Man Vs Wild मध्ये नरेंद्र मोदी आणि बराक ओबामा यांच्यात होतं 'हे' साधर्म्य, Bear Grylls ने शेअर केला अनुभव (Watch Video)
डिस्कव्हरी (Discovery) चॅनेल वरील 'मॅन वर्सेस वाइल्ड' (Man Vs Wild) मध्ये 12 ऑगस्ट रोजी रात्री 9 वाजता पंतप्रधान नरेंद्र मोदी (PM Narendra Modi) यांचा प्रवास पाहायला मिळणार आहे. या भागाचे चित्रीकरण जिम कॉर्बेट (Jim Corbett) येथील जंगलात झाले आहे. तत्पूर्वी या कार्यक्रमाचा सूत्रसंचालक बेयर ग्रिल्स (Bear Grylls) याने आपला मोदींसह भारतातील जंगलात प्रवास करण्याचा अनुभव शेअर केला आहे. यापूर्वी अमेरिकेचे माजी राष्ट्राध्यक्ष बराक ओबामा (Barack Obama) यांनी सुद्धा या शोमध्ये भाग घेतला होता, या एपिसोडचा उल्लेख करत बेयर याने मोदी आणि ओबामा यांचा कार्यक्रमात सहभाग घेण्याचा हेतू एकच असल्याचे म्हंटले आहे. या दोन्ही नेत्यांनी निसर्ग संवर्धनाच्या दृष्टीने हे धाडसी पाऊल उचलले होते असेही बेयर याने सांगितले.
बेयर ग्रिल्स याने ANI वृत्तसंस्थेला दिलेल्या मुलाखतीमध्ये नरेंद्र मोदींचे कौतुक केले. मॅन वर्सेस वाइल्डच्या चित्रीकरणाच्या वेळी हवामानाची स्थिती बिकट होती यावेळी मोदींनी स्वतःसह आमच्या टीमला सुद्धा शांत ठेवले. त्यांचा हसमुख स्वभाव खरोखरच आदर्श आहे असे बेयर याने म्हंटले आहे. याशिवाय मोदी हे एक निसर्गप्रेमी व्यक्तिमत्व आहेत, त्यांनी आपल्या जीवनाचा बराच काळ हिमालयात काढला होता, पण आता वयानुसार त्यांना ही जंगल सफारी शक्य होईल याविषयी आम्हाला चिंता होती, पण त्यांनी हा पूर्ण प्रवास एखाद्या तरुणासारखा बिनधास्त व सहजतेने केला आहे असे सांगत बेयर ग्रिल्स याने मोदींची वाहवा केली.
पहा काय म्हणाला बेअर ग्रिल्स
#WATCH Bear Grylls in Wales(United Kingdom): I’ve had a huge privilege of taking Pres Obama on a trip to Alaska a few years ago..what was similar(Obama&PM Modi) was that they were there for the same purpose- for driving this message of ‘we have to protect the environment. ' pic.twitter.com/pbVDBvhypk
— ANI (@ANI) August 10, 2019
Bear Grylls in Wales(UK): Our team who was filming( Man vs Wild) was really on the edge, but the PM(Modi) was just very calm and I saw that throughout our journey. Whatever we were doing, he was very calm. That was cool to see...What shone bright for me was his humility pic.twitter.com/Fhf0ABEGQg
— ANI (@ANI) August 10, 2019
Bear Grylls in Wales(UK):India is a remarkable and beautiful country with so much beauty that you’ve got to protect. But it comes down always to the individual. Little things like don’t litter,support initiatives that reduce plastic, or protect environment or promote conservation pic.twitter.com/CTK2yy51fB
— ANI (@ANI) August 10, 2019
दरम्यान बेयर ग्रिल्स याने भारताच्या निसर्गविविधतेचे कौतुक करत याच्या संवर्धनासाठी केवळ एका व्यक्तीवर अवलंबून न राहता सर्वांनी पुढाकार घेण्याचे आवाहन केले आहे. तसेच मोदींचा हा प्रवास दाखवणारा एपिसोड आजवरचा जगातील कोणत्याही देशात सर्वाधिक पाहिला गेलेला भाग ठरेल अशी आशा त्याने व्यक्त केली आहे.
(The above story first appeared on LatestLY on Aug 10, 2019 12:58 PM IST. For more news and updates on politics, world, sports, entertainment and lifestyle, log on to our website latestly.com).
