रशियन गुप्तहेर समजल्या जाणाऱ्या व्हाईट बेलुगा व्हेल 'ह्वाल्दिमिर'चा मृत्यू झाला आहे. बीबीसीच्या वृत्तानुसार, 31 ऑगस्ट रोजी नॉर्वेच्या रिसाविका खाडीत मासेमारीसाठी गेलेल्या पिता-पुत्रांना व्हेलचा मृतदेह तरंगताना दिसला. या 14 फूट लांब व्हेलचे वय सुमारे 15 वर्षे होते. वजन 1,225 किलो होते. त्याचा मृतदेह क्रेनच्या साह्याने बाहेर काढण्यात आला. मृत्यूचे कारण अद्याप समजू शकले नसून, मोठ्या बोटीच्या धडकेने हा मृत्यू झाल्याचा संशय व्यक्त करण्यात येत आहे. मात्र, त्यांच्या शरीरावर जखमेच्या कोणत्याही खुणा आढळल्या नाहीत. ह्वाल्दिमीर व्हेलला पोस्टमॉर्टमसाठी पाठवण्यात आले आहे. 2019 मध्ये जगाला या व्हेलची प्रथमच माहिती मिळाली. हे  अंतर रशियापासून 415 किमी अंतरावर नॉर्वेमधील इंगोया बेटाच्या किनाऱ्यावर आहे. या भागात बेलुगा व्हेल आढळत नाही, त्यामुळे तिच्यावर लक्ष ठेवले जाऊ लागले.  (हेही वाचा - Russian Helicopter Crashes: 22 जणांसह बेपत्ता झालेले रशियन हेलिकॉप्टर कोसळले; 17 जणांचे मृतदेह बाहेर काढण्यात आले )

व्हेलची जवळून पाहणी केल्यावर तिच्या गळ्याभोवती एक पट्टा दिसला. तिच्या शरीरावर रशियन शहर सेंट पीटर्सबर्गचे नाव लिहिले होते तसेच शरीरावर कॅमेऱ्यांसह मशीन्स देखील बसविण्यात आल्या होत्या. रशियन नौदल व्हेलला प्रशिक्षण देण्यासाठी ओळखले जाते. यामुळेच ती रशियाची गुप्तहेर व्हेल म्हणून ओळखली जाऊ लागली.

पाश्चात्य माध्यमांमध्ये ह्वाल्दिमीरबद्दल दावा करण्यात आला होता की प्राण्यांना हेर बनवण्याच्या रशियन प्रकल्पाचा भाग होता. मात्र, रशियाने हे कधीच मान्य केले नाही. व्हेलला नॉर्वेमध्ये Hval म्हणतात. यानंतर, व्हेल आणि रशियन राष्ट्राध्यक्षांची नावे एकत्र करून, सोशल मीडियावर त्याला व्लादिमीर स्पाय व्हेल म्हटले जाऊ लागले.  बेलुगा व्हेल सामान्यतः थंड आर्क्टिक महासागरात राहतात. पण ह्वाल्दिमीर माणसांमध्ये सहज राहत असे. ती माणसांसोबत डॉल्फिनसारखी खेळायची.