Drug Supply in Mumbai: मुंबईत अंमली पदार्थांचा पुरवठा व सेवन वाढले; 2023 मध्ये MD आणि Marijuana संदर्भातील अटक आणि जप्तींमध्ये चिंताजनक वाढ
या महिन्यात, पोलिसांनी मेफेड्रोन ड्रग्सचे उत्पादन आणि पुरवठ्यात गुंतलेल्या अनेक सिंडिकेटचा पर्दाफाश केला. यानंतर अनेकांना अटक करण्यात आली. शहरात 2018 पासून मेफेड्रोन किंवा एमडीचा मोठ्या प्रमाणावर कसा पुरवठा केला गेला आणि संख्या कशी वाढत गेली यावर नवीन डेटा प्रकाश टाकतो.
मुंबई पोलिसांकडून (Mumbai Police) मिळालेल्या नवीन आकडेवारीनुसार, यावर्षी मेफेड्रोन (Mephedrone) आणि मारिजुआना (Marijuana) यांसारख्या अंमली पदार्थांशी संबंधित एकूण 1,059 प्रकरणे नोंदवण्यात आली आहेत. या प्रकरणांमध्ये, पोलिसांनी ड्रग्जचे सेवन, पुरवठा किंवा उत्पादनात गुंतलेल्या 1,272 लोकांना अटक केली आहे. विशेष म्हणजे 2018 च्या आकड्यांवरून असे दिसून येते की, या वर्षी मागील सर्व रेकॉर्ड मोडले आहेत.
या महिन्यात, पोलिसांनी मेफेड्रोन ड्रग्सचे उत्पादन आणि पुरवठ्यात गुंतलेल्या अनेक सिंडिकेटचा पर्दाफाश केला. यानंतर अनेकांना अटक करण्यात आली. शहरात 2018 पासून मेफेड्रोन किंवा एमडीचा मोठ्या प्रमाणावर कसा पुरवठा केला गेला आणि संख्या कशी वाढत गेली यावर नवीन डेटा प्रकाश टाकतो.
शहरात 2018 पासून, एमडीशी संबंधित फक्त 34 प्रकरणे नोंदवण्यात आली, ज्यामध्ये 42 अटक करण्यात आली. एकूण 94 किलो एमडी जप्त करण्यात पोलिसांना यश आले, ज्याची किंमत 10.64 कोटी रुपये होती. पुढील वर्षी 2019 आणि 2020 मध्ये, अनुक्रमे 115 आणि 131 अटकांसह, प्रकरणांची संख्या 94 आणि 110 पर्यंत वाढली. त्यानंतर 2021 मध्ये, जप्त केलेल्या एमडीची रक्कम 32.29 कोटी इतकी होती व याबाबत 116 गुन्हे नोंदवले गेले आणि 162 अटक करण्यात आली.
पुढे 2022 मध्ये, कोविड-19 नंतरच्या वर्षात, जप्त केलेल्या एमडी ड्रग्जमध्ये 168 प्रकरणे आणि 235 अटकांसह तब्बल 4886.50 कोटींची वाढ झाली. 2023 मध्ये, जानेवारी ते ऑक्टोबर या कालावधीत 327 गुन्हे दाखल करण्यात आले असून, 483 आरोपींना अटक करण्यात आली आहे, तर आजपर्यंत 357.17 कोटी रुपयांचे एमडी ड्रग्ज जप्त करण्यात आले आहेत. (हेही वाचा: Thane Drug-Related Offences: ठाण्यात वाढली अंमली पदार्थांची तस्करी; गेल्या 10 महिन्यांत 663 गुन्हे दाखल, 771 जणांना अटक)
मारिजुआनासंदर्भातील, ज्याला गांजा म्हणूनही ओळखले जाते, प्रकरणे आणि अटकेमध्येही वाढ झाली आहे. डेटानुसार आकडेवारीची तुलना केल्यास, 2018 मध्ये केवळ 91 प्रकरणे होती, 2023 मध्ये ही संख्या 732 प्रकरणांवर पोहोचली. पोलिसांच्या मते गांजा हे सर्वाधिक सेवन केले जाणारे ड्रग्ज आहे. विशेषत: 25 ते 35 वयोगटातील आणि शाळा/कॉलेजमध्ये जाणाऱ्या तरुणांमध्ये याची लोकप्रियता जास्त आहे.
(The above story first appeared on LatestLY on Oct 21, 2023 04:41 PM IST. For more news and updates on politics, world, sports, entertainment and lifestyle, log on to our website latestly.com).
