Mumbai Trans Harbour Link Bridge: मुंबईत समुद्रावर बांधला जातोय देशातील सर्वात मोठा पूल; काय आहे 'मुंबई ट्रांस हार्बर लिंक ब्रिज'ची खासियत
Mumbai Trans Harbour Link Bridge (PC- Twitter/ @NM_Infra)

Mumbai Trans Harbour Link Bridge: भारताला विकसित राज्य बनवण्यासाठी केंद्र सरकार सर्वतोपरी प्रयत्न करत आहे. अशा परिस्थितीत मुंबई ते नवी मुंबई जोडणारा 'मुंबई ट्रान्स हार्बर लिंक ब्रिज' (Mumbai Trans Harbour Link Bridge) ही तयार होणार आहे. मिळालेल्या माहितीनुसार, हा पूल यावर्षी डिसेंबर महिन्यापर्यंत तयार होईल. यासोबतच हा पूल समुद्रावर बांधलेला देशातील सर्वात मोठा पूल असेल. या पुलाची पायाभरणी 2018 साली पंतप्रधान मोदींच्या (PM Narendra Modi) हस्ते करण्यात आली.

पूर्वी मुंबई ते नवी मुंबई या प्रवासासाठी दोन तास लागायचे. दुसरीकडे, आता हा पूल बांधल्याने हा प्रवास अवघ्या 20 मिनिटांत पूर्ण होणार आहे. समुद्रावर बांधण्यात येत असलेल्या या सर्वात लांब पुलाच्या पॅकेज वन आणि पॅकेज टूला जोडण्याच्या कार्यक्रमाला महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस बुधवारी उपस्थित होते. यावेळी दोन्ही नेत्यांनी या पुलाची कसून पाहणीही केली. (हेही वाचा - Mumbai Trans Harbour Link: ऐतिहासिक क्षण! मुंबई ट्रान्स हार्बर लिंकवर धावली पहिली बस; CM Eknath Shinde यांनी दाखवला हिरवा झेंडा)

मुंबई ट्रान्स हार्बर लिंक ब्रिज 22 किमीचा आहे. हा ब्रिज बांधताना अनेक अडचणींचा सामना करावा लागला. हा ब्रिज बनवण्यासाठी एमएमआरडीएने अनेक खास गोष्टींचा वापर केला. त्यांच्या वापराने हा पूल चांगल्या प्रकारे पूर्ण झाला आहे. हा पूल तयार करताना पर्यावरण रक्षणावरही विशेष लक्ष देण्यात आले आहे.

या पुलाच्या माध्यमातून येथे वर्षानुवर्षे वास्तव्यास असलेल्या फ्लेमिंगो पक्ष्याकडेही विशेष लक्ष देण्यात आले आहे. हे पक्षी मुंबई, नवी मुंबई आणि मुंबईतील शिवडी परिसराची ओळख आणि पर्यटकांचे आकर्षण आहे. हे पक्षी पाहण्यासाठी लोक लांबून येतात.