जगातील सर्वात प्रदूषित शहरांमध्ये दिल्ली ठरले अव्वल; मुंबई आणि कोलकाता Top 10 मध्ये
या यादीमध्ये राजधानी दिल्ली हे जगातील सर्वात प्रदूषित शहर ठरले आहे. जगातील सहावे आणि नववे प्रदूषित शहर म्हणून कोलकाता (Kolkata) आणि मुंबई (Mumbai) शहरांचाही या यादीमध्ये समावेश आहे.
स्वित्झर्लंडमधील आयक्यू एअर व्हिज्युअल, या जागतिक स्तरावरील हवा-गुणवत्तेचा डेटा गोळा करणार्या संस्थेने नुकतेच जगातील सर्वात प्रदूषित शहरांची (World’s Most Polluted City) यादी जाहीर केली आहे. या यादीमध्ये राजधानी दिल्ली हे जगातील सर्वात प्रदूषित शहर ठरले आहे. जगातील सहावे आणि नववे प्रदूषित शहर म्हणून कोलकाता (Kolkata) आणि मुंबई (Mumbai) शहरांचाही या यादीमध्ये समावेश आहे. एअर व्हिज्युअलचा डेटा वारंवार अपडेट केला जातो. म्हणून एअर क्वालिटी इंडेक्सची गणना आणि क्रमवारीत बदल हा दिवसेंदिवस बदलत असतो.
New #AQI rankings, #Delhi 1st 527, 2nd #Lahore 234, 3rd #Tashkent 185, 4th #Karachi 180, 5th #Kolkata 161, 6th #Chengdu 158, #Hanoi 7th 158, #Guangzhou 8th 157, #Mumbai 9th 153, #Kathmandu 10th 152.#AirPollution #airqualityindex #DelhiNCRPollution https://t.co/0kEoT2p9fi
— SkymetAQI (@SkymetAQI) November 15, 2019
दुसरीकडे खाजगी वेदर एजन्सी स्काइमेटनेही जगातील 10 सर्वात जास्त प्रदूषित शहरांचा अहवाल जारी केला आहे. यामध्येही दिल्ली अग्रस्थानी असून, कोलकाता पाचव्या तर मुंबई 9 व्या स्थानी आहे. याबाबत बोलताना स्कायमेट ने सांगितले- दिल्लीतील हवेची गुणवत्ता गेल्या नऊ दिवसांपासून चिंताजनक पातळीवर आहे. इतके दिवस प्रदूषणाची ही पातळी राहण्याची ही पहिलीच वेळ आहे. प्रदूषण नियंत्रण मंडळाने दोन दिवस दिल्लीतील सर्व शैक्षणिक संस्था आणि स्वच्छ इंधनाने न चालविणारे उद्योग बंद ठेवण्याचे निर्देश दिले होते. शुक्रवारी सर्वोच्च न्यायालयाने केंद्र सरकारला दिल्लीतील 13 ठिकाणी एअर प्युरिफायर टॉवर्स बसविण्याचे निर्देश दिले आहेत.
(हेही वाचा: राजधानी दिल्लीत प्रदूषणाच्या पातळीत वाढ; Delhi-NCR मधील शाळांना 14 व 15 नोव्हेंबर रोजी सुट्टी)
दरम्यान, एअर क्वालिटी इंडेक्स (एक्यूआय) ला 0-50 दरम्यान 'चांगले', 51-100 दरम्यान 'समाधानकारक', 101 ते 200 मधील 'सामान्य', 201 ते 300 मधील 'खराब', 301 ते 400 दरम्यान 'खूप खराब' म्हणून रेटिंग दिले गेले आहे. तसेच 401 ते 500 दरम्यान 'गंभीर' मानले जाते. तसेच हवेतील पीएम 10 ची पातळी 100 आणि पीएम 2.5 60 मायक्रोग्राम प्रति मीटरपेक्षा जास्त नसावी.
(The above story first appeared on LatestLY on Nov 17, 2019 04:56 PM IST. For more news and updates on politics, world, sports, entertainment and lifestyle, log on to our website latestly.com).
