इराण आणि अमेरिकाचा वाद आता शिगेला पोहचला आहे. या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी आज अमेरिकेन जनतेशी संवाद साधला. यावेळी त्यांनी वादाचा ठपका इराणवर ठेवत सद्य परिस्थितीची माहिती माध्यमांना आणि जनेतला दिली. यावेळी ट्रंप म्हणाले, 'सुलेमानी यांनी दहशतवाद्यांना पाठींबा दिला, म्हणूनच त्यांच्यावर कारवाई करण्यात आली. अमीरिकेकडे अधिक अत्याधुनिक क्षेपणास्त्रे आहेत मात्र आम्ही त्याचा उपयोग करणार नाही. आता युरोपीयन देशांनी इराणविरोधात एकत्र यायला हवे. यासोबतच अमेरिका इराणला अण्वस्त्र तयार करू देणार नाही आणि आर्थिक निर्बध घालू' असा इशाराही त्यांनी दिला. पुढे इराणच्या हल्ल्यामुळे अमेरिकेच्या तळाचे थोडे नुकसान झाले आहे मात्र कोणतीही जीवितहानी झाली नसल्याची माहिती त्यांनी दिली.

US President Trump: No Americans were harmed in last night's attack by the Iranian regime. We suffered no casualties. All our soldiers are safe, only minimal damages were sustained at our military bases. https://t.co/5dW17stxwk

— ANI (@ANI) January 8, 2020

केंद्रातील मोदी सरकार त्यांच्या दुसऱ्या कार्यकाळात अर्थसंकल्प येत्या 1 फेब्रुवारी 2020 रोजी सादर करणार आहे. संसदेचे कार्य मंत्री प्रल्हाद जोशी यांनी बुधवारी याबाबत घोषणा केली आहे. 

पुण्याच्या सावित्रीबाई फुले पुणे विद्यापीठाचा 116 वा पदवीप्रदान सोहळा आज पार पडणार आहे. या सोहळ्यापूर्वीच विद्यार्थ्यांनी CAA, NRC विरूद्ध निदर्शनं केली आहे. 

 उस्मानाबाद जिल्हा परिषद अध्यक्ष, उपाध्यक्ष निवडणुकीत तानाजी सावंत यांच्या बंडखोरीमुळे भाजपा विजयाच्या दिशेने जात आहे. पुतण्या धनंजयला भाजपाच्या गोटातून उमेदवारी मिळाली. दरम्यान महाविकास आघाडीच्या मंत्रिमंडळात स्थान न मिळाल्याने ते नाराज आहेत असे वृत्त आहे.   

कोल्हापूरातील कामगारांनी पुकारलेल्या मोर्चात राजू शेट्टी यांनी देखील सहभाग घेतला आहे. कोल्हापूरात संघटना आक्रमक झाल्या असून या आंदोलनाला पोलिसांचा कडक पोलीस बंदोबस्त ठेवण्यात आला आहे. 

अमेरिका-इराणमधील तणाव आता विकोपाला गेला आहे. या दोन्ही देशांचे एकमेकांवर होणारे हल्ले-प्रतिहल्ले पाहता इराणचे सर्वोच्च नेते आयतुल्ला अली खामेनी यांनी अमेरिकेचे राष्ट्रपती यांना कडक शब्दांत इशारा दिला आहे. "बदला अजून पूर्ण झालेला नाही. खरा बदला अजून बाकी आहे" अशा शब्दांत त्यांनी अमेरिकेला चेतावणी दिली आहे.

JNU प्रकरणी समर्थन देणाऱ्या अभिनेत्री दीपिका पादुकोण हिला काँग्रेस नेते अशोक चव्हाण यांनी पाठिंबा दर्शवला आहे. तर दीपिका हिने जेएनयूच्या विद्यार्थ्यांना दिलेले समर्थन हे चुकीचे नसल्याचे ही त्यांनी स्पष्ट केले आहे.

Maharashtra Minister Ashok Chavan: Whatever happened in JNU, anyone will speak against it. I don't see anything wrong in Deepika Padukone supporting the JNU protest. https://t.co/ofdIXejLsN

— ANI (@ANI) January 8, 2020

महाराष्ट्र विधीमंडळात आज बोलावण्यात आलेल्या विशेष अधिवेशनामध्ये  अनुसूचित जाती व अनुसूचित जमातीसाठी राखीव जागांची मुदत पुढील दहा वर्षांसाठी वाढविण्याच्या केंद्र सरकारच्या घटनादुरुस्ती विधेयकाला मंजुरी देण्यात आली आहे.

