'सासरच्या मंडळींकडून महिलेच्या स्वयंपाक कौशल्याबाबत टोमणे मारणे ही क्रूरता नाही'- Bombay High Court ने फेटाळली याचिका
सध्याच्या प्रकरणात न्यायालयाने असे निरीक्षण नोंदवले की, तक्रारदाराच्या स्वयंपाकाच्या कौशल्याच्या अभावावर भाष्य करणे, हे आयपीसीच्या कलम 498A अंतर्गत परिकल्पित केलेली 'क्रूरते’ची पातळी नाही.
मुंबई उच्च न्यायालयाने (Bombay High Court) एका खटल्याच्या सुनावणीदरम्यान सांगितले की, महिलेला 'स्वयंपाक कसा करायचा हे माहित नाही' यावर केलेली टिप्पणी ही आयपीसीच्या कलम 498A अंतर्गत क्रूरतेचे प्रमाण नाही. एका महिलेने तिच्या पतीच्या कुटुंबीयांवर क्रूरतेचा आरोप करत एफआयआर दाखल केला होता. महिलेने तक्रारीत म्हटले आहे की, तिच्या भावजयांसह सासरचे लोक तिला स्वयंपाक कसा करायचा हे माहित नसल्याबद्दल सतत टोमणे मारतात व ही क्रूरता आहे. मात्र न्यायालयाने महिलेची ही याचिका आणि एफआयआरही फेटाळला.
न्यायालयाने म्हटले आहे की, आयपीसीच्या कलम 498A नुसार क्षुल्लक भांडण किंवा मारामारी ही 'क्रूरता' ठरत नाही. या कलमांतर्गत गुन्हा ठरवण्यासाठी, जाणूनबुजून केलेल्या वर्तनामुळे महिलेला आत्महत्या करण्यास प्रवृत्त होणे किंवा गंभीर दुखापत होण्याची शक्यता आहे, हे सिद्ध करण्यासाठी प्रथमदर्शनी सामग्री असणे आवश्यक आहे. सध्याच्या प्रकरणात न्यायालयाने असे निरीक्षण नोंदवले की, तक्रारदाराच्या स्वयंपाकाच्या कौशल्याच्या अभावावर भाष्य करणे, हे आयपीसीच्या कलम 498A अंतर्गत परिकल्पित केलेली 'क्रूरते’ची पातळी नाही. यासह, राज्यघटनेच्या कलम 226 आणि CrPC च्या कलम 482 अंतर्गत आपल्या अंगभूत अधिकारांचा वापर करून, उच्च न्यायालयाने याचिकाकर्त्यांवरील एफआयआर रद्द केला. फौजदारी कारवाई सुरू ठेवणे हा प्रक्रियेचा दुरुपयोग होईल, असे त्यात म्हटले आहे. (हेही वाचा: High Court On Physical Intimacy: शरीरसंबंध नाकारणे वैहाहिक जीवनात क्रुरताच! घटस्फोटासाठी वैध कारण, हायकोर्टाचे मत)
Merely Commenting About Lack Of Woman's Cooking Skills Not 'Cruelty' U/S 498A IPC: Bombay High Courthttps://t.co/F59IjGOVZC
— Live Law (@LiveLawIndia) January 15, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 16, 2024 05:12 PM IST. For more news and updates on politics, world, sports, entertainment and lifestyle, log on to our website latestly.com).
