Navy Agniveer Recruitment: नौदलातील अग्निवीर MR, SSR भरतीसाठी आजपासून नोंदणी सुरू; उमेदवार agniveernavy.cdac.in वर करू शकतात अर्ज

Navy Agniveer Recruitment 2024: भारतीय नौदलातील अग्निवीर भरतीसाठी तयारी करणाऱ्या उमेदवारांसाठी महत्त्वाची बातमी आहे. भारतीय नौदलाने अग्निवीर (MR) - 02/2024 बॅच आणि अग्निवीर (SSR) - 02/2024 बॅचच्या भरतीसाठी आजपासून म्हणजेच सोमवार, 13 मे पासून अर्ज प्रक्रिया सुरू केली आहे. नौदल अग्निवीर भरती (Navy Agniveer Recruitment 2024) मध्ये स्वारस्य असलेले उमेदवार 27 मे 2024 पर्यंत अधिकृत पोर्टल agniveernavy.cdac.in वर प्रदान केलेल्या ऑनलाइन फॉर्मद्वारे अर्ज करू शकतात.

अग्निवीर भरतीसाठी पात्रता -

भारतीय नौदल अग्निवीर (MR) भरतीसाठी अर्ज करण्यास इच्छुक असलेल्या उमेदवारांनी मान्यताप्राप्त मंडळाकडून मॅट्रिक (वर्ग 10) परीक्षा उत्तीर्ण केलेली असावी. त्याच वेळी, नेव्ही अग्निवीर (एसएसआर) भरतीसाठी, उमेदवारांनी वरिष्ठ माध्यमिक (वर्ग 12) परीक्षा उत्तीर्ण केलेली असणे आवश्यक आहे. दोन्ही श्रेणींमध्ये अग्निवीर भरतीसाठी, उमेदवाराचा जन्म 1 नोव्हेंबर 2003 पूर्वी आणि 30 एप्रिल 2007 नंतर झालेला नसावा. (हेही वाचा - CBSE Class 12th, 10th Improvement Exam, Re-Evaluation Dates Announced: सीबीएसई बोर्डाचा निकाल आज जाहीर; पहा मार्कांची पुर्नतपासणी, Supplementary Exams च्या तारखा!)

भारतीय नौदलातील अग्निवीर भरतीसाठी निवड प्रक्रिया -

भारतीय नौदलात अग्निवीर (MR, SSR) भरतीसाठी उमेदवारांची निवड दोन टप्प्यातील प्रक्रियेद्वारे केली जाईल. पहिल्या टप्प्यात उमेदवारांना नौदल प्रवेश परीक्षा (INET) द्यावी लागेल. ही परीक्षा ऑनलाइन आणि संगणकावर आधारित असेल. या परीक्षेत इंग्रजी, विज्ञान, गणित आणि सामान्य जागृती विषयातून एकूण 100 प्रश्न विचारले जाणार आहेत.

पहिल्या टप्प्यातील परीक्षेतील कामगिरीच्या आधारे यशस्वी घोषित केलेल्या उमेदवारांना पुढील टप्प्यात शारीरिक कार्यक्षमता चाचणी (PFT), लेखी परीक्षा आणि वैद्यकीय चाचणीसाठी आमंत्रित केले जाईल. निवड प्रक्रियेबद्दल अधिक माहितीसाठी, उमेदवार संबंधित भरती अधिसूचना पाहू शकतात.

(The above story first appeared on LatestLY on May 13, 2024 04:14 PM IST. For more news and updates on politics, world, sports, entertainment and lifestyle, log on to our website latestly.com).