संगकाराला (Kumar Sangakkara) विचारले की, “ही सर्वोत्कृष्ट टीम आहे का?” (Bio-bubble Breach: निरोशन डिकवेला, कुसल मेंडिस आणि दनुष्का गुणथिलाका यांना SLC ने केले निलंबित, इंग्लंड दौर्‍यावरून तातडीने परत बोलावण्यात आले)

इंग्लंड विरुद्ध श्रीलंका मालिकेदरम्यान, स्काय स्पोर्ट्स स्टुडिओमध्ये संगकारा त्यांच्या देशातील एकमेव प्रतिनिधी होते. तथापि, श्रीलंकन दिग्गज फलंदाजाचा कॉमेंट्री बॉक्समधील अनुभव सर्वात परिपूर्ण किंवा आनंददायक ठरला नाही. याचे कारण श्रीलंकेच्या संघाची निराशाजनक कामगिरी होती. अ‍ॅथर्टनच्या प्रश्नाला उत्तर देत संगकारा म्हणाले की, “मला वाटते की हा सर्वोत्तम संघ आहे.” संगकारा पुढे म्हणाले, “चंदिमल, थिसारा परेरा, जे आता निवृत्त झाले आहेत, अँजेलो मॅथ्यूज, थिरीमन्ने आणि करुणरत्न- ज्यांनी कसोटी क्रिकेटमध्ये सुंदर फलंदाजी केली आहे. परंतु नंतर टी-20 वर्ल्ड कपसाठी आपण कोणास पुढे घेऊन जाऊ इच्छित आहात हे ओळखण्याबद्दल देखील आहे, जे तत्काळ लक्ष्य आहे, नंतर अर्थातच 2023 वर्ल्ड कप,” संगकाराने Cricwire च्या हवाल्यानुसार सांगितले.

दरम्यान, नुकतंच आयसीसी हॉल ऑफ फेममध्ये माजी क्रिकेटपटूचा समावेश करण्यात आला आहे. इंग्लंडविरुद्ध टी-20 आंतरराष्ट्रीय मालिकेनंतर आता दोन्ही संघात वनडे सिरीजची सुरुवात झाली असून इथेही लंकन खेळाडूंकडून काही वेगळे पाहायला मिळाले नाही. संपूर्ण संघ पहिले फलंदाजी करून 42.3 ओव्हरमध्ये 185 धावांवर ऑलआऊट झाला. प्रत्युत्तरात यजमान संघाने 34.5 ओव्हरमध्ये 5 विकेट्स गमावून विजय मिळवला आणि तीन सामन्यांच्या मालिकेत 1-0 अशी आघाडी घेतली.