India’s Retail Inflation: सर्वसामान्यांना झटका! खाद्यपदार्थांच्या वाढत्या किमतीमुळे ऑक्टोबरमध्ये किरकोळ महागाई 6.21 टक्क्यांवर
राष्ट्रीय सांख्यिकी कार्यालयाच्या आकडेवारीवरून असे दिसून आले आहे की, ऑक्टोबरमध्ये खाद्यपदार्थांची महागाई वाढून 10.87 टक्के झाली होती, जी सप्टेंबरमध्ये 9.24 टक्के आणि वर्षभरापूर्वी याच महिन्यात 6.61 टक्के होती.
ऑक्टोबरमध्ये ग्राहक किंमत निर्देशांकावर आधारित महागाई वाढून 6.21% झाली, जी मागील महिन्यात म्हणजे सप्टेंबरमध्ये 5.49% होती. मंगळवारी जाहीर झालेल्या अधिकृत आकडेवारीनुसार, महागाई दर वाढण्याचे प्रमुख कारण म्हणजे खाद्यपदार्थांच्या वाढत्या किमती हे आहे. अशाप्रकारे, किरकोळ महागाई रिझर्व्ह बँक ऑफ इंडियाच्या (RBI) सहा टक्क्यांच्या समाधानकारक पातळीच्या वर गेली आहे. गेल्या वर्षी याच महिन्यात ग्राहक किंमत निर्देशांक (CPI) आधारित महागाई दर 4.87 टक्के होता. सरकारने चलनवाढ चार टक्के (दोन टक्क्यांच्या चढ-उतारात) ठेवण्याची जबाबदारी सेंट्रल बँकेला दिली आहे. वाढत्या महागाईमुळे आरबीआय व्याजदरात कपात करण्याची शक्यता पुन्हा एकदा मावळली आहे. गेल्या महिन्यात आरबीआयने पॉलिसी रेपो दर 6.5 टक्क्यांवर कायम ठेवला होता.
राष्ट्रीय सांख्यिकी कार्यालयाच्या आकडेवारीवरून असे दिसून आले आहे की, ऑक्टोबरमध्ये खाद्यपदार्थांची महागाई वाढून 10.87 टक्के झाली होती, जी सप्टेंबरमध्ये 9.24 टक्के आणि वर्षभरापूर्वी याच महिन्यात 6.61 टक्के होती. ग्रामीण भागातील चलनवाढही सप्टेंबरमधील 5.87 टक्क्यांवरून 6.68 टक्क्यांवर पोहोचली, तर शहरी चलनवाढ मागील महिन्यात 5.05 टक्क्यांवरून 5.62 टक्क्यांवर पोहोचली. विशेषत: कांद्याच्या दरात झालेली वाढ चिंताजनक आहे. कांद्याचे घाऊक भाव 40 ते 60 रुपये किलोवरून 70 ते 80 रुपये किलो झाले आहेत. (हेही वाचा: Onion Prices: दिल्ली, मुंबईसह देशभरात कांद्याचे दर गगनाला भिडले; सर्वसामान्यांचे बजेट कोलमडले)
India’s Retail Inflation:
#Retailinflation rose to 6.21 per cent in October from 5.49 per cent in the preceding month mainly due to higher food prices, breaching the #ReserveBankofIndia's (RBI's) upper tolerance level, according to official data released on Tuesday.https://t.co/6prTW0qDAJ pic.twitter.com/leff4hYidn
— Deccan Herald (@DeccanHerald) November 12, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Nov 12, 2024 09:13 PM IST. For more news and updates on politics, world, sports, entertainment and lifestyle, log on to our website latestly.com).
