High Sea Waves Warning for Mumbai: मुंबईत आज रात्रीपर्यंत समुद्राच्या लाटा उसळणार; BMC ने मुंबईकरांना दिला इशारा
भरतीच्या कालावधीत समुद्राच्या लाटांच्या उंचीत सरासरी 0.5 मीटर ते 1.5 मीटर इतकी वाढ होण्याची शक्यता आहे. हा इशारा लक्षात घेता, समुद्र किनारपट्टी परिसरात तसेच सखल भागांमध्ये या उसळणाऱ्या लाटांचा परिणाम जाणवू शकतो.
High Sea Waves Warning for Mumbai: मुंबईत आज रात्रीपर्यंत समुद्राच्या लाटा उसळणार (High Sea Waves) आहेत. यासंदर्भात BMC ने मुंबईकरांसाठी ॲडव्हायझरी जारी केली आहे. भारतीय हवामानशास्र विभाग आणि इंडियन नॅशनल सेंटर फॉर ओशियन इनफॉर्मेशन सर्व्हीस यांच्याद्वारे प्राप्त माहितीनुसार, 4 मे सकाळी 11.30 वाजेपासून ते 5 मे रात्री 11.30 वाजेपर्यंत 36 तासांच्या कालावधीत समुद्रात भरतीच्या वेळी अधिक उंच लाटा उसळण्याची (Swell Surge Waves) शक्यता आहे. भरतीच्या कालावधीत समुद्राच्या लाटांच्या उंचीत सरासरी 0.5 मीटर ते 1.5 मीटर इतकी वाढ होण्याची शक्यता आहे. हा इशारा लक्षात घेता, समुद्र किनारपट्टी परिसरात तसेच सखल भागांमध्ये या उसळणाऱ्या लाटांचा परिणाम जाणवू शकतो. सदर 36 तासाच्या कालावधीत पर्यटक, किनारपट्टीवर वास्तव्यास असलेल्या सर्व नागरिकांनी तसेच इतर नागरिकांनी समुद्रात शिरू नये, चौपाटी भागात किनाऱ्यावर जाणे टाळावे असा सल्ला महानगरपालिकेकडून देण्यात आला आहे.
मच्छीमार बांधवांनी किनाऱ्यावर सुरक्षित अंतरावर बोटी ठेवाव्यात. जेणेकरून उसळणाऱ्या लाटांमुळे एकमेकांना धडकून बोटींचे नुकसान होणार नाही, समुद्रात मासेमारी करताना कृपया योग्य ती दक्षता घ्यावी. समुद्र किनारी तैनात असलेले महानगरपालिकेचे सुरक्षा रक्षक, जीवरक्षक तसेच अधिकारी, कर्मचारी आणि सर्व यंत्रणांना नागरिकांनी सहकार्य करावे, असं आवाहनही BMC कडून करण्यात आलं आहे. (वाचा -Maharashtra Weather: कोकणात उष्णतेची लाट, मराठवाड्यासह विदर्भात अवकाळी पावसाचा इशारा; हवामान विभागाचा अंदाज)
📢भारतीय हवामानशास्र विभाग आणि इंडियन नॅशनल सेंटर फॉर ओशियन इनफॉर्मेशन सर्व्हीस यांच्याद्वारे प्राप्त माहितीनुसार, आज (४ मे) सकाळी ११.३० वाजेपासून ते उद्या (५ मे) रात्री ११.३० वाजेपर्यंत ३६ तासांच्या कालावधीत समुद्रात भरतीच्या वेळी अधिक उंच लाटा उसळण्याची (swell surge waves)…
— माझी Mumbai, आपली BMC (@mybmc) May 4, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 05, 2024 11:23 AM IST. For more news and updates on politics, world, sports, entertainment and lifestyle, log on to our website latestly.com).