Maharashtra Assembly has ratified the 126th constitutional amendment(for extension of SC/ST reservation) passed by Parliament in December 2019

— ANI (@ANI) January 8, 2020

 केंद्रीय मंत्री नितीन गडकरी यांचे  मूळ गाव धापेवाडा येथून काँग्रेसचे महेंद्र डोंगरे विजयी झाले आहेत. तर चंद्रशेखर बावनकुळे यांच्या कोराडी जिल्हा परिषद मध्ये काँग्रेस पक्षाचे उमेदवार नाना कंभाले विजयी झालेत.   इथे पहा निकालाचे लाईव्ह अपडेट्स . 

महाराष्ट्र मंत्रिमंडळ विस्तारानंतर आज पहिलं अधिवेशन पार सुरू झालं आहे. मुख्यमंत्री उद्धव ठाकरे यांनी आजच्या एकदिवसीय अधिवेशनामध्ये मंत्रीमंडळ  विस्तारातील नव्या आमदारांची ओळख  करून दिली आहे.  

जिल्हा परिषदेच्या निकाल  हाती येण्यास सुरूवात झाली आहे. 57 जागांपैकी भाजपाचा सुरूवातीच्या टप्प्यात 2 तर राष्ट्रवादीच्या एका उमेदवारचा विजय झाला आहे. 

जिल्हा परिषदेच्या निकाल  हाती येण्यास सुरूवात झाली आहे. 57 जागांपैकी भाजपाचा सुरूवातीच्या टप्प्यात 2 तर राष्ट्रवादीच्या एका उमेदवारचा विजय झाला आहे. 

महाराष्ट्रात नागपूर, वाशिम, धुळे,  पालघर सह 6 ठिकाणी जिल्हा परिषद  निवडणूकीच्या मतमोजणीला सुरूवात  झाली आहे. 

अमेरिका विरूद्ध इराण तणावाचा परिणाम भारतीय शेअर बाजारावर झाला आहे. आज सकाळी शेअर मार्केट उघडताच मोठी घसरण पहायला मिळाली. सेंसेक्स 40,660.97 वर  आहे. तर अमेरिकन डॉलरच्या तुलनेत रूपया 20 पैसाने घसरून  72.02 वर पोहचला आहे.

Sensex at 40,675.40, down by 194.07 points pic.twitter.com/NEIej47rzR

— ANI (@ANI) January 8, 2020

इराण कडून अमेरिकेच्या बेस कॅम्पवर हल्ला करण्यात आल्यानंतर आज (8 जानेवारी) सकाळी इराण मध्ये बुशहर जवळ 4.9 रिश्टल स्केलचे भूकंपाचे धक्के जाणवले आहेत.  

आज (8 जानेवारी)  मुंबईमध्ये भारत पेट्रोलियम कॉर्परेशनच्या कर्मचार्‍यांकडून भारत बंद मध्ये सहभाग घेत सरकारी विरोधी धोरणांचा निषेध केला जात आहे. BPCL चे खाजगीकरण केले जाऊ नये अशी कर्मचार्‍यांची मागणी आहे.

Mumbai: Bharat Petroleum Corporation Limited employees protest against Govt decision of strategic disinvestment of Bharat Petroleum pic.twitter.com/njOzme48KC

— ANI (@ANI) January 8, 2020

महाराष्ट्र विधिमंडळाच्या आजच्या  विशेष अधिवेशनात लोकसभा व विधानसभांमध्ये अनुसूचित जाती व अनुसूचित जमातीसाठी राखीव जागांची मुदत पुढील 10 वर्षांसाठी वाढवण्याच्या केंद्र सरकारच्या घटनादुरुस्ती विधेयकाला समर्थन देणारा ठराव दोन्ही सभागृहात मांडण्यात येणार असून तो मंजूर केला जाणार आहे.   

हिंद महासागरामध्ये B52 ही सहा फायटर प्लेन्स अमेरिकेकडून तैनात करण्यात आली आहेत. मोठ्या टप्प्यात हल्ला करण्यासाठी ही विमानं सक्षम आहेत.  दरम्यान अमेरिकेने आज इराणचं एक क्षेपणास्त्र पाडलं आहे. प्रतिबंधक प्रणालीच्या सहाय्याने एक क्षेपणास्त्र पाडलं आहे.  

ईराणमध्ये अमेरिकेच्या अमेरिकेच्या लष्करी तळावर 15 ठिकाणी क्षेपणास्त्र हल्ला करण्यात आला आहे. त्या पाठोपाठ आता तेहरान जवळ युक्रेनचं विमान दुर्घटनाग्रस्त  झालं असून 180 प्रवासी होते.  इराणचा अमेरिकेवर पलटवार; लष्करी तळांवर डागली 12 क्षेपणास्त्रे. 

सरकारच्या कामगार विरोधी धोरणांचा निषेध करत आज 10 ट्रेड युनियन्सनी एकत्र येऊन भारत बंदचं आवाहन केलं आहे. दरम्यान आज मुंबईमध्ये शाळा, कॉलेज नियमित सुरू आहे. तसेच वाहतूक व्यवस्था देखील सुरळीत सुरू आहे.